ಎಜೆ ಸೊಸೆ ದುರ್ಗಾ ನ್ಯೂ ಲುಕ್‌ಗೆ ಫಿದಾ ಆದ ಫಾಲೋವರ್ಸ್ : ನೀವು ಇಲ್ಲಿರಬೇಕಾದವರಲ್ಲ ಅಂದಿದ್ಯಾಕೆ..?

ಎಜೆ ಸೊಸೆಯ ನ್ಯೂ ಲುಕ್‌ಗೆ ಫಿದಾ

ಧಾರಾವಾಹಿಯಲ್ಲಿ ಸದ್ಯದ ಟ್ರೆಂಡಿಂಗ್ ಎಂದರೆ, ಶ್ರೀಮಂತ ಮನೆಯ ಹೆಣ್ಣು ಮಕ್ಕಳೆಲ್ಲಾ ಸೀರೆಯಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದಾರೆ. ಅದೇ ರೀತಿ ದುರ್ಗಾ, ಲಕ್ಷ್ಮೀ, ಸರಸ್ವತಿ ಕೂಡ ಸೀರೆಯನ್ನೇ ಹಾಕುತ್ತಿದ್ದಾರೆ. ನಂದಿನಿ 'ಹಿಟ್ಲರ್ ಕಲ್ಯಾಣ' ಧಾರಾವಾಹಿಗೆ ಬಹಳ ವರ್ಷಗಳ ಬಳಿಕ ಕಮ್ ಬ್ಯಾಕ್ ಮಾಡಿದ್ದಾರೆ. ಈ ಹಿಂದೆ ನೋಡಿದ್ದಕ್ಕಿಂತ ನಂದಿನಿಯ ಲುಕ್ ಇನ್ನು ಬ್ಯೂಟಿಫುಲ್ ಆಗಿದೆ. ಸದಾ ಸೀರೆಯಲ್ಲಿಯೇ ದರ್ಶನ ಕೊಡುವ ನಂದಿನಿ ಇದೀಗ ಹೊಸದೊಂದು ಫೋಟೊ ಹಂಚಿಕೊಂಡಿದ್ದಾರೆ. ಈ ಫೋಟೊ ಯಾರೇ ನೋಡಿದರೂ ಎರಡ್ಮೂರು ಸಲ ನೋಡುತ್ತಾರೆ. ಇದು ಎಜೆ ಸೊಸೆನೇನಾ ಎಂಬ ಅನುಮಾನ ಬಾರದೆ ಇರುವುದಿಲ್ಲ.

ಫೋಟೊಗೆ ಸಿಕ್ಕಾಪಟ್ಟೆ ಮೆಚ್ಚುಗೆ

ನಂದಿನಿಗೆ ಹೇಳಿ ಕೇಳಿ ಸಿಕ್ಕಾಪಟ್ಟೆ ಫ್ಯಾನ್ ಫಾಲೋವರ್ಸ್ ಇದ್ದಾರೆ. ಅವರ ಇನ್‌ಸ್ಟಾಗ್ರಾಂನಲ್ಲಿ ಅವರನ್ನು ಫಾಲೋ ಮಾಡುತ್ತಿರುವವರ ಸಂಖ್ಯೆ 73 ಸಾವಿರಕ್ಕಿಂತ ಹೆಚ್ಚು. ಅವರ ಒಂದೊಂದು ಫೋಟೋ, ವಿಡಿಯೋಗೂ ಮನತುಂಬಿ ಲೈಕ್ ಒತ್ತುತ್ತಾರೆ. ಇದೀಗ ಹೊಸ ಫೋಟೊಗೂ ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದು, ನೀವು ಬಿಡಿ ಬೆಂಕಿ, ವಾವ್ ನೀವೂ ತುಂಬಾ ಚೆಂದ, ಸೂಪರ್, ಬಾಲಿವುಡ್ ಹೀರೊಯಿನ್ ಥರ ಕಾಣುತ್ತಾ ಇದ್ದೀರಾ, ನೀವೂ ಇಲ್ಲಿ ಇರಬೇಕಾದವರಲ್ಲ. ಆದರೆ ಕನ್ನಡ ಧಾರಾವಾಹಿ ಕೂಡ ದೊಡ್ಡ ಮಟ್ಟದ್ದೇ ಅಂತೆಲ್ಲಾ ಕಮೆಂಟ್ ಮಾಡಿದ್ದಾರೆ.

ಟ್ರೆಡಿಷನಲ್ ಫೋಟೊಗೆ ಹೆಚ್ಚು ಪೋಸ್

ಈಗ ಹಾಕಿರುವ ವೆರೈಟಿ ಫೋಟೊಗೆ ಲೈಕ್ ಒತ್ತಿದವರೇ ಹೆಚ್ಚು. ಜೊತೆಗೆ ನಂದಿನಿ ಫೋಟೊಶೂಟ್ ತುಂಬಾ ಮಾಡಿಸಿದ್ದಾರೆ. ಟ್ರೆಡಿಷನಲ್ ಲುಕ್‌ಗೂ ಸೈ, ಗ್ಲಾಮರ್ ಲುಕ್‌ಗೂ ಜೈ ಎನ್ನುವ ನಂದಿನಿ ಅವರ ಫೋಟೊಗಳು ಅದ್ಭುತವಾಗಿವೆ. ಒಂದಷ್ಟು ಪ್ರಮೋಷನ್‌ಗಾಗಿ ಮಾಡಿಸಿರುವ ಫೋಟೊಗಳು ಕೂಡ ಕಣ್ಣಿಗೆ ಕಾಣುತ್ತವೆ. ಇನ್ನೊಂದಷ್ಟು ಪರ್ಸನಲ್ ಫೋಟೊಶೂಟ್ ಕೂಡ ಕಾಣಬಹುದಾಗಿದೆ.

ತೆರೆ ಹಿಂದೆ ರೀಲ್ಸ್ ಮಾಡುವುದರಲ್ಲಿ ಬ್ಯುಸಿ

'ಹಿಟ್ಲರ್ ಕಲ್ಯಾಣ' ಧಾರಾವಾಹಿಯಲ್ಲಿ ಮೂವರು ಸೊಸೆಯಂದಿರಿಗೆ ಒಬ್ಬ ಅತ್ತೆಯೇ ಟಾರ್ಗೆಟ್. ಯಾವಾಗಲೂ ಅತ್ತೆಯ ಮೇಲೆ ಕೆಂಡಕಾರುವ ಸೊಸೆಯಂದಿರು, ತೆರೆ ಹಿಂದೆ ಸ್ವಲ್ಪ ಆತ್ಮೀಯವಾಗಿಯೇ ಇದ್ದಾರೆ. ಅಷ್ಟೇ ಅಲ್ಲ, ಶೂಟಿಂಗ್ ಸ್ಪಾಟ್‌ನಲ್ಲಿ ಗ್ಯಾಪ್ ಸಿಕ್ಕಿದರೆ ಸಾಕು ಅತ್ತೆ ಸೊಸೆಯಂದಿರದ್ದು ರೀಲ್ಸ್ ಕಾರ್ಯಕ್ರಮ ಶುರುವಾಗಿಬಿಡುತ್ತೆ.