ಗಟ್ಟಿಮೇಳ: ಅಮೂಲ್ಯಗೆ ಅವಮಾನ ಮಾಡಿದ ಆರತಿ, ಸುಹಾಸಿನಿ

ಆರತಿಗೆ ದ್ವೇಷ ತುಂಬಿದ ಸುಹಾಸಿನಿ

ಸುಹಾಸಿನಿ ಸೀದಾ ಆರತಿ ಬಳಿ ಬಂದು, ನಿನಗೋಸ್ಕರ ಅಮೂಲ್ಯ ಮಂಡಿ ಸೇವೆ ಮಾಡಿದ್ದು ಗೊತ್ತಾಯ್ತಾ? ಎಂದು ಕೇಳುತ್ತಾಳೆ. ಅದಕ್ಕೆ ಆರತಿ ಹೌದು ಅತ್ತೆ. ನಾನೇ ಅಮೂಲ್ಯಾಳನ್ನು ತಪ್ಪಾಗಿ ತಿಳಿದುಕೊಂಡಿದ್ದೆ ಎಂದು ಹೇಳುತ್ತಾಳೆ. ಅಲ್ಲದೇ, ಅವಳು ಏನೇ ಸೇವೆ ಮಾಡಿದ್ದರೂ ನಿನಗೆ ಅದರಿಂದ ಒಳ್ಳೆಯದೇ ಆಗಬೇಕು ಎಂದೇನಿಲ್ಲ. ಹಾಗಾಗಿ ನೀನು ತುಂಬಾ ಹುಷಾರಾಗಿರಬೇಕು. ಯಾರಿಂದಲೋ ಏನೋ? ಅಮೂಲ್ಯಳಿಂದಲೂ ಅವಳಿಗೇ ಗೊತ್ತಿಲ್ಲದೆ ತಪ್ಪಾಗಬಹುದು. ಅಮೂಲ್ಯ ಪಾಯಸ ಮಾಡುವಾಗ ಅದಕ್ಕೆ ಅಲ್ಲಿ ಬೀಳಬಹುದು ಅದು ಅವಳಿಗೆ ಗೊತ್ತಾಗದೇ ಇರಬಹುದು ಎಂದೆಲ್ಲಾ ಹೇಳುತ್ತಾಳೆ. ಯಾರು ಏನೇ ಕೊಟ್ಟರೂ ತಿನ್ನಬೇಡ, ಕಾಳಜಿ ಇಟ್ಟುಕೋ ಎಂದು ಹೇಳುತ್ತಾಳೆ.

ಅಮೂಲ್ಯಗೆ ಆರತಿ ಅವಮಾನ

ಅಮೂಲ್ಯ ಪ್ರೀತಿಯಿಂದ ಆರತಿಗೆ ಪಾಯಸ ಮಾಡಿ ತರುತ್ತಾಳೆ. ಆರತಿಗೆ ಪಾಯಸ ಕೊಟ್ಟರೆ, ಅವಳು ನನಗೆ ಬೇಡ ಎಂದು ಹೇಳುತ್ತಾಳೆ. ಅಮೂಲ್ಯ ಎಷ್ಟು ಬಲವಂತ ಮಾಡಿದರೂ ಆರತಿ ಒಪ್ಪುವುದಿಲ್ಲ. ಗಲಾಟೆ ಮಾಡುತ್ತಾಳೆ. ತುಂಬಾ ಹಠ ಮಾಡುತ್ತಾಳೆ. ಅಮೂಲ್ಯ ನನ್ನ ಮೇಲೆ ಅನುಮಾನ ಪಡಬೇಡ. ನಾನು ನಿನಗೆ ಏನೂ ಮಾಡೋದಿಲ್ಲ ಎಂದು ಹೇಳಿದರೂ ಕೇಳುವುದಿಲ್ಲ.

ತಲೆಸುತ್ತಿ ಬಿದ್ದ ಆರತಿ

ಆರತಿ ತನಗೆ ಪಾಯಸ ಬೇಡ ಎಂದು ಹಠ ಮಾಡಿದರೂ ಅಮೂಲ್ಯ ಕೇಳುವುದಿಲ್ಲ. ಸ್ವಲ್ಪ ತಗೋ ಎಂದು ಹೇಳುತ್ತಾಳೆ. ಆಗ ಆರತಿ ನನಗೆ ಏನು ಬೇಕು ಏನು ಬೇಡ ಎಂಬುದನ್ನು ನನಗಿಂತ ನೀವೇ ಹೆಚ್ಚು ಡಿಸೈಡ್ ಮಾಡುತ್ತೀರಾ. ನನಗೆ ನನ್ನ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಬಿಡಿ ಎಂದು ಹೇಳಿ ತಲೆ ಸುತ್ತಿ ಬೀಳುತ್ತಾಳೆ. ವೈದ್ಯರು ಬಂದು ಸ್ಟ್ರೆಸ್ ಕೊಡಬೇಡಿ. ಇದರಿಂದ ಆರತಿ ಆರೋಗ್ಯಕ್ಕೆ ತೊಂದರೆಯಾಗುತ್ತದೆ ಎಂದು ಹೇಳುತ್ತಾರೆ.

ಅಮೂಲ್ಯಗೆ ಸುಹಾಸಿನಿ ಕ್ಲಾಸ್

ವೈದ್ಯರು ಆರತಿಗೆ ಸ್ಟ್ರೆಸ್ ಆಗಿದೆ ಎಂದು ಹೇಳಿದ್ದಕ್ಕೆ ಸುಹಾಸಿನಿ ಅಮೂಲ್ಯಗೆ ಕ್ಲಾಸ್ ತೆಗೆದುಕೊಂಡಿದ್ದಾಳೆ. ಅವಳಿಗೆ ಪ್ರಸಾದ ತಿನ್ನು ಅಂತ ನೀನೇ ಬಲವಂತ ಮಾಡಿರುತ್ತೀಯಾ. ಈಗ ಅವಳಿಗೆ ಮೂಡ್ ಸ್ವಿಂಗ್ಸ್ ಆಗುತ್ತಿರುತ್ತದೆ. ತೊಂದರೆ ಕೊಡಬೇಡ ಎಂದು ತರಾಟೆಗೆ ತೆಗೆದುಕೊಳ್ಳುತ್ತಾಳೆ. ನಂತರ ಅಮೂಲ್ಯ ವೇದಾಂತ್ ಹಾಗೂ ವಿಕ್ಕಿ ಎದುರಿಗೆ ನಾನೇನು ಮಾಡಿಲ್ಲ. ಈ ಪಾಯಿಸಕ್ಕೆ ನಾನೇನು ಹಾಕಿಲ್ಲ ಎಂದು ಹೇಳಿ ಅವರ ಎದುರಿಗೆ ಪಾಯಸ ತಿನ್ನುತ್ತಾಳೆ. ನೋಡಿ ನನಗೇನು ಹಾಕಿಲ್ಲ. ಅಕ್ಕನ ಪಾಯಸಕ್ಕೆ ನಾನೇನು ಮಿಕ್ಸ್ ಮಾಡಿಲ್ಲ ಎಂದು ಹೇಳುತ್ತಾಳೆ.