Lakshana Serial: ಆಫೀಸ್‌ಗೆ ಎಂಟ್ರಿ ಕೊಟ್ಟ ಲಕ್ಷಣ:ಶ್ವೇತಾಗೆ ಶಾಕ್

ಊಟ ತಂದ ನಕ್ಷತ್ರ

ಇನ್ನು ಆಫೀಸ್‌ನಲ್ಲಿ ನಕ್ಷತ್ರ ನೋಡಿದ ಶ್ವೇತಾಗೆ ಶಾಕ್ ಆಗುತ್ತದೆ ಇವಳು ಬಂದು ನನ್ನ ಎಲ್ಲ ಪ್ಲ್ಯಾನ್ ಹಾಳು ಮಾಡಿದಳು ಎಂದು ಗೊಣಗಿಕೊಂಡು ತಾನು ಕುಳಿತ ಜಾಗಕ್ಕೆ ಬಂದು ಕುಳಿತುಕೊಳ್ಳುತ್ತಾಳೆ. ಇನ್ನೂ ನಕ್ಷತ್ರ ಭೂಪತಿಗೆ ಊಟ ಬಡಿಸಿ ಶ್ವೇತಾಗೆ ಊಟ ತೆಗೆದುಕೊಂಡು ಹೋಗುತ್ತಾಳೆ. ಆದರೆ ನಕ್ಷತ್ರ ತಂದ ಊಟವನ್ನು ಶ್ವೇತ ಕೋಪದಿಂದ ಬಿಸಾಡುತ್ತಾಳೆ. ಶ್ವೇತಾಗೆ ನಕ್ಷತ್ರ ಸರಿಯಾದ ರೀತಿಯಲ್ಲಿ ಬೈದು ಅನ್ನಪೂರ್ಣ ದೇವಿಗೆ ಅವಮಾನ‌ ಮಾಡಿದರೆ ಕ್ಷಮಿಸೋದಿಲ್ಲ ಎಂದು ಹೋಗುತ್ತಾಳೆ.

ಭೂಪತಿ ಬಳಿ ಸುಳ್ಳು ಹೇಳಿದ ಶ್ವೇತ

ಭೂಪತಿ ಹತ್ತಿರ ಬಂದ ನಕ್ಷತ್ರ ಇನ್ನೇನು ಶ್ವೇತಾ ಮಾಡಿದ್ದನ್ನು ಹೇಳಬೇಕು ಅಷ್ಟರಲ್ಲಿ ಅಲ್ಲಿಗೆ ಬಂದ ಶ್ವೇತಾ ನಾನು ಊಟ ಮಾಡಿದೆ ಭೂಪತಿ ತುಂಬಾ ಹಸಿವು ಆಗಿತ್ತಲ್ಲ ಅದಕ್ಕೆ ಬೇಗ ಬೇಗ ತಿಂದೆ ಎಂದು ಹೇಳುತ್ತಾಳೆ. ಆಗ ಭೂಪತಿ ಮನೆ ಊಟ ಅಂದರೆ ಮನೆಯೂಟ ಎನ್ನುತ್ತಾನೆ. ಆಗ ನಕ್ಷತ್ರ ಹಾಗಾದ್ರೆ ದಿನ ನಾನೇ ಊಟವನ್ನು ತರುತ್ತೇನೆ ಎಂದು ಹೇಳಿದಾಗ ಭೂಪತಿ ಬೇಡ ಎಂದು ಹೇಳುತ್ತಾನೆ.

ಹೋಟೆಲ್‌ಗೆ ಭೂಪತಿ ಜೊತೆಗೆ ಹೋದ ನಕ್ಷತ್ರ

ಇಡೀ ಆಫೀಸ್ ಅನ್ನು ತೋರಿಸಿ ಎಲ್ಲರಿಗೂ ನನ್ನ ಹೆಂಡತಿ ಎಂದು ಪರಿಚಯ ಮಾಡಿಸುತ್ತಾನೆ ಆಗ ನಕ್ಷತ್ರಗೆ ತುಂಬಾ ಖುಷಿಯಾಗುತ್ತದೆ. ಈ ನಡುವೆ ನಕ್ಷತ್ರ ಊಟ ಮಾಡದೇ ಇರುವುದು ಭೂಪತಿಗೆ ನೆನಪಾಗಿ ನೀನು ಊಟ ಮಾಡಿಲ್ಲ ಎಂದು ಕೇಳುತ್ತಾನೆ.‌ ಆಗ ನಕ್ಷತ್ರ ಊಟ ಮಾಡಿದೆ ಅಂದಾಗ ಇಲ್ಲೇ ಇದ್ದೇ ಯಾವಾಗ ಊಟ ಮಾಡಿದೆ ಎಂದು ಕೇಳಿದಾಗ ನಡಿ ಯಾವುದಾದರೂ ರೆಸ್ಟೋರೆಂಟ್‌ಗೆ ಊಟಕ್ಕೆ ಹೋಗೋಣ ಎನ್ನುತ್ತಾನೆ ಆಗ ನಕ್ಷತ್ರ ರೆಸ್ಟೋರೆಂಟ್ ಬೇಡ ಇಲ್ಲೇ ಚನ್ನಾಗಿ ಇರೋ ಹೋಟೆಲ್ ಇದೆ ಅಲ್ಲಿಗೆ ಹೋಗೋಣ ಎನ್ನುತ್ತಾಳೆ.

ಮುಂದೇನು ಕಾದು ನೋಡಬೇಕಿದೆ

ಅಲ್ಲೇ ಹತ್ತಿರದಲ್ಲಿ ಇದ್ದ ಹೋಟೆಲ್‌ಗೆ ನಕ್ಷತ್ರ ಮತ್ತು ಭೂಪತಿ ಹೋಗಿದ್ದಾರೆ ನಕ್ಷತ್ರ ಒಂದು ಅನ್ನ ಸಾಂಬರ್ ಕೊಡಿ ಎಂದು ಕೇಳಿದ‌ ನಕ್ಷತ್ರ ಭೂಪತಿ ಜೊತೆಗೆ ಮಾತಿಗೆ ಇಳಿದು ಹಳೆಯದ್ದನ್ನು ಎಲ್ಲ ನೆನಪಿಸಿಕೊಂಡಿದ್ದಾಳೆ‌.‌ ನಂತರ ಹೋಟೆಲ್‌ನ ಮಾಲೀಕರ ಜೊತೆಗೆ ಮಾತಿಗೆ ಇಳಿದು ಹೇಗೆ ವ್ಯಾಪಾರ ಆಗುತ್ತದೆ ಎಂದೆಲ್ಲಾ ಕೇಳುತ್ತಾ ಊಟ ಮಾಡುತ್ತಿದ್ದಾಳೆ.‌ ಇದೆಲ್ಲವನ್ನೂ ನೋಡಿದ ಭೂಪತಿಗೆ ಖುಷಿಯಾಗಿದೆ. ಎಲ್ಲೋ‌ ಕಳೆದು ಹೋದಂತೆ ಭಾಸವಾಗುತ್ತಿದೆ. ಈ ಕಡೆ ಸಂಜು ಶ್ವೇತಾಗೆ ರಿಪೋರ್ಟ್ ಬರೆದು ಆಯಿತಾ ಎಂದು ಕೇಳುತ್ತಿದ್ದಾನೆ.‌ಇದರಿಂದ ಶ್ವೇತಾಗೆ ಕಿರಿಕಿರಿ ಶುರುವಾಗಿದೆ. ಮುಂದೇನು ಕಾದು ನೋಡಬೇಕಾಗಿದೆ.