Click it and Unblock the Notifications
Don't Miss!
-
Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕನ್ನಡ ಕಿರುತೆರೆಯ ನಂ.1 ಕಾರ್ಯಕ್ರಮ 'ಪುಟ್ಟಗೌರಿ ಮದುವೆ' ಅಲ್ಲ.! ಮತ್ತಿನ್ಯಾವುದು.?
Recommended Video
ಒಂದ್ಕಾಲದಲ್ಲಿ ಕಲರ್ಸ್ ಕನ್ನಡ ವಾಹಿನಿಯ 'ಪುಟ್ಟಗೌರಿ ಮದುವೆ' ಕನ್ನಡ ಕಿರುತೆರೆಯ ನಂ.1 ಕಾರ್ಯಕ್ರಮ ಆಗಿತ್ತು. ಟಿ.ಆರ್.ಪಿ ಲೆಕ್ಕಾಚಾರದಲ್ಲಿ 'ಪುಟ್ಟಗೌರಿ ಮದುವೆ' ಹಾಗೂ 'ಲಕ್ಷ್ಮಿ ಬಾರಮ್ಮ' ಧಾರಾವಾಹಿಗಳು ಸದಾ ಮುಂಚೂಣಿಯಲ್ಲಿ ಇರುತ್ತಿತ್ತು.
ಆದ್ರೀಗ ಕಾಲ ಬದಲಾಗಿದೆ. ಎಲಾಸ್ಟಿಕ್ ಗಿಂತಲೂ ಅಧ್ವಾನವಾಗಿ ಎಳೆಯುತ್ತಿರುವ ಮೆಗಾ ಸೀರಿಯಲ್ ಗಳನ್ನು ನೋಡಿ ನೋಡಿ ವೀಕ್ಷಕರಿಗೆ ತಲೆ ಕೆಟ್ಟು ಹೋಗಿದೆ. ಹೀಗಾಗಿ ಅದೇ ಹಳೇ ಧಾರಾವಾಹಿಗಳಿಂದ ವೀಕ್ಷಕರು ದೂರ ಸರಿಯುತ್ತಿರುವ ಹಾಗೆ ಕಾಣುತ್ತಿದೆ.
ಟಿವಿ ಮುಂದೆ ಕೂತರೆ ಕಿಲಕಿಲ ಅಂತ ನಗಬೇಕು, ಮನಸ್ಸಿಗೆ ನೆಮ್ಮದಿ ಸಿಗಬೇಕು ಅಂತ ಬಯಸುವ ವೀಕ್ಷಕರಿಗೆ ವರದಾನವಾಗಿ ಸಿಕ್ಕಿರುವುದು 'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮ. 'ಕಾಮಿಡಿ ಕಿಲಾಡಿಗಳು' ಮೊದಲ ಆವೃತ್ತಿ ಜನಪ್ರಿಯತೆ ಪಡೆದಿತ್ತು. ಆದ್ರೆ ಅದ್ಯಾಕೋ ಏನೋ ಎರಡನೇ ಸೀಸನ್ ಅಷ್ಟಾಗಿ ಜನ ಮನ್ನಣೆ ಗಳಿಸಲಿಲ್ಲ.
ಇದೀಗ ಮೊದಲ ಹಾಗೂ ಎರಡನೇ ಸೀಸನ್ ನ 'ಕಿಲಾಡಿ'ಗಳನ್ನೇ ಬಳಸಿಕೊಂಡು 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್'ಗೆ ಜೀ ಕನ್ನಡ ವಾಹಿನಿ ಚಾಲನೆ ನೀಡಿದೆ. ಈ ಐಡಿಯಾ ಸೂಪರ್ ಸಕ್ಸಸ್ ಆಗಿದೆ. ಅದಕ್ಕೆ ಸಾಕ್ಷಿ ಕಾರ್ಯಕ್ರಮಕ್ಕೆ ಸಿಕ್ಕಿರುವ ರೇಟಿಂಗ್.! ಸಂಪೂರ್ಣ ಮಾಹಿತಿ ಇಲ್ಲಿದೆ, ಓದಿರಿ....
ನಂ.1 ಕಾರ್ಯಕ್ರಮ 'ಇದೇ' ಕಣ್ರೀ.!
ಸದ್ಯ ಕನ್ನಡ ಕಿರುತೆರೆ ಲೋಕದಲ್ಲಿಯೇ ನಂ.1 ಕಾರ್ಯಕ್ರಮ ಆಗಿ ಹೊರಹೊಮ್ಮಿರುವುದು 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್'. ರೇಟಿಂಗ್ ಲೆಕ್ಕಾಚಾರದಲ್ಲಿ 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್' ನಂ.1 ಸ್ಥಾನ ಪಡೆದಿದೆ.
ಬಾರ್ಕ್ ರೇಟಿಂಗ್ ಇಲ್ಲಿದೆ ನೋಡಿ...
