Hitler Kalyana: ಎಜೆ ಮನೆಗೆ ಬಂದ ಅಂತರಾ: ರಾಮ್-ಲೀಲಾ ಪ್ರೀತಿಗೆ ಅಡ್ಡಿಯಾಗುತ್ತಾಳಾ..?

ಲೀಲಾಗೆ ಸರ್ಪ್ರೈಸ್ ಕೊಡಲಿರುವ ಎಜೆ

ಲೀಲಾಗೆ ಸರ್ಪ್ರೈಸ್ ಕೊಡಬೇಕೆಂದು, ಬೆಳಗ್ಗಿನಿಂದ ರೂಮಿನಲ್ಲಿ ಕೂಡಿ ಹಾಕಲಾಗಿದೆ. ಮನೆಯನ್ನೆಲ್ಲಾ ಸಿಂಗಾರ ಮಾಡಲಾಗಿದೆ. ಲೀಲಾಗೆ ಎಜೆ ಪ್ರಪೋಸ್ ಮಾಡಲು ಲಕ್ಷ್ಮಿ, ಅಜ್ಜಿ ಹಾಗೂ ವಿಶ್ವರೂಪ್ ಕೂಡ ಸಪೋರ್ಟ್ ಮಾಡುತ್ತಿದ್ದಾರೆ. ಹೀಗಾಗಿ ಎಜೆ, ಲೀಲಾಗೆ ಇಷ್ಟ ಎಂದು ಮನೆಯವರೆಲ್ಲರ ಎದುರಿಗೂ ಪ್ರೀತಿಯ ವಿಚಾರವನ್ನು ಹೇಳಿಕೊಳ್ಳಬೇಕು. ಪ್ರಪೋಸ್ ಮಾಡಬೇಕು ಎಂದು ಮನೆಯವರನ್ನೆಲ್ಲಾ ಮನೆಗೆ ಕರೆಸಿದ್ದಾನೆ. ಆದರೆ, ಇದ್ಯಾವ ವಿಚಾರವೂ ಲೀಲಾಗೆ ಗೊತ್ತಾಗದಂತೆ ನೋಡಿಕೊಂಡಿದ್ದಾನೆ.

ಮನೆಗೆ ಬಂದ ಅಂತರಾ

ಇನ್ನು ಎಜೆಗೆ ಇಷ್ಟವಾಗುವ ಆರ್ಕಿಡ್ ಹೂವನ್ನು ಆರ್ಡರ್ ಕೊಟ್ಟಿರುತ್ತಾನೆ. ಅದರಿಂದಲೇ ಲೀಲಾಳನ್ನು ಪ್ರಪೋಸ್ ಮಾಡಬೇಕು ಎಂದು ಅಂದುಕೊಂಡಿರುತ್ತಾನೆ. ಆ ಹೂವಿಗಾಗಿ ಕಾಯುವಾಗ, ಅಂತರಾ ಗಾಡಿಯಲ್ಲಿ ಬರುತ್ತಾಳೆ. ಮನೆಯನ್ನು ನೋಡಿ, ತನ್ನ ಹಳೆ ಬದುಕನ್ನು ನೆನಪು ಮಾಡಿಕೊಳ್ಳುತ್ತಾಳೆ. ಹೂವನ್ನು ಕೊಡಲು ಮುಖ ಮುಚ್ಚಿಕೊಳ್ಳುತ್ತಾಳೆ. ಅಜ್ಜಿ ಹೂವನ್ನು ತೆಗೆದುಕೊಳ್ಳುತ್ತಾರೆ. ಆದರೆ, ಎಜೆಗೆ ಅಂತರಾ ಇಲ್ಲೇ ಇದ್ದಾಳೆ ಎಂಬ ಭಾವನೆ ಶುರುವಾಗುತ್ತೆ. ಹಾಗಾಗಿ ಮನೆಯಿಂದ ಆಚೆ ಬರುತ್ತಾನೆ. ಎಜೆ ಮಾತು ಕೇಳಿದ ಅಜ್ಜಿ ಅಂತರಾಳನ್ನು ನೋಡಿ ಬಿಡುತ್ತಾಳೆ. ಆದರೆ, ಈ ಬಗ್ಗೆ ಯಾರ ಬಳಿಯೂ ಹೇಳಿಕೊಳ್ಳುವುದಿಲ್ಲ. ಅಂತರಾ ಕೂಡ ಈಗ ಯಾಕೆ ಎಂಟ್ರಿ ಕೊಟ್ಟಿದ್ದಾಳೋ ಗೊತ್ತಿಲ್ಲ. ಅಷ್ಟಕ್ಕೂ ಎಜೆ ಮತ್ತು ಅಂತರಾ ಲೈಫ್‌ನಲ್ಲಿ ಹಿಂದೆ ಏನು ನಡೆದಿತ್ತೋ ಎಂಬುದನ್ನು ಇನ್ನೂ ಪ್ರೇಕ್ಷಕರಿಗೆ ತಿಳಿಸಿಕೊಟ್ಟಿಲ್ಲ. ಬಹುಶಃ ಇನ್ನು ಮುಂದೆ ಈ ಕಥೆಯನ್ನು ಹೇಳಬಹುದು ಎಂದು ನಿರೀಕ್ಷಿಸಲಾಗಿದೆ.

