'ಸರಿಗಪಮ-13' ಫಲಿತಾಂಶದ ವಿರುದ್ಧ ಜನರ ಆಕ್ರೋಶ

ಜನರ ಕೈಗೆ ತೀರ್ಪು ಕೊಟ್ಟಿದ್ದು ತಪ್ಪು

'ಸರಿಗಪಮ-13' ಫಿನಾಲೆಯ ಎರಡು ಸುತ್ತಿನಲ್ಲಿ ನಡೆಯಿತು. ಮೊದಲ ಸುತ್ತಿನಲ್ಲಿ ತೀರ್ಪುಗಾರರು ನಿರ್ಣಯ ತೆಗೆದುಕೊಂಡರು. ಆದ್ರೆ, ಎರಡನೇ ಸುತ್ತಿನಲ್ಲಿ ಜನರ ವೋಟ್ ವಿನ್ನರ್ ಯಾರು ಎಂಬುದನ್ನ ನಿರ್ಧರಿಸಿತ್ತು. ಈ ನಡೆಗೆ ಜನರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಫಿನಾಲೆಯಲ್ಲಿ ಜನರ ಕೈಗೆ ತೀರ್ಪು ಕೊಟ್ಟಿದ್ದು ತಪ್ಪು ಎನ್ನುತ್ತಿದ್ದಾರೆ.

ಸಂಗೀತ ಗೊತ್ತಿಲ್ಲದ ಜನರು ವೋಟ್ ಮಾಡಿದ್ದಾರೆ

ಫಿನಾಲೆ ವಿನ್ನರ್ ಆಯ್ಕೆ ಮಾಡುವಲ್ಲಿ ಜನರಿಗೆ ಅಧಿಕಾರ ಕೊಟ್ಟಿದ್ದು ತಪ್ಪು. ಯಾಕಂದ್ರೆ, ಸಂಗೀತದ ಗಂಧವೇ ಗೊತ್ತಿಲ್ಲದೇ ಇರುವವರು ಕೇವಲ ಅಭಿಮಾನಕ್ಕಾಗಿ ವೋಟ್ ಮಾಡಿರುತ್ತಾರೆ. ಇದು ನಿಜವಾದ ಪ್ರತಿಭೆಗಳಿಗೆ ಮಾಡಿದ ಮೋಸ ಎಂಬ ವಾದವೂ ಜೋರಾಗಿದೆ.

ಸಂಗೀತ ಸಾಧಕರು ಯಾಕೆ ಬೇಕಿತ್ತು?

ಆರಂಭದಿಂದ ತೀರ್ಪುಗಾರರ ಆಯ್ಕೆಯಂತೆ ಕಾರ್ಯಕ್ರಮ ನಿರೂಪಿಸಿಕೊಂಡು ಬಂದ ಸರಿಗಮಮ ಕಾರ್ಯಕ್ರಮ, ಅಂತಿಮ ದಿನವೇಕೆ ಜನರ ತೀರ್ಮಾನಿಸಲಿ ಎಂದು ಬಿಟ್ಟರು. ಹೀಗಿರುವಾಗ, ಫಿನಾಲೆಗೆ ತೀರ್ಪುಗಾರು ಯಾಕೆ ಬೇಕಿತ್ತು? ಎಂಬ ಚರ್ಚೆ ನಡೆಯುತ್ತಿದೆ.

ವಿನ್ನರ್ ನಿರ್ಧಾರ ತೀರ್ಪುಗಾರರೇ ಮಾಡಬೇಕಿತ್ತು

ಮೊದಲಿನಿಂದಲೂ ಸ್ಫರ್ಧಿಗಳ ಪರ್ಫಾಮೆನ್ಸ್ ಹೇಗಿತ್ತು? ಯಾವುದರಲ್ಲಿ ಅವರು ಸಾಮರ್ಥ್ಯರು? ಯಾವುದರಲ್ಲಿ ಅವರು ಹಿಂದೆ ಉಳಿದಿದ್ದರು ಎಂಬುದು ತೀರ್ಪುಗಾರರಿಗೆ ಗೊತ್ತಿತ್ತು. ಹೀಗಾಗಿ, ಫಿನಾಲೆ ವಿನ್ನರ್ ಅಭ್ಯರ್ಥಿಯನ್ನ ತೀರ್ಪುಗಾರರೇ ಆಯ್ಕೆ ಮಾಡಬೇಕಿತ್ತು ಎನ್ನುವ ಮಾತಿದೆ.

ಜೀ-ಕನ್ನಡ ನಿರ್ಧಾರಕ್ಕೆ ಚಪ್ಪಾಳೆ

ಈ ಬಾರಿಯ ಸರಿಗಮಪ ವಿನ್ನರ್ ಆಯ್ಕೆ ಮಾಡುವ ಅವಕಾಶ ಜನಗಳಿಗೆ ನೀಡಿದ್ದು ಒಳ್ಳೆಯ ನಿರ್ಧಾರವೆಂದು 'ಜೀ-ಕನ್ನಡ'ದ ನಡೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿರುವ ವರ್ಗವೂ ಇದೆ.

ಸುನಿಲ್ ಸಾಧನೆ ಬಗ್ಗೆ ಮೆಚ್ಚುಗೆ

ಸರಿಗಮಪ-13 ನೇ ಆವೃತ್ತಿಯಲ್ಲಿ ಜಯಶಾಲಿ ಆಗಿ ಹೊರಹೊಮ್ಮಿದ ಸುನಿಲ್ ಗೆ ಮೆಚ್ಚುಗೆ ವ್ಯಕ್ತವಾಗಿದೆ.

ಶ್ರೀ ಹರ್ಷ ಪ್ರತಿಭೆ ಬೆಲೆ ಸಿಕ್ಕಿಲ್ಲವಂತೆ

ಸುನಿಲ್ ಸರಿಯಾದ ಆಯ್ಕೆ ಅಲ್ಲಾ, ಶ್ರೀ ಹರ್ಷ ಗೆಲ್ಲಬೇಕಿತ್ತು ಎಂಬು ವಾದವೂ ಸೋಶಿಯಲ್ ಮೀಡಿಯಾದಲ್ಲಿ ಜೋರಾಗಿದೆ.