Muddhu Sose: ಡಾಕ್ಟರ್ ಆಗಬೇಕೆಂಬ ಕನಸು ಬಿಚ್ಚಿಟ್ಟ ವಿದ್ಯಾ; 'ಮುದ್ದು ಸೊಸೆ' ಕಥೆಯಲ್ಲಿ ಈಗ ಬಿಗ್ ಟ್ವಿಸ್ಟ್

ಕಲರ್ಸ್ ಕನ್ನಡ ವಾಹಿನಿ ಅಂದಮೇಲೆ ಅಲ್ಲಿ ಏನಾದರೊಂದು ವಿಶೇಷ ಇರಲೇಬೇಕು. ಸದ್ಯಕ್ಕೆ ಸೋಶಿಯಲ್ ಮೀಡಿಯಾದಲ್ಲಿ ಒಂದು ವಿಚಾರ ಸಖತ್ ಸೌಂಡ್ ಮಾಡುತ್ತಿದೆ. ಕಿರುತೆರೆಯ ಪ್ರೇಕ್ಷಕರು ಈಗ ಈ ಬಗ್ಗೆಯೇ ಚರ್ಚೆ ಮಾಡುತ್ತಿದ್ದಾರೆ. ಕಥೆಯ ನಾಯಕಿ ತಗೊಂಡ ಆ ಒಂದು ನಿರ್ಧಾರ ಎಲ್ಲರಿಗೂ ಆಶ್ಚರ್ಯ ತಂದಿದೆ.

ಸಾಮಾನ್ಯವಾಗಿ ಧಾರಾವಾಹಿಗಳಲ್ಲಿ ಅತ್ತೆ-ಸೊಸೆಯ ಜಗಳವೇ ಹೈಲೈಟ್ ಆಗಿರುತ್ತದೆ. ಆದರೆ ಇಲ್ಲಿ ಪರಿಸ್ಥಿತಿ ಹಾಗಿಲ್ಲ. ಇಲ್ಲಿ ಭಾವನೆಗಳಾಟ ಜೋರಾಗಿದೆ. ಪ್ರತಿಯೊಂದು ಎಪಿಸೋಡ್ ಕೂಡ ಹೊಸ ಹೊಸ ಟ್ವಿಸ್ಟ್ಗಳನ್ನೇ ಹೊತ್ತು ತರುತ್ತಿದೆ. ಹಾಗಾಗಿ ವೀಕ್ಷಕರು ಟಿವಿ ಮುಂದೆ ಕುಳಿತರೆ ಕಣ್ಣು ಮಿಟುಕಿಸದೆ ನೋಡುತ್ತಿದ್ದಾರೆ.

ಅಂದಹಾಗೆ, ಈ ಕಥೆಯಲ್ಲಿ ಈಗ ಮಹತ್ವದ ಘಟ್ಟವೊಂದು ಎದುರಾಗಿದೆ. ಇಷ್ಟು ದಿನ ಮನಸ್ಸಿನಲ್ಲೇ ಬಚ್ಚಿಟ್ಟುಕೊಂಡಿದ್ದ ಆ ಗುಟ್ಟು ಈಗ ರಟ್ಟಾಗಿದೆ. ಇದು ಬರೀ ಗುಟ್ಟಲ್ಲ, ಅದೊಂದು ದೊಡ್ಡ ಕನಸು. ಆ ಕನಸಿನ ಸುತ್ತಲೇ ಈಗ ಇಡೀ ಸಂಸಾರ ಗಿರಕಿ ಹೊಡೆಯುತ್ತಿದೆ. ಆಕೆ ಅಂದುಕೊಂಡಿದ್ದನ್ನು ಸಾಧಿಸುತ್ತಾಳಾ ಎಂಬ ಕುತೂಹಲ ಎಲ್ಲರಲ್ಲೂ ಮನೆ ಮಾಡಿದೆ.

ಮುದ್ದು ಸೊಸೆ ದೊಡ್ಡ ಕನಸು

ಹೌದು, ನಾವು ಮಾತನಾಡುತ್ತಿರುವುದು 'ಮುದ್ದು ಸೊಸೆ' ಧಾರಾವಾಹಿಯ ವಿದ್ಯಾ ಬಗ್ಗೆ. ವಿದ್ಯಾ ಅಂದರೆ ಕೇವಲ ಮನೆಯ ಕೆಲಸ ಮಾಡುವ ಸೊಸೆಯಲ್ಲ. ಅವಳ ಕಣ್ಣಲ್ಲಿ ಒಂದು ಕೆಚ್ಚೆದೆಯ ಕನಸಿದೆ. ಅದು ಬೇರೇನೂ ಅಲ್ಲ, ಅವಳು ಡಾಕ್ಟರ್ ಆಗಬೇಕು ಎನ್ನುವುದು. ಈ ವಿಚಾರವನ್ನು ವಿದ್ಯಾ ಈಗ ಎಲ್ಲರ ಮುಂದೆ ಹೇಳಿಕೊಂಡಿದ್ದಾಳೆ.

