'ಬಿಗ್ ಬಾಸ್'ಗೆ ಬರಲು ಈ ನಟಿಗೆ ಇಷ್ಟೊಂದು ದುಡ್ಡು ಕೊಡಬೇಕಾ.?

ಈಕೆಯೇ ಆ ನಟಿ.!

ಹಿಂದಿ ಕಿರುತೆರೆಯ ಜನಪ್ರಿಯ ನಟಿ ದೀಪಿಕಾ ಕಾಕರ್ ಗೆ 'ಬಿಗ್ ಬಾಸ್' ಕಡೆಯಿಂದ ಕರೆ ಹೋಗಿದೆ. ಹೇಳಿ ಕೇಳಿ, ದೀಪಿಕಾ ರಿಯಾಲಿಟಿ ಶೋಗಳ ಅಭಿಮಾನಿ. ಆದರೂ, 'ಬಿಗ್ ಬಾಸ್'ನಿಂದ ದೂರ ಇರಲು ದೀಪಿಕಾ ನಿರ್ಧಾರ ಮಾಡಿದ್ದರಂತೆ. ಆದ್ರೀಗ, 'ಬಿಗ್ ಬಾಸ್' ಕೊಡಲು ಒಪ್ಪಿಕೊಂಡಿರುವ ಸಂಭಾವನೆಗೆ ಆಕೆ 'ನೋ' ಅಂತ ಹೇಳಲು ಸಾಧ್ಯವೇ ಇಲ್ಲ ಎನ್ನುತ್ತಿವೆ ಮೂಲಗಳು.

'ಬಿಗ್ ಬಾಸ್' ಕೊಡಲಿರುವ ಹಣ ಎಷ್ಟು.?

ನಟಿ ದೀಪಿಕಾಗೆ ಒಂದು ವಾರಕ್ಕೆ 14-15 ಲಕ್ಷ ಕೊಡಲು 'ಬಿಗ್ ಬಾಸ್' ಹಸಿರು ನಿಶಾನೆ ತೋರಿಸಿದ್ದಾರಂತೆ. ಒಂದು ವೇಳೆ ದೀಪಿಕಾ ಗ್ರ್ಯಾಂಡ್ ಫಿನಾಲೆ ವರೆಗೂ ಬಂದು ಬಿಟ್ಟರೆ, ಆಕೆ ಕೋಟ್ಯಧಿಪತಿ ಆಗುವುದು ಗ್ಯಾರೆಂಟಿ.

'ಡ್ಯಾನಿ ಡಿ'ಗೆ ಇನ್ನೂ ಹೆಚ್ಚು.!

'ನೀಲಿ ಚಿತ್ರಗಳ ರಾಜ' ಡ್ಯಾನಿ ಡಿ ಹಾಗೂ ವಿವಾದಾತ್ಮಕ ನಟಿ ಮಹಿಕಾ ಶರ್ಮಾ ಜೋಡಿಗೆ 'ಬಿಗ್ ಬಾಸ್' ಒಂದು ವಾರಕ್ಕೆ 95 ಲಕ್ಷ ಕೂಡಲು ಒಪ್ಪಿಕೊಂಡಿದೆ ಎಂದು ವರದಿ ಆಗಿದೆ.

ಕಳೆದ ಬಾರಿ ಅತಿ ಹೆಚ್ಚು ಸಂಭಾವನೆ ಪಡೆದಾಕೆ..

'ಬಿಗ್ ಬಾಸ್-11'ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದವರು ನಟಿ ಹೀನಾ ಖಾನ್. ವಾರಕ್ಕೆ 7-8 ಲಕ್ಷ ಪಡೆದ ಹೀನಾ ಖಾನ್, ಗ್ರ್ಯಾಂಡ್ ಫಿನಾಲೆವರೆಗೂ ಬಂದು 'ರನ್ನರ್ ಅಪ್' ಟ್ರೋಫಿ ಪಡೆದರು.

ಒಂಟಿಯಾಗಿ ಬರ್ತಾರಾ ದೀಪಿಕಾ.?

ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ದೀಪಿಕಾ, ಪತಿ ಶೋಯೆಬ್ ಜೊತೆ 'ಬಿಗ್ ಬಾಸ್' ಮನೆಯೊಳಗೆ ಬಂಧಿ ಆಗುತ್ತಾರೆ ಎನ್ನಲಾಗಿತ್ತು. ಆದ್ರೀಗ, ದೀಪಿಕಾ ಮಾತ್ರ 'ಬಿಗ್ ಬಾಸ್'ಗೆ ಒಪ್ಪಿಗೆ ಕೊಟ್ಟಿದ್ದಾರೆ ಎಂಬ ಸುದ್ದಿ ಇದೆ.