ವಿಡಿಯೋ : ಅಕುಲ್ ಬಾಲಾಜಿಗೆ ಸರಿಯಾಗಿ 'ಚಮಕ್' ಕೊಟ್ಟ ಗಣೇಶ್

ನಟ ಗಣೇಶ್ ಮತ್ತು ಅವರ ಪತ್ನಿ ಶಿಲ್ಪಾ ಗಣೇಶ್ ಈ ವಾರ 'ಸೂಪರ್ ಟಾಕ್ ಟೈಂ' ಕಾರ್ಯಕ್ರಮದ ಅತಿಥಿಗಳಾಗಿದ್ದಾರೆ. ಇದೀಗ ಗಣೇಶ್ ಸಂಚಿಕೆಯ ಪ್ರೋಮೋ ಕೂಡ ಹೊರಬಂದಿದ್ದು, ಕಾರ್ಯಕ್ರಮ ಈ ವಾರ ಕಲರ್ಸ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.

ಅಕುಲ್ ಸಾಮಾನ್ಯವಾಗಿ ಕಾರ್ಯಕ್ರಮಕ್ಕೆ ಬಂದ ಎಲ್ಲರ ಕಾಲು ಎಳೆಯುತ್ತಾರೆ ಆದರೆ ಇಲ್ಲಿ ಗಣೇಶ್ ಅಕುಲ್ ಗೆ ಕಾಲು ಎಳೆದಿದ್ದಾರೆ. ಅಕುಲ್ ಕೇಳಿದ ಫನ್ನಿ ಪ್ರಶ್ನೆಗೆ ಗಣೀ ಸರಿಯಾಗಿ 'ಚಮಕ್' ಕೊಟ್ಟಿದ್ದಾರೆ. ಗಣೇಶ್ ದಂಪತಿ ಕಾಣಿಸಿಕೊಂಡಿರುವ ಈ ಸಂಚಿಕೆ ತುಂಬ ವಿಶೇಷವಾಗಿದೆ. ಯಾಕಂದ್ರೆ, 'ಸೂಪರ್ ಟಾಕ್ ಟೈಂ' ಕಾರ್ಯಕ್ರಮದ ಕೊನೆಯ ಸಂಚಿಕೆ ಇದಾಗಿದೆ.

ಇದರೊಂದಿಗೆ ಗಣೇಶ್ ತಮ್ಮ ಪತ್ನಿ ಶಿಲ್ಪಾ ಗಣೇಶ್ ರೊಂದಿಗೆ ಈ ಕಾರ್ಯಕ್ರಮಕ್ಕೆ ಬಂದಿರುವುದು ಮತ್ತೊಂದು ವಿಶೇಷ. ಶಿಲ್ಪಾ ಗಣೇಶ್ ಹೆಚ್ಚಾಗಿ ಯಾವುದೇ ಟಿವಿ ಕಾರ್ಯಕ್ರಮಕ್ಕೂ ಬರುವುದಿಲ್ಲ. ಜೊತೆಗೆ ಗಣೇಶ್ ಅವರ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮಕ್ಕೂ ಶಿಲ್ಪಾ ಮಿಸ್ ಆಗಿದ್ದರು. ಸೋ... ಈ ವಾರದ ಕಾರ್ಯಕ್ರಮ 'ಗೋಲ್ಡನ್ ಟಾಕ್ ಟೈಂ' ಆಗಲಿದೆ.