ಸಾವಿನ ಬಾಗಿಲು ತಟ್ಟಿ ಗೆದ್ದು ಬಂದ 'ಫೈಟರ್' ಗಿರೀಶ್ ಯಶೋಗಾಥೆ

ಫೈಟ್ ಅಭ್ಯಾಸದ ವೇಳೆ ಕುಸಿದು ಬಿದ್ದರು

ಏಷ್ಯಾನ್ ಚಾಂಪಿಯನ್ ಷಿಪ್ ಗಾಗಿ ಅಭ್ಯಾಸ ಮಾಡುತ್ತಿದ್ದ ವೇಳೆ ಇದ್ದಕ್ಕಿದ್ದಂತೆ ಗಿರೀಶ್ ಕುಸಿದು ಬಿದ್ದರು. ವೈದ್ಯರ ಬಳಿ ತೆರೆಳಿದ ಗಿರೀಶ್ ಗೆ ಪ್ಲೇಟ್ ರೇಟ್ಸ್ ನಲ್ಲಿ ಭಾರಿ ವ್ಯತ್ಯಾಸ ಆಗಿರುವುದು ತಿಳಿದು ಬಂತು. ಕನಿಷ್ಠ 1.5 ಲಕ್ಷ ಇರಬೇಕಾಗಿದ್ದ ಪ್ಲೇಟ್ ರೇಟ್ ಕೇವಲ 6 ಸಾವಿರಕ್ಕೆ ಬಂದಿತ್ತು. ಡೆಂಗ್ಯೂ ನೆಗಿಟೀವ್ ಇದೆ ಎಂದು ರಿಪೋರ್ಟ್ ಬಂತು. ಆಗಲೇ ಗಿರೀಶ್ ಗೆ ಗೊತ್ತಾಗಿದ್ದು ಅಸಲಿ ಸತ್ಯ.

ಕ್ಯಾನ್ಸರ್ ಎಂದು ಹೇಳಿದ ವೈದ್ಯರು

''ಡೆಂಗ್ಯೂ ನೆಗಿಟೀವ್ ಅಂದ್ಮೇಲೆ 6 ಸಾವಿರ ಪ್ಲೇಟ್ ರೇಟ್ ಹೇಗೆ ಬಂತು ಅಂತ ಕೇಳಿದ್ರೆ, ಇದು ಬ್ಲಡ್ ಕ್ಯಾನ್ಸರ್ ಎಂದು ಡಾಕ್ಟರ್ ಹೇಳಿದ್ರು. ಇದನ್ನ ಕೇಳಿದ ಗಿರೀಶ್ ದಿಗ್ಬ್ರಮೆಗೊಂಡರು. ಕುಡಿಯುವುದಿಲ್ಲ, ಸಿಗರೇಟ್ ಸೇದಲ್ಲ, ಗುಟುಕ ಹಾಕಲ್ಲ, ಫಿಟ್ನೆಸ್ ನಲ್ಲಿ ಇರ್ತಿದ್ದರೂ ಕ್ಯಾನ್ಸರ್ ಯಾಕೆ?'' ಎಂದು ವೀಕೆಂಡ್ ವೇದಿಕೆಯಲ್ಲಿ ಭಾವುಕರಾದರು.

ಫೈಟರ್ ಗಿರೀಶ್, ತೂಕ ಕಳೆದುಕೊಂಡರು

ಒಳ್ಳೆಯ ಫಿಟ್ನೆಸ್ ಕಾಪಾಡಿಕೊಂಡಿದ್ದ ಗಿರೀಶ್ ಸಂಪೂರ್ಣವಾಗಿ ತೂಕ ಕಳೆದುಕೊಂಡರು. ದಿನಗಳು ಕಳೆಯುತ್ತಿದ್ದಂತೆ ಜೀವನ ಮುಗಿತು ಎಂದು ನಿರ್ಧರಿಸಿದರು. ಇಂತಹ ಸಮಯದಲ್ಲಿ ಡಾಕ್ಟರ್ ಗಿರೀಶ್ ಅವರಿಗೆ ಸ್ಫೂರ್ತಿ ತುಂಬಿದರು. ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ್ಮೇಲೆ ಒಂದು ನಿರ್ಧಾರಕ್ಕೆ ಬಂದ್ರಂತೆ. ಇನ್ನು ಜೀವನ ಇದೆ, ಪ್ರಯತ್ನ ಮಾಡು ಅಂತ.

ನರಕದ ಬಾಗಿಲು ತಟ್ಟಿ ಬಂದ ಫೈಟರ್

''ಧೃಡ ಮನಸ್ಸಿನಿಂದ ಜೀವದ ಮೇಲೆ ಆಸೆ ಉಳಿಸಿಕೊಂಡ ನಾನು ಮೆಲ್ಲಗೆ ನಡೆಯಲು ಆರಂಭಿಸಿದೆ. ಎರಡು ವರ್ಷ ಡಾಕ್ಟರ್ ಬಾಕ್ಸಿಂಗ್ ಮಾಡುವಂತಿಲ್ಲ ಎಂದರು. ಆದ್ರೆ, ನಾನು ಅಷ್ಟೋತ್ತಿಗೆ ಬಾಕ್ಸಿಂಗ್ ಪ್ರಾಕ್ಟೀಸ್ ಮಾಡ್ತಿರುವ ವಿಡಿಯೋವನ್ನ ನಮ್ಮ ಅಣ್ಣ ಡಾಕ್ಟರ್ ಗೆ ಕಳುಹಿಸಿದರು. ಅದನ್ನ ನೋಡಿ ಡಾಕ್ಟರ್ ಹೇಳಿದ್ದು, 'ನಿಮ್ಮ ತಮ್ಮ ನರಕದ ಬಾಗಿಲು ತಟ್ಟಿ ಬಂದಿದ್ದಾನೆ' ಅಂತ''

ಹೋರಾಟದ ಮುಂದೆ ಕ್ಯಾನ್ಸರ್ ಚಿಕ್ಕದು

''ಎಲ್ಲರೂ ಕೇಳಿದ್ರು ಕ್ಯಾನ್ಸರ್ ನ ಹೇಗೆ ಗೆದ್ದು ಬಂದೆ ಅಂತ. ನಾನು ಹಿಂದೆ ತಿರುಗಿ ನೋಡಿದಾಗ ನಾನು ನಡೆಸಿದ ಹೋರಾಟ ಮಾತ್ರ ಕಾಣಿಸಿತು. ಆ ಕ್ಯಾನ್ಸರ್ ಬಹಳ ಚಿಕ್ಕದಾಗಿ ಕಂಡು ಬಂತು. ನಮ್ಮ ಲೈಫ್ ನಲ್ಲಿ ನಾವೇ ಸ್ಫೂರ್ತಿ ಆಗ್ಬೇಕು. ಈ ಮಧ್ಯೆ ಭಾರತದ ಕಿಕ್ ಬಾಕ್ಸಿಂಗ್ ಕೋಚ್ ಆದೆ. ವಿದೇಶಿ ತರಬೇತಿ ಪಡೆದುಕೊಂಡೆ. ಇದುವರೆಗೂ 500ಕ್ಕೂ ಹೆಚ್ಚು ಕುರುಡು ಮಹಿಳೆಯರಿಗೆ ಆತ್ಮರಕ್ಷಣೆಯ ತರಬೇತಿ ನೀಡಿದ್ದೇನೆ'' ಎಂದು ಗಿರೀಶ್ ತಮ್ಮ ಯಶೋಗಾಥೆ ಹಂಚಿಕೊಂಡರು.