ವಿದ್ಯಾಳ ಈ ಹಂಬಲ ಕೇಳಿ ಮನೆಯವರು ಒಂದು ಕ್ಷಣ ಶಾಕ್ ಆಗಿದ್ದಾರೆ. ಒಬ್ಬ ಸೊಸೆಯಾಗಿ ಮನೆಯ ಜವಾಬ್ದಾರಿ ಹೊತ್ತುಕೊಳ್ಳಬೇಕಾದವಳು, ಈಗ ಓದಿನ ಬಗ್ಗೆ ಮಾತನಾಡುತ್ತಿರುವುದು ಎಲ್ಲರಿಗೂ ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಆದರೆ ವಿದ್ಯಾ ಮಾತ್ರ ತನ್ನ ನಿರ್ಧಾರದಲ್ಲಿ ಅಚಲವಾಗಿದ್ದಾಳೆ. ಅವಳ ಈ ಹೋರಾಟಕ್ಕೆ ಯಾರು ಸಾಥ್ ನೀಡುತ್ತಾರೆ ಎಂಬುದು ಈಗಿನ ಪ್ರಶ್ನೆ.

ಕುತೂಹಲ ಘಟ್ಟದಲ್ಲಿ ಕಥೆ

ಪ್ರತಿ ದಿನ ಸಂಜೆ 7:30 ಆಯಿತು ಎಂದರೆ ಸಾಕು, ಮನೆಮಂದಿಯೆಲ್ಲಾ ಕಲರ್ಸ್ ಕನ್ನಡದ ಮುಂದೆ ಹಾಜರಿರುತ್ತಾರೆ. ಅದಕ್ಕೆ ಕಾರಣ ವಿದ್ಯಾಳ ಜೀವನದ ಈ ಹೋರಾಟ. ವಿದ್ಯಾ ಡಾಕ್ಟರ್ ಆಗಲು ಹೊರಟಿರುವುದು ಬರೀ ಅವಳ ವೈಯಕ್ತಿಕ ನಿರ್ಧಾರವಲ್ಲ. ಇದು ಸಮಾಜದ ಕಟ್ಟುಪಾಡುಗಳ ವಿರುದ್ಧದ ಧ್ವನಿಯೂ ಹೌದು.

ಡಾಕ್ಟರ್ ಆಗುವುದು ಸುಲಭದ ಮಾತಲ್ಲ. ಅದಕ್ಕೆ ಶ್ರಮ ಬೇಕು, ಸಮಯ ಬೇಕು. ಇದೆಲ್ಲವನ್ನೂ ನಿಭಾಯಿಸಿಕೊಂಡು ವಿದ್ಯಾ ತನ್ನ ಗುರಿ ಮುಟ್ಟುತ್ತಾಳಾ? ಮನೆಯವರ ವಿರೋಧದ ನಡುವೆಯೂ ಅವಳ ವೈದ್ಯಕೀಯ ಪದವಿ ಕನಸು ನನಸಾಗುತ್ತಾ? ಈ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಸಿಗಬೇಕಾದರೆ ನೀವು ಈ ಧಾರಾವಾಹಿಯನ್ನು ತಪ್ಪದೇ ನೋಡಬೇಕು.

ವೀಕ್ಷಕರ ಮನಗೆದ್ದ ವಿದ್ಯಾ

ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ವಿದ್ಯಾಳ ಪಾತ್ರಕ್ಕೆ ಭಾರಿ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಹೆಣ್ಣುಮಕ್ಕಳು ಮದುವೆಯಾದ ಮೇಲೂ ಓದಬೇಕು ಎಂಬ ಸಂದೇಶ ನೀಡುತ್ತಿರುವುದು ಎಲ್ಲರಿಗೂ ಇಷ್ಟವಾಗಿದೆ. ದಿನದಿಂದ ದಿನಕ್ಕೆ ಧಾರಾವಾಹಿ ಸೊಗಸಾಗಿ ಮೂಡಿ ಬರ್ತಿದ್ದು ವೀಕ್ಷಕರ ಗಮನ ಸೆಳೆದಿದೆ. ಮುಂದೆ ಕಥೆಯಲ್ಲಿ ಏನೆಲ್ಲಾ ಟ್ವಿಸ್ಟ್ ಇರುತ್ತದೆ ಎಂದು ವೀಕ್ಷಕರು ಕಾದು ಕೂರುವಂತಾಗಿದೆ. ಪ್ರತಿಮಾ, ತ್ರಿವಿಕ್ರಮ್, ಮುನಿ ನಟನೆಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.

ಮುಂದಿನ ದಿನಗಳಲ್ಲಿ ವಿದ್ಯಾ ಕಾಲೇಜಿಗೆ ಹೋಗುತ್ತಾಳಾ? ಮನೆಯಲ್ಲಿ ಅವಳಿಗೆ ಯಾರು ಬೆಂಬಲ ನೀಡುತ್ತಾರೆ? ಅತ್ತೆಯ ಪ್ಲಾನ್ ಏನಾಗಿರಲಿದೆ ? ಈ ಎಲ್ಲಾ ರೋಚಕ ಅಂಶಗಳು ನಿಮ್ಮನ್ನು ತುದಿಗಾಲಿನಲ್ಲಿ ನಿಲ್ಲಿಸಲಿವೆ. ವಿದ್ಯಾಳ ಡಾಕ್ಟರ್ ಕನಸು ನನಸಾಗಲಿ ಎಂಬುದು ಪ್ರೇಕ್ಷಕರ ಹಾರೈಕೆಯೂ ಹೌದು.