ತಮಿಳು ಬಿಗ್ ಬಾಸ್ ಮನೆ ಪ್ರವೇಶಿಸಿದ ದರ್ಶನ್ ನಾಯಕಿ

ತಮಿಳು ಬಿಗ್ ಬಾಸ್ ನಲ್ಲಿ ಡಿ ಬಾಸ್ ನಾಯಕಿ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆ 'ಧ್ರುವ' ಸಿನಿಮಾದಲ್ಲಿ ನಟಿಸುವ ಮೂಲಕ ಸಿನಿ ಜರ್ನಿ ಆರಂಭಿಸಿದ್ದ ಶೆರೀನ್ ಈಗ ತಮಿಳು ಬಿಗ್ ಬಾಸ್ ಮೂರನೇ ಆವೃತ್ತಿಯಲ್ಲಿ ಪ್ರವೇಶ ಪಡೆದುಕೊಂಡಿದ್ದಾರೆ. ಧ್ರುವ ಸಿನಿಮಾ ಮಾತ್ರವಲ್ಲ, ದರ್ಶನ್ 25ನೇ ಚಿತ್ರ ಭೂಪತಿ ಸಿನಿಮಾದಲ್ಲೂ ಜೊತೆಗೆ ಅಭಿನಯಿಸಿದ್ದಾರೆ.

ಮೂಲತಃ ಬೆಂಗಳೂರು ಹುಡುಗಿ

ಅಂದ್ಹಾಗೆ, ಶೆರೀನ್ ಮೂಲತಃ ಬೆಂಗಳೂರಿನವರು. ಇಲ್ಲೇ ಹುಟ್ಟಿ ಬೆಳೆದ ಕನ್ನಡ ನಾಡಿನ ಹುಡುಗಿ. ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಚಿತ್ರದಲ್ಲಿ ನಟಿಸಿದ್ದಾರೆ. ಧ್ರುವ, ಭೂಪತಿ ಜೊತೆಗೆ ಸಿಹಿಗಾಳಿ ಮತ್ತು ಎಕೆ 57 ಎಂಬ ಮತ್ತೆರಡು ಕನ್ನಡ ಚಿತ್ರದಲ್ಲಿ ಕೂಡ ನಟಿಸಿದ್ದಾರೆ.

ಜಗ್ಗೇಶ್ ನಟಿಯೂ ಇದ್ದಾರೆ

ನವರಸ ನಾಯಕ ಜಗ್ಗೇಶ್ ಅಭಿನಯಿಸಿದ್ದ ಸಾಫ್ಟ್ ವೇರ್ ಗಂಡ ಸಿನಿಮಾದಲ್ಲಿ ಎರಡನೇ ನಾಯಕಿಯಾಗಿ ನಟಿಸಿದ್ದ ಸಾಕ್ಷಿ ಅಗರ್ ವಾಲ್ ಕೂಡ ಈ ಬಾರಿಯ ತಮಿಳು ಬಿಗ್ ಬಾಸ್ ನಲ್ಲಿ ಪ್ರವೇಶ ಪಡೆದುಕೊಂಡಿದ್ದಾರೆ. ತಮಿಳಿನಲ್ಲೂ ನಾಲ್ಕೈದು ಸಿನಿಮಾ ಮಾಡಿದ್ದಾರೆ.

ಉಳಿದವರು ಯಾರೆಲ್ಲಾ ಇದ್ದಾರೆ

ಶೆರೀನ್ ಮತ್ತು ಸಾಕ್ಷಿ ಅಗರ್ ವಾಲ್ ಜೊತೆ ಫಾತೀಮಾ ಬಾಬು, ಲೋಸ್ಲಿಯಾ, ಮಧುಮಿತಾ, ಕವೀನ್, ಅಭಿರಾಮಿ, ಸರವಣನ್, ವನಿತಾ ವಿಜಯ್ ಕುಮಾರ್, ಚೆರಣ್, ಮೋಹನ್ ವೈಥ್ಯ, ತರ್ಷನ್, ಸ್ಯಾಂಡಿ, ಮುಗನ್ ರಾವ್, ರೇಷ್ಮಾ ಈ ಸಲ ಬಿಗ್ ಮನೆಗೆ ಹೋಗಿದ್ದಾರೆ.