ಕನ್ನಡ ಕಿರುತೆರೆಯಲ್ಲಿ 29ನೇ ವಾರ (ಜುಲೈ 14 ರಿಂದ ಜುಲೈ 20 ರವರೆಗೆ) ಪ್ರಸಾರವಾದ ಕಾರ್ಯಕ್ರಮಗಳ ಪೈಕಿ 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್' ಟಾಪ್ ನಲ್ಲಿದೆ. ಇಡೀ ಕರ್ನಾಟಕದಲ್ಲಿ (ಅರ್ಬನ್ ಮತ್ತು ರೂರಲ್) 5844 ಇಂಪ್ರೆಶನ್ ಗಳನ್ನು ಗಳಿಸುವ ಮೂಲಕ 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್' ನಂ.1 ಸ್ಥಾನದಲ್ಲಿದೆ.
ಬಾಕಿ ನಾಲ್ಕು ಸ್ಥಾನಗಳು ಕಲರ್ಸ್ ವಾಹಿನಿಗೆ.!
ಎರಡನೇ ಸ್ಥಾನದಲ್ಲಿ (5757) 'ಲಕ್ಷ್ಮಿ ಬಾರಮ್ಮ' ಧಾರಾವಾಹಿ ಇದ್ದರೆ, ಮೂರನೇ ಸ್ಥಾನದಲ್ಲಿ (5508) 'ಶನಿ' ಇದೆ. ನಾಲ್ಕನೇ ಸ್ಥಾನಕ್ಕೆ (5006) 'ಪುಟ್ಟಗೌರಿ ಮದುವೆ' ತೃಪ್ತಿ ಪಟ್ಟುಕೊಂಡಿದೆ. ಇನ್ನೂ 'ಪದ್ಮಾವತಿ' ಸೀರಿಯಲ್ ಐದನೇ ಸ್ಥಾನದಲ್ಲಿದೆ (4844).
ಅಚ್ಚರಿ ಅಂದ್ರೆ....
ಹಾಗ್ನೋಡಿದ್ರೆ, 'ಶನಿ' ಹಾಗೂ 'ಮಹಾಕಾಳಿ' ಧಾರಾವಾಹಿಗಳಿಗೆ ಪ್ರೇಕ್ಷಕರು ಜೈಕಾರ ಹಾಕುತ್ತಿದ್ದಾರೆ. ಆದ್ರೆ, 'ಲಕ್ಷ್ಮಿ ಬಾರಮ್ಮ' ಸೀರಿಯಲ್ ರೇಟಿಂಗ್ ನ ಬೀಟ್ ಮಾಡುವಲ್ಲಿ 'ಶನಿ' ಯಶಸ್ವಿ ಆಗಿಲ್ಲ. ಇನ್ನೂ ಟಾಪ್ 5 ಕಾರ್ಯಕ್ರಮಗಳ ಪಟ್ಟಿಯಲ್ಲಿ 'ಮಹಾಕಾಳಿ' ಸ್ಥಾನವೇ ಪಡೆದಿಲ್ಲ.!
'ಮಗಳು ಜಾನಕಿ' ಕಥೆ ಏನಾಯ್ತು.?
ವರ್ಷಗಳ ಬಳಿಕ ಮತ್ತೆ ಕಿರುತೆರೆಗೆ 'ಮಗಳು ಜಾನಕಿ'ಯನ್ನ ಕರ್ಕೊಂಡು ಟಿ.ಎನ್.ಸೀತಾರಾಮ್ ಬಂದಿದ್ದಾರೆ. 'ಮಗಳು ಜಾನಕಿ'ಗೆ ವೀಕ್ಷಕರ ಬೆಂಬಲ ಲಭಿಸಿದೆ. ಆದ್ರೆ, ಟಾಪ್ 5 ಮಟ್ಟಕ್ಕೆ 'ಮಗಳು ಜಾನಕಿ' ಇನ್ನೂ ಬಂದಿಲ್ಲ.
ಜೀ ಕನ್ನಡ ಪ್ಲಾನ್ ಸಕ್ಸಸ್ ಆಗಿದೆ.!
'ಕಾಮಿಡಿ ಕಿಲಾಡಿಗಳು' ಮೊದಲ ಸೀಸನ್ ಎಲ್ಲರಿಗೂ ಖುಷಿ ಕೊಟ್ಟಿತ್ತು. ಶಿವರಾಜ್.ಕೆ.ಆರ್.ಪೇಟೆ, ಲೋಕೇಶ್, ಹಿತೇಶ್, ನಯನಾ ಸೇರಿದಂತೆ ಮೊದಲ ಆವೃತ್ತಿಯ ಸ್ಪರ್ಧಿಗಳು ಕನ್ನಡಿಗರ ಹೃದಯ ಗೆದ್ದಿದ್ದರು. ಇದೀಗ ಇದೇ ಕಿಲಾಡಿಗಳು 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್'ನಲ್ಲಿ ವಾಪಸ್ ಬಂದಿದ್ದಾರೆ. ಜೊತೆಗೆ ಹಾಸ್ಯ ದಿಗ್ಗಜರೂ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿರುವ ಕಾರಣ ಸಹಜವಾಗಿ ಟಿ.ಆರ್.ಪಿ ಟಾಪ್ ಗೇರಿದೆ. ಹಾಗಾದ್ರೆ, ಇವರುಗಳನ್ನೇ ಟಿ.ಆರ್.ಪಿ ಕಿಂಗ್ ಎನ್ನಬಹುದೇ.?
