ಬಿಗ್‌ಬಾಸ್ ಮನೆಯಲ್ಲಿ ಗಾಯಕಿ ಮೇಲೆ ಹಲ್ಲೆ: ಮನೆ ಸುರಕ್ಷಿತವಿಲ್ಲ?

ಹಿಂದಿ ಬಿಗ್‌ಬಾಸ್‌ ನಲ್ಲಿ ಮಹಿಳೆ ಮೇಲೆ ಹಲ್ಲೆ?

ಸಲ್ಮಾನ್ ಖಾನ್ ನಿರೂಪಣೆ ಮಾಡುತ್ತಿರುವ ಹಿಂದಿ ಬಿಗ್‌ಬಾಸ್ ಶೋ ಮೇಲೆ ಇಂಥಹದ್ದೊಂದು ಗುರುತರ ಆರೋಪ ಕೇಳಿಬಂದಿದೆ. ಶೋ ನಲ್ಲಿ ಯುವತಿಯೊಬ್ಬರ ಮೇಲೆ ಮತ್ತೊಬ್ಬ ಸ್ಪರ್ಧಿ ಹಲ್ಲೆ ಮಾಡಿದ್ದಾರೆ. ಆದರೆ ಇದನ್ನು ಆಯೋಜಕರು ಉದ್ದೇಶಪೂರ್ವಕವಾಗಿ ಜನರಿಂದ ಮುಚ್ಚಿಟ್ಟಿದ್ದಾರೆ ಎನ್ನಲಾಗುತ್ತಿದೆ.

ಎಲಿಮಿನೇಟ್ ಆದ ಗಾಯಕಿ ಸಾರಾ ಗುರುಪಾಲ್

ಪಂಜಾಬಿ ಗಾಯಕಿ ಸಾರಾ ಗುರುಪಾಲ್ ಅನ್ನು ಬಿಗ್‌ಬಾಸ್ ಮನೆಯಿಂದ ಇತ್ತೀಚೆಗಷ್ಟೆ ಎಲಿಮಿನೇಟ್ ಮಾಡಲಾಯಿತು. ಆದರೆ ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಗಿದೆ. ಆದರೆ ಸಾರಾ ಗುರುಪಾಲ್ ಎಲಿಮಿನೇಟ್ ಮಾಡಿದ ಕಾರಣ ಆಕೆಯ ಆರೋಗ್ಯ ಎನ್ನಲಾಗುತ್ತಿದೆ.

ಸಾರಾ ಮೇಲೆ ಹಲ್ಲೆ ಮಾಡಿದ ನಟಿ ನಿಕ್ಕಿ ತಂಬೋಲಿ?

ಟಾಸ್ಕ್ ಒಂದು ನಿರ್ವಹಿಸುತ್ತಿರುವ ವೇಳೆ ಸ್ಪರ್ಧಿ ನಿಕ್ಕಿ ತಂಬೋಲಿ, ಸಾರಾ ಗುರುಪಾಲ್ ಮೇಲೆ ಹಲ್ಲೆ ಮಾಡಿದ್ದಾರೆ ಆಕೆಯ ಕಣ್ಣಿಗೆ ಗಾಯವಾಗಿತ್ತು, ಆಕೆಯನ್ನು ವೈದ್ಯರು ಪರೀಕ್ಷಿಸಿದರಾದರೂ, ಗಾಯ ವಾಸಿಯಾಗದ ಕಾರಣ ಆಕೆಯನ್ನು ಎಲಿಮಿನೇಟ್ ಮಾಡಿ ಹೊರಗೆ ಕಳಿಸಲಾಗಿದೆ. ಆಕೆ ಈಗ ವೈದ್ಯರ ನಿಗಾವಣೆಯಲ್ಲಿದ್ದಾರೆ ಎಂದು ಬಾಲಿವುಡ್‌ನ ಆನ್‌ಲೈನ್ ಸುದ್ದಿ ವಾಹಿನಿಯೊಂದು ವರದಿ ಮಾಡಿದೆ.

ಸಾಮಾಜಿಕ ಜಾಲತಾಣದಲ್ಲಿ ಚಿತ್ರಗಳು ಹರಿದಾಡುತ್ತಿವೆ

ಇದಕ್ಕೆ ಸಂಬಂಧಿಸಿದಂತೆ ಕೆಲವು ಚಿತ್ರಗಳೂ ಸಹ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಇಷ್ಟು ಮಾತ್ರವಲ್ಲದೆ ಪಂಜಾಬ್ ಸಿನಿಮಾ ಉದ್ಯಮದ ಮಂದಿ ಸಹ ಸಾರಾ ಅನ್ನು ಎಲಿಮಿನೇಟ್ ಮಾಡಿದ್ದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದು, ಸಾರಾ ಅನ್ನು ಮತ್ತೆ ಬಿಗ್‌ಬಾಸ್ ಮನೆಯೊಳಕ್ಕೆ ಸೇರಿಸಬೇಕು ಎಂದು ಒತ್ತಾಯಿಸಿದ್ದಾರೆ.