Vaishnavi Gowda: ರಜನಿಯ 'ಜೈಲರ್' ಸಿನಿಮಾದ ಕಾವಾಲಾ ಸಾಂಗ್ ಹೆಜ್ಜೆ ಹಾಕಿ.. 'ಅಗ್ನಿಸಾಕ್ಷಿ' ನಟಿಗೆ ಗಂಟು ಬಿದ್ದ ನೆಟ್ಟಿಗರು!

ಜೀ ಕನ್ನಡದಲ್ಲಿ 'ಸೀತಾ ರಾಮ' ಧಾರಾವಾಹಿ ಶುರುವಾವುವ ಹಂತದಲ್ಲಿದೆ. ಆ ಧಾರಾವಾಹಿಯ ಪ್ರೋಮೋ ಬಿಟ್ಟಾಗಿನಿಂದ ಸಾಕಷ್ಟು ಕುತೂಹಲ ಸಹಜವಾಗಿಯೇ ಎಲ್ಲರಲ್ಲೂ ಮೂಡಿದೆ. ಸದ್ಯಕ್ಕೆ ಕುತೂಹಲ ತಣಿಯುವಂತೆ ಧಾರಾವಾಹಿ ತಂಡ ಮಾಡಿದ್ದು, ಧಾರಾವಾಹಿ ಶುರುವಾಗಿವ ದಿನಾಂಕ ಮತ್ತು ಸಮಯವನ್ನು ಈಗಾಗಲೇ ಅನೌನ್ಸ್ ಮಾಡಿದೆ. ವೈಷ್ಣವಿ ಈ ಧಾರಾವಾಹಿಯಲ್ಲಿ ಸೀತಾ ಪಾತ್ರಧಾರಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಸದ್ಯ ಧಾರಾವಾಹಿಯಲ್ಲಿ ಒಂದು ಮಗುವಿನ ತಾಯಿಯಾಗಿ ಕಾಣಿಸಿಕೊಳ್ಳುತ್ತಿದ್ದು, ಆ ಮಗುವಿನ ಸಂಪೂರ್ಣ ಜವಾಬ್ದಾರಿಯನ್ನು ಹೊತ್ತಿದ್ದಾಳೆ. ಸಿರಿ ಪಾತ್ರ ಮಾಡಿರುವ ರಿತು ಇನ್ನಷ್ಟು ಗಮನ ಸೆಳೆಯುತ್ತಾಳೆ. ಮಗುವಿನ ಮಾತು, ತಾಯಿಯ ಪ್ರೀತಿ, ತಂದೆಯಾಗಿ ಬರುವ ಹುಡುಗನ ಜವಾಬ್ದಾರಿ ಎಲ್ಲವೂ ಎಲ್ಲರಿಗೂ ಇಷ್ಟವಾಗಿ ಬಿಟ್ಟಿದೆ. ಇದಿಷ್ಟು ಧಾರಾವಾಹಿಯ ಕಥೆಯಾದರೆ ವೈಷ್ಣವಿ ಬೇರೆ ವಿಚಾರಕ್ಕೇನೆ ಸುದ್ದಿಯಾಗುತ್ತಿದ್ದಾರೆ. ಅದುವೇ ಸೋಷಿಯಲ್ ಮೀಡಿಯಾದಲ್ಲಿನ ವಿಡಿಯೋ ವಿಚಾರಕ್ಕೆ.

ಸೋಷಿಯಲ್ ಮೀಡಿಯಾದಲ್ಲಿ ಫುಲ್ ಆಕ್ಟೀವ್

ವೈಷ್ಣವಿಗೆ ಫ್ಯಾನ್ ಫಾಲೋವರ್ಸ್ ಸಿಕ್ಕಾಪಟ್ಟೆ ಇದ್ದಾರೆ. ಇದನ್ನು ಅವರವರ ಇನ್‌ಸ್ಟಾಗ್ರಾಂ ನೋಡಿದ್ರೇನೆ ಗೊತ್ತಾಗುತ್ತೆ. 1 ಮಿಲಿಯನ್‌ಗಿಂತ ಹೆಚ್ಚಿನ ಫಾಲೋವರ್ಸ್ ಅನ್ನು ವೈಷ್ಣವಿ ಹೊಂದಿದ್ದಾರೆ. ಅಷ್ಟೇ ಅಲ್ಲ ಕೆಲವೊಂದು ಸಿಂಪಲ್ ವಿಡಿಯೋಗಳು ಕೂಡ ವೈಷ್ಣವಿಯ ಅಕೌಂಟ್‌ನಲ್ಲಿ ಮಿಲಿಯನ್ ಗಟ್ಟಲೇ ವೀವ್ಸ್ ಆಗುತ್ತೆ. ಫೋಟೋಗಳಿಗಂತೂ ಮಿಲಿಯನ್ ಗಟ್ಟಲೆ ಲೈಕ್ಸ್ ಬರುತ್ತೆ. ಇದು ಅವರಿಗಿರುವ ಕ್ರೇಜ್ ಅಂತಾನೇ ಹೇಳಬಹುದು.

