Lakshana serial : ಲಕ್ಷಣ ಹಾಗೂ ಭೂಪತಿಯನ್ನು ಒಟ್ಟಿಗೆ ನೋಡಿ ಹೊಟ್ಟೆಕಿಚ್ಚುಪಟ್ಟ ಶ್ವೇತಾ

ಒಟ್ಟಿಗೆ ಹೋಗುತ್ತಿರುವುದಕ್ಕೆ ಶ್ವೇತಾಗೆ ಕಣ್ಣುರಿ

ಇನ್ನೇನು ಕೆಲವೇ ದಿನಗಳಲ್ಲಿ ನಾನು ಭೂಪತಿಯನ್ನು ನಿನ್ನಿಂದ ಕಿತ್ತುಕೊಳ್ಳುತ್ತೇನೆ ಅಲ್ಲಿಯವರೆಗೆ ನೀನು ಮೆರೆಯುತ್ತಿರು ಎಂದು ಶ್ವೇತಾ ತನ್ನ ಮನಸ್ಸಿನಲ್ಲೆ ಅಂದುಕೊಂಡಿದ್ದಾಳೆ. ಭೂಪತಿ ಮತ್ತು ನಕ್ಷತ್ರಾಗೆ ಮಯೂರಿ ಒಟ್ಟಿಗೆ ಆರತಿಯನ್ನು ನೀಡಿ ನೀವು ಇಬ್ಬರು ಯಾವಾಗಲೂ ಚೆನ್ನಾಗಿ ಇರಿ ಎಂದು ಹಾರೈಸಿದ್ದಾಳೆ. ಇದನ್ನು ಕೇಳಿಸಿಕೊಂಡ ಶ್ವೇತಾಗೆ ತುಂಬಾನೇ ಬೇಸರವಾಗಿದೆ. ಎಷ್ಟು ದಿನ ಒಟ್ಟಿಗೆ ಇರಲು ಸಾಧ್ಯ ಭೂಪತಿಯನ್ನು ನಾನು ಕಿತ್ತುಕೊಳ್ಳುತ್ತೇನೆ ಎಂದು ಶ್ವೇತಾ ಪದೇಪದೇ ಅಂದುಕೊಳ್ಳುತ್ತಿದ್ದಾಳೆ. ಇವರಿಬ್ಬರು ಒಟ್ಟಿಗೆ ಹೋಗುವುದನ್ನು ನೋಡಲು ತುಂಬಾನೇ ಕಿರಿಕಿರಿಯಾಗುತ್ತಿದೆ ಎಂದು ಶ್ವೇತ ಅಂದುಕೊಂಡಿದ್ದಾಳೆ.

ಅಳಿಯ ಮಗಳು ಬರುವುದನ್ನೇ ಕಾದ ಮನೆಯವರು

ಮೊದಲ ಬಾರಿ ಮಾವನ ಮನೆಗೆ ಭೂಪತಿ ಹೊರಟಿದ್ದಾನೆ. ಮನೆಗೆ ಅಳಿಯ ಬರುವುದನ್ನೇ ಚಂದ್ರಶೇಖರ್ ಹಾಗೂ ಆರತಿ ಕಾದು ಕುಳಿತಿದ್ದಾರೆ. ಮನೆಗೆ ಹೋದಾಗ ಅಳಿಯನಿಗೆ ಹಾಗೂ ಮಗಳಿಗೆ ಸ್ವಾಗತವನ್ನು ಕೋರಿದ್ದಾರೆ. ಆದರೆ ಭೂಪತಿ ಮಾತ್ರ ಸ್ವಲ್ಪ ಬೇಸರದಲ್ಲಿ ಇದ್ಮಾತನಾಡದಿಯ ಕೂತ ಕಡೆಗೆ ಬಂದ ಚಂದ್ರಶೇಖರ್ ನನ್ನ ಮಗಳು ಕಷ್ಟ ಪಡುವುದನ್ನು ನೋಡುತ್ತಿದ್ದರೆ ಬೇಸರವಾಗುತ್ತಿತ್ತು ನಾನೇ ನನ್ನ ಮಗಳನ್ನು ಈ ರೀತಿ ಕಷ್ಟಕ್ಕೆ ದೂಡಿದೆ ಎನಿಸುತ್ತಿತ್ತು ಎಂದು ಭೂಪತಿಯ ಬಳಿ ಹೇಳಿದ್ದಾನೆ. ನನ್ನ ಮಗಳದ್ದು ಯಾವುದೇ ತಪ್ಪಿಲ್ಲ ಎಂದುಕೊಂಡು ಕೇಳಿ ಬಹಳ ಖುಷಿಯಾಗಿದೆ ನೀವಿಬ್ಬರು ಒಟ್ಟಿಗೆ ಇರುವುದನ್ನು ನೋಡಲು ಸಂತೋಷವಾಗುತ್ತದೆ ಎಂದು ಹೇಳಿದಾಗ ಭೂಪತಿ ಮಾವನ ಜೊತೆ ಯಾವುದೇ ಮಾತನಾಡದೆ ಅಲ್ಲಿಂದ ಎದ್ದು ಹೋಗಿದ್ದಾನೆ.

ಸಮಾಧಾನದ ನಾಟಕ‌ ಆಡಿದ ಭಾರ್ಗವಿ

ಇನ್ನು ಅದನ್ನೆಲ್ಲ ಕೇಳಿಸಿಕೊಂಡ ಭಾರ್ಗವಿಗೆ ತುಂಬಾನೆ ಖುಷಿಯಾಗಿದೆ. ಆಗ ಅಲ್ಲಿಗೆ ಬಂದ ಭಾರ್ಗವಿ ತನ್ನ ಅಣ್ಣನನ್ನು ಸಮಾಧಾನ ಮಾಡುವ ನಾಟಕ ಆಡಿದ್ದಾಳೆ. ನೀನು ಈ ರೀತಿ ಮಾಡಬಾರದು ನಿನ್ನ ಸ್ವಾಭಿಮಾನವನ್ನು ಬಿಟ್ಟು ಅವನನ್ನು ಮೇಲೆ ಬಿದ್ದು ಮಾತನಾಡಿಸಬೇಡ ಅವನ ಕಣ್ಣಿಗೆ ಕಾಣಿಸದಂತೆ ಇರು ಎಂದು ಹೇಳಿದ್ದಾಳೆ. ಆದರೆ ನಾನು ಮಗಳಿಗಾಗಿ ನನ್ನ ಸ್ವಾಭಿಮಾನವನ್ನು ಬದಿಗೆ ಇಡುತ್ತೇನೆ ಎಂದು ಚಂದ್ರಶೇಖರ್ ಹೇಳಿದ್ದಾರೆ. ಇದು ಒಂದು ರೀತಿಯಲ್ಲಿ ಭಾರ್ಗವಿಗೆ ಪ್ಲಸ್ ಪಾಯಿಂಟ್ ಆಗಿದೆ. ಮುಂದೆ ಭಾರ್ಗವಿ ಏನು ಮಾಡುತ್ತಾಳೆ ಎಂಬುದೇ ಕುತೂಹಲವಾಗಿದೆ.