ಚಾರು ಕುರಿತು ರಾಮಾಚಾರಿಯ ನಿರ್ಧಾರ ಏನು?

ಮಾನ್ಯತಾ ಕ್ಷಮೆ ಕೇಳಿದ ರಾಮಾಚಾರಿ!

ಇತ್ತ ಮಾನ್ಯತಾಳ ಮುಂದೆ ಬಂದು ನಿಂತುಕೊಂಡ ರಾಮಾಚಾರಿ ಮಾನ್ಯತಾ ಕ್ಷಮೆ ಕೇಳುತ್ತಾನೆ. ಆಗಲೂ ಸಹ ಮಾನ್ಯತಾ ಸ್ವಾಭಿಮಾನಿ ರಾಮಾಚಾರಿ ನನ್ನ ಹತ್ರ ಕ್ಷಮೆ ಕೇಳೋದಾ ಎಂದು ಅವಮಾನಿಸ್ತಾಳೆ. ಇದೆಲ್ಲವನ್ನೂ ಚಾರು ಸಹ ಕೇಳಿಸಿಕೊಳ್ತಾಳೆ. ಕೆಲವೊಮ್ಮೆ ಗೊತ್ತಾಗದೇ ಮಾಡದ ತಪ್ಪಿಗೆ ಕ್ಷಮೆ ಕೇಳಬೇಕು ಮೇಡಂ ಇಲ್ಲದಿದ್ದರೆ ಪಾಪಪ್ರಜ್ಞೆ ಕಾಡುತ್ತದೆ ಎಂದು ರಾಮಾಚಾರಿ ಹೇಳುತ್ತಾನೆ. ಕೊನೆಗೂ ನಿನಗೆ ಕ್ಷಮೆ ಕೇಳಬೇಕು ಅನಿಸ್ತಲ್ಲ ಗ್ರೇಟ್ ಅಂತಾಳೆ. ನಾನು ನಿನ್ನ ಕ್ಷಮಿಸಲ್ಲ, ಆದರೆ ಕ್ಷಮಿಸೋ ಅಂತಾ ತಪ್ಪು ಮಾಡು ಕ್ಷಮಿಸೋಕೆ ಆಗದೇ ಇರೋವಂತ ತಪ್ಪು ಮಾಡಬೇಡ ಎಂದು ರಾಮಾಚಾರಿಗೆ ಮಾನ್ಯತಾ ಹೇಳುತ್ತಾಳೆ ಮನಸಿನಲ್ಲಿ ನಾನು ಕ್ಷಮಿಸೋಕೆ ಆಗದಂತಹ ತಪ್ಪು ‌ಮಾಡಿದ್ದೇನೆ ಮೇಡಂ ಎಂದು ರಾಮಾಚಾರಿ ಅಂದುಕೊಳ್ತಾನೆ.

ರಾಮಾಚಾರಿಗೆ ವಾರ್ನ್ ಮಾಡಿದ ಮಾನ್ಯತಾ

ಇತ್ತ ರಾಮಾಚಾರಿಗೆ ಮಾನ್ಯತಾ ವಾರ್ನ್ ಮಾಡ್ತಾಳೆ. ನನ್ನ ಮಗಳಿಗೆ ನಾನು ಹುಡುಗನನ್ನು ನೋಡ್ತಾ ಇದ್ದೀನಿ ಅದು ಮೂರನೇ ವ್ಯಕ್ತಿಯಿಂದ ಹಾಳಾಗುತ್ತದೆ ಎಂದು ಹೇಳಿದ್ದಾರೆ. ಆ ಮೂರನೇ ವ್ಯಕ್ತಿ ನೀನೇ ಆದರೆ ಭೂಮಿಯ ಮೇಲೆ ನಿನ್ನ ಉಸಿರು ಇರೋದಿಲ್ಲ ಎಂದು ಹೇಳಿ ವಾರ್ನ್ ಮಾಡುತ್ತಾಳೆ. ಇತ್ತ ಮಾನ್ಯತಾ ಚಪ್ಪಲಿಯನ್ನು ನೋಡಿ ತನ್ನ ಮಗಳ ಚಪ್ಪಲಿ ಆಫೀಸ್‌ನಲ್ಲಿ ಈ ರೀತಿ ಚಪ್ಪಲಿ ಹಾಕೋರು ಯಾರಿದ್ದಾರೆ ಎಂದು ಶಾಕ್ ಆಗ್ತಾಳೆ. ತನ್ನ ಬೇಬಿ ಎಂದುಕೊಂಡು ವೀಲ್ ಚೇರ್ ಮೇಲಿದ್ದ ಹುಡುಗಿಯ ಶಾಲನ್ನು ತಗೆಯಲು ಹೋಗುತ್ತಾಳೆ.ಆದರೆ ವೀಲ್ ಚೇರ್ ಮೇಲೆ ಚಾರು ಬದಲು ಸಾನ್ವಿ ಕುಳಿತಿರುತ್ತಾಳೆ.

ಚಾರುವನ್ನು ಮನೆಗೆ ಕರೆತಂದ ರಾಮಾಚಾರಿ

ಸ್ವಾನಿಯನ್ನು ನೋಡಿದ ಮಾನ್ಯತಾ ಇದೇನು ಎಂದು ಕೇಳಿದಾಗ ಸಣ್ಣ ಆಕ್ಸಿಡೆಂಟ್ ಅಂತಾ ಹೇಳುತ್ತಾಳೆ. ಚಾರು ಕೊಲ್ಕತ್ತಾಗೆ ಹೋದ ಕಾರಣ ರಾಮಾಚಾರಿ ಜೊತೆಗೆ ಬಂದಿದ್ದೇನೆ ಎಂದು ಹೇಳುತ್ತಾಳೆ. ಅಲ್ಲಿಗೆ ಬಂದಿದ್ದ ಗಂಡಾಂತರ ಪಾರು ಆಯಿತು ಎಂದು ನಿಟ್ಟುಸಿರು ಬಿಡುತ್ತಾರೆ. ಇನ್ನೂ ರಾಮಾಚಾರಿ ಮನೆಗೆ ಇನ್ನು ಬಂದಿಲ್ಲ ಎಂದು ಟೆನ್ಶನ್ ಆಗಿದ್ದ ಮನೆಯವರಿಗೆ ರಾಮಾಚಾರಿ ಹಾಗೂ ಚಾರುವನ್ನು ಒಟ್ಟಿಗೆ ನೋಡಿ ಶಾಕ್ ಆಗುತ್ತದೆ. ಚಾರುಗೆ ರಾಮಾಚಾರಿ ಬಲಗಾಲಿಟ್ಟು ಒಳಗೆ ಬನ್ನಿ ಮೇಡಂ ಎಂದಾಗ ಮನೆಯವರೆಲ್ಲರೂ ಕೂಡ ರಾಮಾಚಾರಿಯನ್ನೇ ನೋಡುತ್ತಾ ಇರುತ್ತಾರೆ. ಮುಂದೆ ಏನು ಆಗುತ್ತದೆ ಎಂಬುದೇ ಕುತೂಹಲಕಾರಿಯಾಗಿದೆ.