Don't Miss!
- Finance ಈ ಬಾರಿಯ ನೈಋತ್ಯ ಮಾನ್ಸೂನ್ ಮಳೆ ಹೇಗಿರುತ್ತದೆ? ಇಲ್ಲಿದೆ ಹವಾಮಾನ ಇಲಾಖೆ ಮಾಹಿತಿ
- News Google Pixel 8A: ಗೂಗಲ್ ಹೊಸ ಫೋನ್ ಬಿಡುಗಡೆ ಮುಹೂರ್ತ ಫಿಕ್ಸ್: ಏನೆಲ್ಲಾ ವಿಶೇಷತೆಗಳನ್ನು ಹೊಂದಿದೆ
- Sports IND vs BAN: ಬಾಂಗ್ಲಾ ವಿರುದ್ಧದ ಟಿ20 ಸರಣಿಗೆ ಭಾರತ ಮಹಿಳಾ ತಂಡ ಪ್ರಕಟ; ಶ್ರೇಯಾಂಕಾ ಪಾಟೀಲ್ಗೆ ಸ್ಥಾನ
- Technology Vivo: ವಿವೋ V30e ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ಸೋನಿ IMX882 OIS ಕ್ಯಾಮೆರಾ..
- Lifestyle ಒಂದೇ ಒಂದು ಟೊಮೆಟೋ ಇಲ್ಲದೆ ಈ ಚಟ್ನಿ ಮಾಡಿ..! ಸಿಕ್ಕಾಪಟ್ಟೆ ರುಚಿ..!
- Automobiles ಈ ಕಾರಿನ್ನು ಖರೀದಿಸಲು ಜನ ಕ್ಯೂ ನಿಲ್ಲುತ್ತಿದ್ರು... ಆದ್ರೆ ಕಳೆದ ತಿಂಗಳಿನಲ್ಲಿ 100ರ ಗಡಿ ದಾಟಲಿಲ್ಲ: ಯಾಕೆ ಗೊತ್ತ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಜವಂಶದ ನಟಿ ಮತ್ತು ಕುಟುಂಬಕ್ಕೆ ಕೊರೊನಾ ವೈರಸ್ ಪಾಸಿಟಿವ್
ಉತ್ತರಾಖಂಡದ ರಾಜವಂಶದ ನಟಿ, ಆಕೆಯ ಮಾವ ಮತ್ತು ಸಚಿವ ಸೇರಿದಂತೆ ಕುಟುಂಬದ ಐವರಲ್ಲಿ ಕೊರೊನಾ ವೈರಸ್ ಇರುವುದು ಪತ್ತೆಯಾಗಿದೆ. ಹಾಗೆಯೇ ರಾಜಮನೆತನದ ಅರಮನೆಯಲ್ಲಿ ಕೆಲಸ ಮಾಡುವ 17 ಸಿಬ್ಬಂದಿಯಲ್ಲಿಯೂ ಸೋಂಕು ಕಂಡುಬಂದಿದೆ.
'ಯೇ ರಿಷ್ತಾ ಕ್ಯಾ ಕೆಹ್ಲತಾ ಹೈ' ಧಾರಾವಾಹಿಯ ಮೂಲಕ ನಟಿಯಾಗಿ ಗುರುತಿಸಿಕೊಂಡಿರುವ ಮೋಹೆನಾ ಕುಮಾರಿ ಸಿಂಗ್, ತಮ್ಮ ಕುಟುಂಬದ ಸದಸ್ಯರಲ್ಲಿ ಕೊರೊನಾ ವೈರಸ್ ಪಾಸಿಟಿವ್ ಬಂದಿದೆ ಎಂಬ ಮಾಹಿತಿ ನೀಡಿದ್ದಾರೆ. ಕುಟುಂಬದ ಎಲ್ಲ ಸದಸ್ಯರೂ ಮೇ 31ರಂದು ರಿಷಿಕೇಶದ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಮೋಹೆನಾ ಕುಮಾರಿ ಅವರ ಅತ್ತೆಯಲ್ಲಿ ಮೊದಲು ಜ್ವರ ಕಾಣಿಸಿಕೊಂಡಿತ್ತು. ಇದು ಸಾಮಾನ್ಯ ಜ್ವರ ಎಂದೇ ಭಾವಿಸಿದ್ದೆವು. ಆದರೂ ಪರೀಕ್ಷೆಗೆ ಒಳಪಡಿಸಿದಾಗ ಅವರಲ್ಲಿ ಕೊರೊನಾ ವೈರಸ್ ನೆಗೆಟಿವ್ ಎಂದು ವರದಿ ಬಂದಾಗ ನೆಮ್ಮದಿಯಿಂದ ಉಸಿರಾಡಿದ್ದೆವು ಎಂದು ಮೋಹೆನಾ ತಿಳಿಸಿದ್ದಾರೆ. ಮುಂದೆ ಓದಿ...
