'ಫ್ಯಾಮಿಲಿ ಪವರ್' ಗ್ರ್ಯಾಂಡ್ ಫಿನಾಲೆ ನಡೆಯುತ್ತಿರುವುದು ಈ ಪುಟಾಣಿಗಾಗಿ.!

ಯಾರು ಈ ಪ್ರಚೇತ್.?

ದಾವಣಗೆರೆಯ ಅರ್ಚಕರ ಕುಟುಂಬದ ಮೂರು ವರ್ಷದ ಮುದ್ದು ಹುಡುಗ ಈ ಪ್ರಚೇತ್. ಮುದ್ದು ಮುದ್ದಾಗಿ ಕಾಣುವ ಪ್ರಚೇತ್ ಗೆ ಕಿವಿ ಕೇಳಲ್ಲ. ಮಾತು ಬರಲ್ಲ. ಈಗಾಗಲೇ ಪ್ರಚೇತ್ ಗಾಗಿ ಒಂದು ಆಪರೇಶನ್ ಆಗಿ, ಒಂದು ಕಿವಿಗೆ ಕಾಕ್ಲಿಯರ್ ಇಂಪ್ಲಾಂಟ್ ಆಗಿದೆ.

ಇನ್ನೊಂದು ಆಪರೇಶನ್ ಆಗಬೇಕು.!

ಎಲ್ಲರಂತೆ ಪ್ರಚೇತ್ ಗೆ ಕಿವಿ ಕೇಳಬೇಕು, ಮಾತು ಬರಬೇಕು ಅಂದ್ರೆ ಇನ್ನೊಂದು ಆಪರೇಶನ್ ಆಗಬೇಕು. ಇನ್ನೊಂದು ಕಿವಿಗೂ ಕಾಕ್ಲಿಯರ್ ಇಂಪ್ಲಾಂಟ್ ಮಾಡಿಸಬೇಕು. ಇಷ್ಟೆಲ್ಲ ಆಗಬೇಕು ಅಂದ್ರೆ, ಹದಿನಾಲ್ಕು ಲಕ್ಷ ರೂಪಾಯಿ ಬೇಕು.

ಪ್ರಚೇತ್ ತಾಯಿಯ ಆಸೆ ಏನು?

''ಒಂದು ದಿನ ನಾನು ಪ್ರಚೇತ್ ಅಂತ ಕೂಗಿದರೆ, ಅಮ್ಮ ಅಂತ ಕೂಗಿ ತಿರುಗಿ ನೋಡಬೇಕು ಅದಕ್ಕೋಸ್ಕರ ನಾನು ಕಾಯುತ್ತಿದ್ದೇನೆ'' ಅಂತಾರೆ ಪ್ರಚೇತ್ ತಾಯಿ.

ಪ್ರಚೇತ್ ಚಿಕಿತ್ಸೆಗಾಗಿ 'ಫ್ಯಾಮಿಲಿ ಪವರ್' ಗ್ರ್ಯಾಂಡ್ ಫಿನಾಲೆ

ಮೂರು ವರ್ಷದ ಪ್ರಚೇತ್ ಚಿಕಿತ್ಸೆ ವೆಚ್ಚಕ್ಕಾಗಿ 'ಫ್ಯಾಮಿಲಿ ಪವರ್' ಗ್ರ್ಯಾಂಡ್ ಫಿನಾಲೆ ನಡೆಯುತ್ತಿದೆ. ಫೈನಲ್ ನಲ್ಲಿ ಗೆಲುವು ಸಾಧಿಸುವ ತಂಡದ ಬಹುಮಾನ ಹಣ ಪ್ರಚೇತ್ ಚಿಕಿತ್ಸೆ ವೆಚ್ಚಕ್ಕೆ ನೀಡಲಾಗುವುದು.

ಪ್ರೇಚತ್ ಕುಟುಂಬ 'ಫ್ಯಾಮಿಲಿ ಪವರ್'ನಲ್ಲಿ

ಈಗಾಗಲೇ ಪ್ರಚೇತ್ ಕುಟುಂಬ 'ಫ್ಯಾಮಿಲಿ ಪವರ್'ಗೆ ಬಂದು ಆಟ ಆಡಿದೆ. ಆದ್ರೆ, ಅವರು ಹೆಚ್ಚು ದುಡ್ಡು ಗೆಲ್ಲಲು ಸಾಧ್ಯ ಆಗಲಿಲ್ಲ. ಅವರ ಪರವಾಗಿ ಕಲರ್ಸ್ ಕನ್ನಡದ ಕುಟುಂಬ ಗ್ರ್ಯಾಂಡ್ ಫಿನಾಲೆಯಲ್ಲಿ ಸೆಣಸಾಡುತ್ತಿದೆ.

ನಾಲ್ಕು ತಂಡಗಳು

'ಬಿಗ್ ಬಾಸ್', 'ಶನಿ', 'ಅಗ್ನಿಸಾಕ್ಷಿ', 'ರಾಧಾ ರಮಣ' ಧಾರಾವಾಹಿಯ ತಂಡಗಳು ಗ್ರ್ಯಾಂಡ್ ಫಿನಾಲೆಯಲ್ಲಿ ಪಾಲ್ಗೊಂಡಿವೆ. ಎರಡು ರೌಂಡ್ ಪೂರ್ಣವಾದ ಬಳಿಕ ಗೆಲ್ಲುವ ರೇಸ್ ನಿಂದ 'ಅಗ್ನಿಸಾಕ್ಷಿ' ಹೊರಬಿದ್ದಿದೆ. ಯಾವ ತಂಡ ಗೆಲುವನ್ನು ಮುಡಿಗೇರಿಸಿಕೊಳ್ಳುತ್ತದೆಯೋ ನೋಡಬೇಕು