ಎಲಿಮಿನೇಟ್ ಆದರೂ ಕೂಡ ವಿಶೇಷ ದಾಖಲೆ ಬರೆದ ದಿವ್ಯಾ ಉರುಡುಗ

2 ಬಾರಿ ಫೈನಲ್‌ಗೆ ದಿವ್ಯಾ

ಬಿಗ್‌ಬಾಸ್ ಮನೆಗೆ ಹೋಗುವ ಅವಕಾಶ ಎಲ್ಲರಿಗೂ ಅಷ್ಟು ಸುಲಭವಾಗಿ ಸಿಗುವುದಿಲ್ಲ. ಅವಕಾಶ ಸಿಕ್ಕ ಮಾತ್ರಕ್ಕೆ ಎಲ್ಲರೂ ಹೋಗುವುದು ಇಲ್ಲ. ಅಂಥದ್ದರಲ್ಲಿ ದಿವ್ಯಾ ಎರಡೆರಡು ಬಾರಿ ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದರು. ಸಾಲದ್ದಕ್ಕೆ 2 ಬಾರಿ ಫೈನಲ್‌ ಪ್ರವೇಶಿಸಿದ ಸ್ಪರ್ಧಿ ದಿವ್ಯಾ ಉರುಡುಗ ಮಾತ್ರ ಎನ್ನಬಹುದು. ಆ ಮೂಲಕ ಅಪರೂಪದ ದಾಖಲೆ ಆಕೆಯ ಪಾಲಾಗಿದೆ. ಬಿಗ್‌ಬಾಸ್ ಕನ್ನಡ ಇತಿಹಾಸದಲ್ಲಿ ಒಬ್ಬರು 2 ಬಾರಿ 100 ದಿನ ಪೂರೈಸಿದ್ದು ಇದೇ ಮೊದಲು. ಇನ್ನು ದಿವ್ಯಾ ವಿನ್ನರ್ ಆಗಿದ್ದರೆ ಹೊಸ ದಾಖಲೆ ನಿರ್ಮಾಣ ಆಗುತ್ತಿತ್ತು.

ಈ ಸಲ ಕೊಂಚ ಡಲ್ ಆಗಿದ್ರಾ?

ಕಳೆದ ಸೀಸನ್‌ನಲ್ಲಿ ಕೆ. ಪಿ ಅರವಿಂದ್ ಹಾಗೂ ದಿವ್ಯಾ ಉರುಡುಗ ಜೋಡಿ ಮೋಡಿ ಮಾಡಿತ್ತು. ಇವರಿಬ್ಬರ ಆತ್ಮೀಯ ಒಡನಾಟ ತುಸು ಹೆಚ್ಚೇ ಸುದ್ದಿಯಾಗಿತ್ತು. ಇಬ್ಬರು ಮದುವೆ ಕೂಡ ಆಗುತ್ತಾರೆ ಎನ್ನುವ ಮಾತುಗಳು ಕೇಳಿಬರ್ತಿದೆ. ಆದರೆ ಈ ಬಾರಿ ಅರವಿಂದ್‌ಗೆ ದೊಡ್ಮನೆ ಎಂಟ್ರಿ ಸಿಗಲಿಲ್ಲ. ಹಾಗಾಗಿ ಏಕಾಂಗಿಯಾಗಿ ದಿವ್ಯಾ ಮನೆ ಒಳಗೆ ಹೋಗಿದ್ದರು. ಅರವಿಂದ್ ಇಲ್ಲದೇ ದಿವ್ಯಾ ಜೋಶ್ ಕಮ್ಮಿ ಆಗಿತ್ತು. ಆದರೂ ಕೂಡ ಟಾಸ್ಕ್‌ಗಳ ವಿಚಾರದಲ್ಲಿ ಹಿಂದೆ ಬೀಳಲಿಲ್ಲ. ಅದೇ ಆಕೆಯನ್ನು ಫೈನಲ್‌ವರೆಗೂ ಕರೆತಂದಿತ್ತು.

ದಿವ್ಯಾಗೆ ಕಡಿಮೆ ವೋಟ್

ಅಭಿಮಾನಿಗಳಿಗೆ ತಮ್ಮ ನೆಚ್ಚಿನ ಸ್ಪರ್ಧಿಯೇ ಗೆಲ್ಲಬೇಕು ಎನ್ನುವ ಆಸೆ ಇರುತ್ತದೆ. ಈ ಬಾರಿ ಕೂಡ ರೂಪೇಶ್ ರಾಜಣ್ಣ, ರಾಕೇಶ್ ಅಡಿಗ, ರೂಪೇಶ್ ಶೆಟ್ಟಿ ವೀಕ್ಷಕರ ನೆಚ್ಚಿನ ಸ್ಪರ್ಧಿಗಳು ಎನಿಸಿಕೊಂಡಿದ್ದಾರೆ. ಈ ಮೂವರಲ್ಲಿ ಯಾರು ಟ್ರೋಫಿಗೆ ಮುತ್ತಿಡುತ್ತಾರೆ ಎನ್ನುವ ಕುತೂಹಲ ಇದೆ. ವೀಕ್ಷಕರ ವೋಟ್‌ಗಳೇ ಅಂತಿಮ. ದಿವ್ಯಾ ಉರುಡುಗಗೆ ಕಡಿಮೆ ವೋಟ್ ಸಿಕ್ಕಿದ ಕಾರಣಕ್ಕೆ ಆಕೆ ಎಲಿಮಿನೇಟ್ ಆಗುವಂತಾಗಿದೆ.

140 ದಿನ ದೊಡ್ಮನೆಯಲ್ಲಿ ರೂಪೇಶ್

ದಿವ್ಯಾ ಉರುಡುಗ 2 ಬಾರಿ ಫೈನಲ್ ಪ್ರವೇಶಿಸಿ ದಾಖಲೆ ಬರೆದರೆ, ರೂಪೇಶ್ ಶೆಟ್ಟಿ 140 ದಿನಗಳ ಕಾಲ ದೊಡ್ಮನೆಯಲ್ಲಿ ಕಳೆದು ಗಮನ ಸೆಳೆದಿದ್ದಾರೆ. ಹೌದು, ಬಿಗ್‌ಬಾಸ್ ಓಟಿಟಿ ಸೀಸನ್‌ನಲ್ಲಿ ರೂಪೇಶ್ ಶೆಟ್ಟಿ ದೊಡ್ಮನೆಗೆ ಹೋಗುವ ಅವಕಾಶ ಸಿಕ್ಕಿತ್ತು. ಅಲ್ಲಿಂದ ನೇರವಾಗಿ ಬಿಗ್‌ಬಾಸ್ ಸೀನಸ್ 9ಕ್ಕೆ ಎಂಟ್ರಿ ಕೊಟ್ಟರು. 100 ದಿನಗಳ ಕಾಲ ಮನೆಯಲ್ಲಿ ಉಳಿದುಕೊಂಡಿದ್ದಾರೆ. ಒಟ್ಟು 140 ದಿನ ದೊಡ್ಮೆನೆಯಲ್ಲಿ ಕಳೆದಂತಾಗಿದೆ.