ಕುಟುಂಬದ ಅನೇಕರಲ್ಲಿ ಪಾಸಿಟಿವ್
'ವರದಿ ನೆಗೆಟಿವ್ ಬಂದಿದ್ದರಿಂದ ನಾವು ಹೆಚ್ಚು ತಲೆಕೆಡಿಸಿಕೊಳ್ಳದೆ ಅವರಿಗೆ ಮಾಮೂಲಿ ಆರೈಕೆ ಮಾಡಿದ್ದೆವು. ಆದರೆ ಅವರ ಜ್ವರ ಕಡಿಮೆಯಾಗದೆ ಇರುವುದನ್ನು ಗಮನಿಸಿದೆವು. ಕೂಡಲೇ ಪರೀಕ್ಷೆಗೆ ಒಳಗಾದೆವು. ಕೊರೊನಾ ವೈರಸ್ ಸೋಂಕಿನ ಯಾವುದೇ ಲಕ್ಷಣಗಳು ಇಲ್ಲದೇ ಇದ್ದರೂ ನಮ್ಮ ಕುಟುಂಬದ ಅನೇಕರಲ್ಲಿ ಪಾಸಿಟಿವ್ ಇರುವುದು ಗೊತ್ತಾಗಿದೆ' ಎಂದಿದ್ದಾರೆ.
ಗಂಭೀರ ಲಕ್ಷಣಗಳಿಲ್ಲ
'ಜಗತ್ತಿನ ಎಲ್ಲೆಡೆ ಕೊರೊನಾ ವೈರಸ್ ಸೋಂಕು ಇಲ್ಲದೆಯೂ ಅನೇಕ ಜನರು ಕಷ್ಟಪಡುತ್ತಿದ್ದಾರೆ. ನಮ್ಮ ಎಲ್ಲರಲ್ಲಿಯೂ ಈಗ ಕಾಣಿಸಿಕೊಳ್ಳುತ್ತಿರುವ ಲಕ್ಷಣಗಳು ಅಷ್ಟೇನೂ ತೀವ್ರವಾಗಿಲ್ಲ. ಇದರಿಂದಾಗಿಯೇ ಯಾರೂ ವೈರಸ್ ಕುರಿತು ಸರಿಯಾಗಿ ಅರ್ಥ ಮಾಡಿಕೊಳ್ಳುತ್ತಿಲ್ಲ ಎನಿಸುತ್ತದೆ.
ಜನ ಅವಕಾಶ ಬಳಸಿಕೊಳ್ಳುತ್ತಿದ್ದಾರೆ
'ನಮ್ಮ ಕುಟುಂಬದ ಬಗ್ಗೆ ಅಲ್ಲಿ ಇಲ್ಲಿ ನೆಗೆಟಿವ್ ಸುದ್ದಿಗಳು ಹರಿದಾಡುತ್ತಿವೆ. ಇದು ಬಹಳ ದುರದೃಷ್ಟಕರ. ಅದರಲ್ಲಿಯೂ ನನ್ನ ಅತ್ತೆ ಮಾವ ಅನೇಕ ಜನರಿಗೆ ಬಹಳ ಸಹಾಯ ಮಾಡಿದ್ದಾರೆ. ಈಗ ನಮಗೆ ಕೆಟ್ಟ ಹೆಸರು ತರಲು ಜನರಿಗೆ ಅವಕಾಶ ಸಿಕ್ಕಂತಾಗಿದೆ. ಆದರೆ ಏನೇ ಇರಲಿ. ನಮ್ಮಲ್ಲಿ ಸಣ್ಣಪುಟ್ಟ ಲಕ್ಷಣಗಳಷ್ಟೇ ಇರುವುದು' ಎಂದು ಹೇಳಿದ್ದಾರೆ.