ಡ್ಯಾನ್ಸ್ ಕ್ರೇಜ್ ಹೊಂದಿರುವ ವೈಷ್ಣವಿ

ವೈಷ್ಣವಿಯನ್ನು 'ಅಗ್ನಿಸಾಕ್ಷಿ' ಧಾರಾವಾಹಿಯಿಂದ ಜನ ನೋಡಿಕೊಂಡು ಬಂದಿದ್ದಾರೆ. ಆ ಧಾರಾವಾಹಿಯಲ್ಲಿ ಮೃಧು ಸ್ವಭಾವ. ಹಾಗಂತ ನಿಜ ಜೀವನದಲ್ಲಿ ರಗಡ್ ಅಂತ ಏನಿಲ್ಲ. ರಿಯಲ್ ಲೈಫ್‌ನಲ್ಲೂ ಅಷ್ಟೇ ಸಾಫ್ಟ್ ಕ್ಯಾರೆಕ್ಟರ್. ಅದು ಬಿಗ್ ಬಾಸ್‌ಗೆ ಬಂದಾಗಲೇ ಗೊತ್ತಾಗಿದ್ದು. ಬಿಗ್ ಬಾಸ್‌ನಲ್ಲಂತೂ ಜನ ಸಿಕ್ಕಾಪಟ್ಟೆ ಫಿದಾ ಆಗಿದ್ರು. ಫ್ಯಾನ್ ಪೇಜ್‌ಗಳು ಆಮೇಲೆನೆ ಹೆಚ್ಚಾಗಿದ್ದು. ವೈಷ್ಣವಿ ತನ್ನ ಸೋಷಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಡ್ಯಾನ್ಸ್ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾ ಇರುತ್ತಾರೆ. ಅವರು ಮಾಡುವ ವೆರೈಟಿ ಡ್ಯಾನ್ಸ್‌ಗೆ ಅಭಿಮಾನಿಗಳು ತಲೆಕೆಡಿಸಿಕೊಂಡು ನಾನಾ ರೀತಿ ಕಮೆಂಟ್ ಮಾಡಿ ಮೆಚ್ಚುಗೆ ಸೂಚಿಸುತ್ತಾರೆ.

ಕಾವಾಲಾ ಹಾಡಿಗೆ ಡ್ಯಾನ್ಸ್ ಮಾಡಲು ಮನವಿ

ರಜನಿಕಾಂತ್ ಅಭಿನಯದ 'ಜೈಲರ್' ಸಿನಿಮಾದ ಹಾಡೊಂದು ರಿಲೀಸ್ ಆಗಿದೆ. ಆ ಹಾಡು ವೈರಲ್ ಕೂಡ ಅಗಿದೆ. ಇದೇ 'ಕಾವಾಲಾ' ಹಾಡನ್ನು ರೀಲ್ಸ್ ಮಾಡಿ ಹೆಜ್ಜೆ ಹಾಕಿತ್ತಿದ್ದಾರೆ. ತಮನ್ನಾ ಈ ಹಾಡಿಗೆ ಕುಣಿದಾಗಿನಿಂದ ಎಲ್ಲರೂ ತಾ ಮುಂದು ನಾ ಮುಂದು ಎಂಬಂತೆ ಡ್ಯಾನ್ಸ್ ಮಾಡುತ್ತಿದ್ದಾರೆ. ಬೇರೆ ಬೇರೆ ಹಾಡುಗಳಿಗೆಲ್ಲಾ ಡ್ಯಾನ್ಸ್ ಮಾಡುವ ವೈಷ್ಣವಿ ಬಳಿ ಈಗ ಕಾವಾಲಾ ಹಾಡಿಗೆ ಡಿಮ್ಯಾಂಡ್ ಇಡುತ್ತಿದ್ದಾರೆ. ಆ ಹಾಡಿಗೆ ಹೆಜ್ಜೆ ಹಾಕುವಂತೆ ಕೇಳಿಕೊಂಡಿದ್ದಾರೆ.

ನೆಟ್ಟಿಗರಿಗೆ ಮದುವೆಯದ್ದೇ ಚಿಂತೆ

ವೈಷ್ಣವಿ ಗೌಡಗೆ ಮದುವೆ ಆಗುವ ಆಸಕ್ತಿ ಇದೆ. ಅದು ಒಂಥರ ಡಿಫ್ರೆಂಟ್ ಲೈಫ್. ಆ ಜೀವನವನ್ನು ಫೀಲ್ ಮಾಡ್ಬೇಕು ಅಂತ ಆಸೆ ಇದೆ ಅಂತ ಬಿಗ್ ಬಾಸ್ ನಲ್ಲೂ ಹೇಳಿಕೊಂಡಿದ್ದರು. ಅದಾದ ಮೇಲೆ ಸೀತಾ ರಾಮ ಶುರುವಾಗುವುದಕ್ಕೂ ಮುನ್ನ ಮದುವೆಯ ಮಾತುಕತೆಯೂ ಆಗಿತ್ತು. ಆದರೆ, ಕಾರಣಾಂತರಗಳಿಂದ ಅದು ಮುರಿದು ಬಿತ್ತು. ಈಗ ನೆಟ್ಟಿಗರು ಅವರ ವೈಯಕ್ತಿಕ ವಿಡಿಯೋಗಳಲ್ಲಿಯೇ ಕಮೆಂಟ್ ಹಾಕುವುದಕ್ಕೆ ಶುರು ಮಾಡಿದ್ದಾರೆ. ಮದುವೆ ಯಾವಾಗ ಎಂದು ಪ್ರಶ್ನಿಸಿದ್ದಾರೆ.