Amulya Gowda: 'ನನ್ನರಸಿ ರಾಧೆ'ಯ ಅಮೂಲ್ಯ ಗೌಡಗೆ ಬ್ರೇಕ್ ಕೊಡುತ್ತಾ 'ಕುರುಡು ಕಾಂಚಾಣ'?

'ಕುರುಡು ಕಾಂಚಾಣ' ಸುಂದರ ಅನುಭವ

ಅಮೂಲ್ಯ ಗೌಡ ಈ ಮೊದಲು ಬೇರೆ ಬೇರೆ ಹಾಡುಗಳ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರೂ, 'ಕುರುಡು ಕಾಂಚಾಣ' ಸಿನಿಮಾದ ಹಾಡಿನ ಚಿತ್ರೀಕರಣ ಅವರ ಪಾಲಿಗೆ ಕೊಂಚ ಸ್ಪೆಷಲ್ ಆಗಿತ್ತು ಎಂದೇ ಹೇಳಬಹುದು. ಕೇರಳದ ವರ್ಕಳ ಎಂಬ ಸುಂದರ ಬೀಚ್‌ನಲ್ಲಿ ಎರಡು ದಿನಗಳ ಕಾಲ ಶೂಟಿಂಗ್ ನಡೆದಿದೆ. ಈ ಬೀಚ್‌ನ ಸುತ್ತಮುತ್ತ ವಾತಾವರಣ ಸುಂದರವಾಗಿದ್ದ ಕಾರಣ ಮನಸ್ಸಿಗೂ ಖುಷಿಯಾಯಿತು ಎನ್ನುವುದು ಅಮೂಲ್ಯ ಗೌಡ ಅವರ ಅಂಬೋಣ.

ಮೊದಲ ಓಟಿಟಿ ಸಿನಿಮಾ

"ಕುರುಡು ಕಾಂಚಾಣ ನನ್ನ ಮೊದಲ ಓಟಿಟಿ ಸಿನಿಮಾ" ಎಂದು ಸಂತಸದಿಂದಲೇ ಹೇಳುವ ಅಮೂಲ್ಯ ಗೌಡ 'ನನ್ನರಸಿ ರಾಧೆ' ಧಾರಾವಾಹಿ ಮುಕ್ತಾಯದ ಬಳಿಕ ಮುಂದೇನು ಮಾಡುವುದು ಎಂದು ಆಲೋಚಿಸುತ್ತಿದ್ದರು. ಅದೇ ಸಮಯದಲ್ಲಿ 'ಕುರುಡು ಕಾಂಚಾಣ'ದ ಕಥೆ ಅವರ ಕಿವಿಗೆ ಬಿತ್ತು. ಕಥೆ ಕೇಳಿ ಫಿದಾ ಆದ ಅಮೂಲ್ಯ ಹಿಂದೆ ಮುಂದೆ ನೋಡದೆ ಖುಷಿಯಿಂದ ಅಸ್ತು ಎಂದರು.

ಓಟಿಟಿ ಸಿನಿಮಾದ ಅನುಭವ ಹೇಗಿತ್ತು?

'ಕುರುಡು ಕಾಂಚಾಣ' ಸಿನಿಮಾದ ಒಂದು ಹಾಡಿನ ಚಿತ್ರೀಕರಣಕ್ಕಾಗಿ ಕೇರಳಕ್ಕೆ ಹೋಗಿತ್ತು ಚಿತ್ರತಂಡ. ಅಲ್ಲಿ ಕಳೆದ ಎರಡು ಮೂರು ದಿನ ಅಮೂಲ್ಯ ಪಾಲಿಗೆ ಅಕ್ಷರಶಃ ಅವಿಸ್ಮರಣೀಯ ಘಳಿಗೆ ಎಂದರೆ ತಪ್ಪಾಗಲಾರದು. ಸುತ್ತ ಮುತ್ತಲಿನ ನಿಸರ್ಗ ಸೌಂದರ್ಯವಂತೂ ಅದ್ಭುತವಾಗಿದ್ದು ಬಿಸಿಲಿನ ನಡುವೆ ಶೂಟಿಂಗ್ ಮಾಡಿದ್ದರು ಕಷ್ಟ ಎಂದೆನಿಸಲಿಲ್ಲ ಎಂಬುದು ಅಮೂಲ್ಯ ಅವರ ಅಭಿಪ್ರಾಯ.

ಬ್ರೇಕ್ ಕೊಡುತ್ತೆ

ಸಿನಿಮಾದ ಬಗ್ಗೆ ಮಾತನಾಡಿರುವ ಅಮೂಲ್ಯ ಗೌಡ "ಇದು ನನ್ನ ಮೊದಲ ಸಿನಿಮಾ ಆಗಿರುವುದರಿಂದ ನಾನು ತುಂಬಾನೇ ಎಕ್ಸೈಟ್ಮೆಂಟ್‌ನಲ್ಲಿದ್ದೇನೆ. ಈ ಚಿತ್ರ ಒಟಿಟಿ ಪ್ಲಾಟ್ ಫಾರ್ಮ್‌ನಲ್ಲಿ ಬರುವುದಲ್ಲದೇ ಎರಡು ಬೇರೆ ಬೇರೆ ಭಾಷೆಗಳಲ್ಲಿ ಅಂದರೆ ಕನ್ನಡ ಹಾಗೂ ತೆಲುಗಿನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಕೂಡಾ ನನಗೆ ಖುಷಿ ಇದೆ. ನನ್ನ ಬೆಸ್ಟ್ ಅನ್ನು ಚಿತ್ರಕ್ಕೆ ನೀಡಿದ್ದೇನೆ. ಈ ಚಿತ್ರ ನನಗೆ ಒಂದು ಬಿಗ್ ಬ್ರೇಕ್ ನೀಡುವುದಂತೂ ನಿಜ. ಇದರ ಜೊತೆಗೆ ಇದರಿಂದಾಗಿ ಇನ್ನಷ್ಟು ಒಳ್ಳೊಳ್ಳೆಯ ಅವಕಾಶಗಳು ನನಗೆ ಸಿಗಲಿದೆ ಅನ್ನೋ ನಂಬಿಕೆಯಲ್ಲಿದ್ದಾರೆ.