'ಸತ್ಯ' ಸೀರಿಯಲ್ ನಟಿಯ ಬಗ್ಗೆ ನಿಮಗೆಷ್ಟು ಗೊತ್ತು: ಸತ್ಯ ಹೊಸ ಅವತಾರ ನೋಡಿದ್ರ?

ಸತ್ಯ ಧಾರಾವಾಹಿಯಿಂದ ಮನೆ ಮಾತಾದ ಸತ್ಯ!

ಸದ್ಯ ಕಿರುತೆಯಲ್ಲಿ ಪ್ರಸಾರ ಆಗುತ್ತಿರುವ ಧಾರಾವಾಹಿಗಳ ನಾಯಕಿಯರಲ್ಲಿ ಜನ ಮನ ಗೆದ್ದ ನಾಯಕಿಯರಲ್ಲಿ ಸತ್ಯ ಧಾರಾವಾಹಿಯ ಸತ್ಯ ಕೂಡ ಒಬ್ಬರು. ಸತ್ಯ ಅವರ ಗೆಟಪ್ ಧಾರವಾಹಿಯಲ್ಲಿ ಕೊಂಚ ಡಿಫ್ರೆಂಟ್ ಆಗಿದೆ. ಸತ್ಯ ಲುಕ್ ಪ್ರೇಕ್ಷಕರ ಮನ ಗೆದ್ದಿದೆ. ಸತ್ಯ ಮನೆ ಮಗನ ಸ್ಥಾನದಲ್ಲಿ ನಿಂತು ಎಲ್ಲಾ ಜವಾಬ್ದಾರಿಗಳನ್ನು ನಿಭಾಯಿಸುತ್ತಾಳೆ. ಹಾಗಾಗಿ ಸತ್ಯಳ ಧೈರ್ಯ ಮತ್ತು ಕಲ್ಮಶ ಇಲ್ಲದ ಮನಸ್ಸು ಜನರಿಗೆ ಇಷ್ಟ ಆಗುತ್ತದೆ. ಅಷ್ಟಕ್ಕೂ ಸತ್ಯ ನಿಜ ಜೀವನದಲ್ಲಿ ಇರುವ ಪರಿಯೇ ಬೇರೆ.

ಈ ಸತ್ಯ ಯಾರು, ನಿಜವಾದ ಹೆಸರು ಏನು ಗೊತ್ತಾ?

ಸತ್ಯ ಸೀರಿಯಲ್ ನೀವು ನಿತ್ಯವೂ ನೋಡುವ ಸತ್ಯ ಯಾರು ಅಂತ ಗೊತ್ತಾ?. ಸತ್ಯ ಪಾತ್ರಧಾರಿಯ ಹೆಸರು ಗೌತಮಿ ಜಾಧವ್. ಗೌತಮಿ ಅವರಿಗೂ ಸಿನಿಮಾರಂಗಕ್ಕೂ ಮೊದಲಿನಿಂದಲೂ ನಂಟಿದೆ. ಗೌತಮಿ ಅವರು ಕನ್ನಡ ಚಿತ್ರರಂಗದಲ್ಲಿ ಛಾಯಗ್ರಾಹಕ ಆಗಿ ಗುರುತಿಸಿಕೊಂಡಿರುವ, ಹಿರಿಯ ಪತ್ರಕರ್ತ ಗಣೇಶ್ ಕಾಸರಗೋಡು ಅವರ ಪುತ್ರ ಅಭಿಶೇಕ್ ಅವರ ಧರ್ಮಪತ್ನಿ. ಮದುವೆಗೂ ಮೊದಲು ಈ ಜೋಡಿ ಒಂದೇ ಚಿತ್ರದಲ್ಲಿ ಕೆಲಸ ಮಾಡಿದೆ.

ಸಿನಿಮಾ ನಟಿ ಗೌತಮಿ ಜಾದವ್ ಅಲಿಯಾಸ್ ಸತ್ಯ!

ಗೌತಮಿ ಅವರು ಕಿರುತೆಯಲ್ಲಿ ಅಭಿನಯಿಸುವ ಮುನ್ನ ಸಿನಿಮಾಗಳಲ್ಲೂ ಕೂಡ ಅಭಿನಯಿಸಿದ್ದಾರೆ. 'ಕಿನಾರೆ' ಎನ್ನುವ ಕನ್ನಡದ ಸಿನಿಮಾದಲ್ಲಿ ಗೌತಮಿ ಅಭಿನಯಿಸಿದ್ದಾರೆ. ಈ ಮೂಕಲ ಸ್ಯಾಂಡಲ್‌ವುಡ್‌ನಲ್ಲಿಯೂ ಗೌತಮಿ ಅವರು ಹೆಸರು ಮಾಡಿದ್ದಾರೆ. ಎಲ್ಲಿ ಗೌತಮಿ ಅವರು ಅಭಿನಯದ ಸಿನಿಮಾಗಳು ಬರುತ್ತಿಲ್ಲ, ಎಂದುಕೊಳ್ಳುವಷ್ಟರಲ್ಲೇ ಗೌತಮಿ ಅವರು ಸತ್ಯ ಆಗಿ ಎಂಟ್ರಿ ಕೊಟ್ಟಿದ್ದಾರೆ. ಈ ಮೂಲಕ ದೊಡ್ಡ ಮಟ್ಟದಲ್ಲಿ ಗಮನ ಸೆಳೆದಿದ್ದಾರೆ. ಜೊತೆಗೆ ದೊಡ್ಡ ಅಭಿಮಾನಿ ಬಳಗ ಹೊಂದಿದ್ದಾರೆ.

ಕಿರು ಚಿತ್ರದ ಮೂಕ ವಿಭಿನ್ನ ಪ್ರಯೋಗ!

ಸಿನಿಮಾ ಮತ್ತು ಕಿರುತೆರೆಯಲ್ಲಿ ಗುರುತಿಸಿಕೊಂಡಿರುವ ಗೌತಮಿ ಅವರು ಈಗ ಹೊಸ ಪ್ರಯೋಗಕ್ಕೆ ಕೈ ಹಾಕಿದ್ದಾರೆ. ಕನ್ನಡದ ಕಿರು ಚಿತ್ರ ಒಂದರಲ್ಲಿ ಅಭಿನಯಿಸಿದ್ದಾರೆ. ಈ ಚಿತ್ರಕ್ಕೆ 'ಪಪೆಟ್ಸ್' ಎಂದು ಹೆಸರಿಡಲಾಗಿದೆ. ಸದ್ಯ ಈ ಕಿರುಚಿತ್ರದ ಟೀಸರ್ ರಿಲೀಸ್ ಆಗಿದೆ. ಟೀಸರ್‌ನಲ್ಲಿ ಗೌತಮಿ ಅವರು ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದಾರೆ. ಸತ್ಯ ಸೀರಿಯಲ್ ಗೆಟಪ್‌ಗೂ, ಈ ಗೆಟಪ್‌ಗೂ ಅಜಗಜಾಂತರ ವ್ಯತ್ಯಾಸ ಇದೆ. ಈ ಕಿರುಚಿತ್ರ ಸತ್ಯ ಹೆಗ್ಡೆ ಸ್ಟೂಡಿಯೋಸ್ ಅಡಿಯಲ್ಲಿ ನಿರ್ಮಾಣ ಆಗಿದೆ.