'ಸೂಪರ್ ಸ್ಟಾರ್' ಜೆಕೆ ಮತ್ತು ಪುಟಾಣಿಗಳ 'ಕನೆಕ್ಷನ್' ಸ್ಪೆಷಲ್

'ಕನೆಕ್ಷನ್' ಸ್ಪರ್ಧೆಯಲ್ಲಿ ಯಾರ್ಯಾರು?

ಜನಮನ ಗೆದ್ದಿರುವ 'ಪುಟಾಣಿ ಪಂಟ್ರು' ಕಾರ್ಯಕ್ರಮದ ಮೋಕ್ಷ ಕೀರ್ತಿ, ವರ್ಷಿಣಿ ಸಾಕ್ಷಿ, ಹೇಮಂತ, 'ಡ್ಯಾನ್ಸ್ ಡ್ಯಾನ್ಸ್' ಶೋನ ಪ್ರಣಮ್ಯ ಈ ವಾರದ 'ಕನೆಕ್ಷನ್' ಕಾರ್ಯಕ್ರಮದ ಸ್ಪರ್ಧಿಗಳು.

ಸೂಪರ್ ಸ್ಟಾರ್ ಜೆಕೆ ಕೂಡ ಬಂದಿದ್ರು!

ಕಿರುತೆರೆ ಮತ್ತು ಬೆಳ್ಳಿತೆರೆ ಮೇಲೆ ತಮ್ಮದೇ ಆದ ಛಾಪು ಮೂಡಿಸಿರುವ ಜಯರಾಂ ಕಾರ್ತಿಕ್ ಅಲಿಯಾಸ್ ಜೆ.ಕೆ ಈ ವಾರದ 'ಕನೆಕ್ಷನ್' ಸಂಚಿಕೆಯಲ್ಲಿ ಭಾಗವಹಿಸಿದ್ದಾರೆ. ಇವರ ಜೊತೆಗೆ ಸಾಥ್ ಕೊಟ್ಟಿದ್ದು 'ಸ' ಚಿತ್ರದ ನಿರ್ದೇಶಕ ಹೇಮಂತ್ ಹೆಗಡೆ.

ನೋಡಲು ಮಜಾ

ಚಿತ್ರಗಳನ್ನ ಸಿಂಕ್ ಮಾಡುವಲ್ಲಿ ಜೆ.ಕೆ ಮತ್ತು ಹೇಮಂತ್ ಹೆಗಡೆ ರವರ ಕನೆಕ್ಷನ್ ನೋಡಲು ಮಜವಾಗಿದ್ಯಂತೆ.

ಪ್ರತಿಸ್ಪರ್ಧಿಗಳು

ಡ್ಯಾನ್ಸ್ ಜೋಡಿಯಾದ ಲಾಸ್ಯ ಮತ್ತು ರಜತ್, ಕಿರುತೆರೆಯ ಶ್ರವಂತ್ ಮತ್ತು ಅಪೇಕ್ಷ ಜೋಡಿ ಜೆ.ಕೆ ಟೀಮ್ ಗೆ ಪ್ರತಿಸ್ಪರ್ಧಿ ಆಗಿದ್ದಾರೆ.

ಕಾರ್ಯಕ್ರಮ ಪ್ರಸಾರ ಯಾವಾಗ?

ಈ ಸೆಲೆಬ್ರಿಟಿಗಳ ನಡುವಿನ ಹಣಾಹಣಿಯ 'ಕನೆಕ್ಷನ್' ಇದೇ ಶನಿವಾರ ಮತ್ತು ಭಾನುವಾರ ರಾತ್ರಿ 7.30ಕ್ಕೆ ನಿಮ್ಮ ನೆಚ್ಚಿನ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.