Gattimela: ವೀಕ್ಷಕರ ನೆಚ್ಚಿನ 'ಗಟ್ಟಿಮೇಳ' ಧಾರಾವಾಹಿ ಸಾವಿರ ಸಂಚಿಕೆ ಪೂರೈಸಿದ ಸಂಭ್ರಮ

'ವೇದ್ಯಾ' ಜೋಡಿ ಮೋಡಿ

ನವಿರಾದ ಪ್ರೇಮಕಥೆಯ ಜೊತೆಗೆ ಒಂಚೂರು ರೊಮ್ಯಾನ್ಸ್, ಒಂಚೂರು ಎಮೋಷನ್ ನ ಜೊತೆಗೆ ಈ ಮುದ್ದು ಜೋಡಿಗಳ ತರಲೆ ತುಂಟಾಟಗಳು ವೀಕ್ಷಕರ ಕಣ್ಮನ ಸೆಳೆಯುತ್ತದೆ. ವೇದ್ಯಾ ಜೋಡಿ ಕಂಡು ಫಿದಾ ಆಗಿರುವ ಯುವಜನರಂತೂ ತನ್ನ ಗಂಡ ಹೀಗಿರಲಿ, ತನ್ನ ಹೆಂಡತಿ ಹೀಗಿರಲಿ ಎಂದು ಬಯಸುವುದರಲ್ಲಿ ಆಶ್ಚರ್ಯವಿಲ್ಲವೆನ್ನಿ!

ವೀಕ್ಷಕರಿಗೆ ಹತ್ತಿರವಾದ ಪಾತ್ರಗಳು

ಕೇವಲ ನಾಯಕ ನಾಯಕಿ ಪಾತ್ರವಲ್ಲದೇ ಆರತಿ - ವಿಕ್ಕಿ, ಅದಿತಿ - ಧ್ರುವ, ಅಂಜಲಿ, ವೈದೇಹಿ, ವೈಜಯಂತಿ, ಸಾರ್ಥಕ್ - ಆದ್ಯಾ, ಖಳನಾಯಕಿ ಸುಹಾಸಿನಿ, ಚಂದ್ರಕಲಾ, ಪರಿಮಳಾ - ಮಂಜುನಾಥ್ ಸೇರಿದಂತೆ ಪ್ರತಿಯೊಂದು ಪಾತ್ರಗಳು ಕೂಡಾ ವೀಕ್ಷಕರಿಗೆ ತುಂಬಾ ಹತ್ತಿರ ಎಂದೆನಿಸಿಬಿಟ್ಟಿದೆ‌. ಇದರ ಜೊತೆಗೆ 'ಗಟ್ಟಿಮೇಳ'ದ ಕೇಂದ್ರಬಿಂದು ಎಂದರೆ ಅದು ಕಾಂತ ಪಾತ್ರ. ಪ್ರತಿ ಸಂಚಿಕೆಯಲ್ಲೂ ನವಿರಾದ ಹಾಸ್ಯದ ಮೂಲಕ ಪ್ರೇಕಕ್ಷಕರನ್ನು ನಗೆಯ ಗಡಲಲ್ಲಿ ಕಾಂತ ಪಾತ್ರಕ್ಕೂ ಕೂಡಾ ಅಭಿಮಾನಿ ವರ್ಗವಿದೆ.

1000 ಅಧಿಕ ಅಭಿಮಾನಿ ಪೇಜ್‌ಗಳು

ಪ್ರತಿ ವರ್ಷ ಜೀ ಕುಟುಂಬ ಅವಾರ್ಡ್‌ನಲ್ಲಿ ಜನ ಮೆಚ್ಚಿದ ಧಾರಾವಾಹಿ, ನಾಯಕ ನಟಿ, ನಾಯಕ ನಟ ಹಾಗೂ ಅತ್ಯುತ್ತಮ ರೇಟೆಡ್ ಸೀರಿಯಲ್ ಅವಾರ್ಡ್‌ಗಳನ್ನು ಪಡೆದುಕೊಂಡಿರುವ 'ಗಟ್ಟಿಮೇಳ' ಧಾರಾವಾಹಿಯು ಇಡೀ ಧಾರವಾಹಿಗಳ ಇತಿಹಾಸದಲ್ಲಿ ಸಾವಿರಕ್ಕೂ ಅಧಿಕ ಅಭಿಮಾನಿಗಳ ಪೇಜ್‌ಗಳನ್ನು ಹೊಂದಿದೆ. 'ದಿ ಬಿಗ್ ಫ್ಯಾನ್ ಬೇಸ್ ಸೀರಿಯಲ್ ಆಫ್ ಡಿಕೇಡ್' ಅರ್ಥಾತ್ ಈ ದಶಕದ ಅತಿ ಹೆಚ್ಚು ಫ್ಯಾನ್ ಪೇಜ್‌ಗಳನ್ನು ಹೊಂದಿರುವ ಧಾರಾವಾಹಿ ಎಂದರೆ ಅದು "ಗಟ್ಟಿಮೇಳ".

ಟಿಆರ್‌ಪಿಯಲ್ಲೂ ಮುಂದು

ಆರಂಭದ ದಿನಗಳಿಂದಲೂ ಟಿಆರ್‌ಪಿ ರೇಟಿಂಗ್‌ನಲ್ಲಿಯೂ ಮುಂದಿರುವ ಗಟ್ಟಿಮೇಳ ಧಾರಾವಾಹಿಯು ಅತಿ ಹೆಚ್ಚು ಬಾರಿ ನಂಬರ್ 1 ಪಡೆದ ಧಾರಾವಾಹಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇದರ ಜೊತೆಗೆ 'ಗಟ್ಟಿಮೇಳ' ದಾಖಲೆಯ 16.8 ಟಿವಿಆರ್‌ಗಳ ಮೂಲಕ ಮತ್ತೊಂದು ಇತಿಹಾಸವನ್ನು ಕೂಡಾ ಗಟ್ಟಿಮೇಳ ಸೃಷ್ಟಿಸಿದೆ. ಇದೇ ಗುರುವಾರ ಕೊಪ್ಪಳದ ಕುಕನೂರು ಗ್ರಾಮದಲ್ಲಿ ಸಾವಿರ ಸಂಚಿಕೆಯ ವಿಶೇಷ 'ಜೀ ಕನ್ನಡ ಗಟ್ಟಿಮೇಳ ಜಾತ್ರೆ' ಅದ್ಧೂರಿಯಾಗಿ ನಡೆದಿದ್ದು ಇದೇ ಭಾನುವಾರ ಮಧ್ಯಾಹ್ನ 3.00 ಕ್ಕೆ ನಿಮ್ಮ ನೆಚ್ಚಿನ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.