ವಾತಾವರಣದ ಕಾರಣದಿಂದ ಅಲ್ಲ
ನನ್ನ ಭಾವನನ್ನು ಹೊರತುಪಡಿಸಿ ಕುಟುಂಬದ ಎಲ್ಲರಲ್ಲಿಯೂ ಪಾಸಿಟಿವ್ ವರದಿ ಬಂದಿದೆ. ಮನೆಯಲ್ಲಿನ ಸಿಬ್ಬಂದಿಯಲ್ಲಿಯೂ ಕಾಣಿಸಿಕೊಂಡಿದೆ. ಯಾರಲ್ಲಿಯೂ ತೀವ್ರ ಲಕ್ಷಣಗಳು ಕಂಡುಬಂದಿಲ್ಲ. ಯಾರಿಗಾದರೂ ಅನಾರೋಗ್ಯ ಉಂಟಾದಾಗ ಮಾತ್ರ ನಮಗೆ ಅದರ ತೀವ್ರತೆ ಅರ್ಥವಾಗುವುದು. ಡೆಹ್ರಾಡೂನ್ನಲ್ಲಿ ಒಮ್ಮೆ ಬಿಸಿಲು, ಒಮ್ಮೆ ಮಳೆ, ಶೀತದ ವಾತಾವರಣ ಹೀಗೆ ದಿನವೂ ಬದಲಾಗುತ್ತಿರುವುದರಿಂದ ಜ್ವರ ಬಂದಾಗಲೂ ವಾತಾವರಣದ ಬದಲಾವಣೆ ಕಾರಣದಿಂದ ಬಂದಿರಬಹುದು ಎಂದೇ ಭಾವಿಸುತ್ತೇವೆ ಎಂದು ಹೇಳಿದ್ದಾರೆ.
ಉತ್ತರಾಖಂಡ ಸಚಿವ
ರಾಜಕುಮಾರಿ ಮೋಹೆನಾ ಕುಮಾರಿ ಕಳೆದ ವರ್ಷದ ಅಕ್ಟೋಬರ್ನಲ್ಲಿ ಹರಿದ್ವಾರದಲ್ಲಿ ನಡೆದ ಭಾರಿ ಅದ್ಧೂರಿ ಸಮಾರಂಭದಲ್ಲಿ ಸುಯೇಶ್ ರಾವತ್ ಅವರನ್ನು ಮದುವೆಯಾಗಿದ್ದರು. ಮೋಹೆನಾ ಕುಮಾರಿ ತಂದೆ ಮಧ್ಯಪ್ರದೇಶದ ರೇವಾ ಸಂಸ್ಥಾನದ ರಾಜ. ಸುಯೇಶ್ ರಾವತ್ ಉತ್ತರಾಖಂಡದ ಪ್ರವಾಸೋದ್ಯಮ ಸಚಿವ ಸತ್ಪಲ್ ಮಹಾರಾಜ್ ಅವರ ಮಗ. ಮೋಹೆನಾ ಕುಮಾರಿ, ಪತಿ ಸುಯೇಶ್ ರಾವತ್, ಮಾವ ಸತ್ಪಲ್ ಮಹಾರಾಜ್ ಮತ್ತು ಅತ್ತೆ ಅಮೃತಾ ರಾವತ್ ಸೇರಿದಂತೆ ಐವರಲ್ಲಿ ವೈರಸ್ ಇರುವುದು ಪತ್ತೆಯಾಗಿದೆ.