ದುರ್ಗಾ ಹೊಟ್ಟೆ ಉರಿ ಕಮ್ಮಿ ಆಗಿಲ್ಲ

ಇನ್ನು ದುರ್ಗಾಳಿಗೆ ಲೀಲಾ ಮೇಲೆ ಕೋಪವಿದೆ. ಅವಳನ್ನು ಹೇಗಾದರೂ ಮಾಡಿ ಮನೆಯಿಂದ ಆಚೆ ಹಾಕಬೇಕು ಎಂದು ಅಂದುಕೊಂಡಿದ್ದಾಳೆ. ಸದ್ಯ ಎಜೆ ಲೀಲಾಗೆ ಪ್ರೊಪೋಸ್ ಮಾಡಲು ಮುಂದಾಗಿರುವುದು ಕೂಡ ಇಷ್ಟವಿರುವುದಿಲ್ಲ. ಆದರೆ, ಬೇರೆ ದಾರಿ ಇಲ್ಲದೇ ಸುಮ್ಮನಿದ್ದಾಳೆ. ದುರ್ಗಾ ಹಾಗೂ ಸರಸ್ವತಿ ಸಿಟ್ಟಿಗೆ ಆಗಾಗ ಲಕ್ಷ್ಮಿ ತುಪ್ಪಾ ಸುರಿಯುತ್ತಿರುತ್ತಾಳೆ. ಇನ್ನು ಲೀಳಾ ಮಲತಾಯಿ ಕೌಸಲ್ಯಳಿಗೂ ಕೋಪ ಕಡಿಮೆ ಆಗಿರುವುದಿಲ್ಲ. ಲೀಲಾ ಮೇಲೆ ಕೆಂಡ ಕಾರುತ್ತಿರುತ್ತಾಳೆ.

ಲೀಲಾ ಫುಲ್ ಖುಷ್

ಲೀಲಾಳಿಗೆ ಎಜೆ ಸರ್ಪ್ರೈಸ್ ಕೊಡುತ್ತಾನೆ. ಡೆಕೊರೇಷನ್ ನೋಡಿ ಲೀಲಾ ದಂಗಾಗಿಬಿಡುತ್ತಾಳೆ. ಎಜೆ, ಲೀಲಾಳನ್ನು ಮೊದಲು ಕ್ಷಮೆ ಕೇಳುತ್ತಾನೆ. ತಾನು ಈ ಹಿಂದೆ ನಡೆದುಕೊಂಡಿದ್ದನ್ನು ಕ್ಷಮಿಸು ಎಂದು ಹೇಳುತ್ತಾನೆ. ಲೀಲಾ ಪ್ರೊಪೋಸ್ ಮಾಡಲಿ ಎಂದು ಕಾತುರರಾಗಿದ್ದಾಳೆ. ಲೀಲಾ ಫುಲ್ ಖುಷ್ ಆಗಿದ್ದು, ನಾಳೆ ಎಜೆ ಪ್ರಪೋಸ್ ಮಾಡುತ್ತಾನಾ..? ಇಲ್ಲ ಅಂತರಾ ಬರುತ್ತಾಳಾ ಎಂದು ಕಾದು ನೋಡಬೇಕಿದೆ.