ದುರ್ಗಾ ಪ್ಲ್ಯಾನ್ ಠುಸ್: ಅತ್ತೆ ಸೇವೆ ಮಾಡಿದ ಸೊಸೆಯಂದಿರು!

ದುರ್ಗಾ ಪ್ಲ್ಯಾನ್ ಠುಸ್

ಮಲಗಿದ್ದ ಎಜೆಗೆ ಎಚ್ಚರವಾಗಿದೆ. ಪಕ್ಕದಲ್ಲಿ ಲೀಲಾ ಇಲ್ಲದ್ದನ್ನು ಕಂಡ ಎಜೆ, ಲೀಲಾ ಎಲ್ಲಿ ಎಂದು ಹುಡುಕಾಡಲು ಶುರು ಮಾಡಿದ್ದಾನೆ. ಲೀಲಾ ಮಲಗುವ ಸೋಫಾ ಮೇಲೂ ಇರುವುದಿಲ್ಲ. ಫೋನ್ ಕೂಡ ಅಲ್ಲೇ ಬಿಟ್ಟು ಹೋಗಿದ್ದಾಳೆ. ಇದನ್ನೆಲ್ಲಾ ನೋಡಿದ ಎಜೆ ಲೀಲಾ, ಲೀಲಾ ಎಂದು ಕರೆಯುತ್ತಾನೆ. ಎಲ್ಲೂ ಕಾಣಿಸುವುದಿಲ್ಲ. ಬಳಿಕ ದುರ್ಗಾ ರೂಮ್‌ಗೆ ಎಜೆ ಬಂದು ಲೀಲಾ ಎಲ್ಲೂ ಕಾಣಿಸುತ್ತಿಲ್ಲ ಎಂದು ಹೇಳಿದಾಗ ದುರ್ಗಾ ಏನೋ ಸಬೂಬು ಹೇಳುತ್ತಾಳೆ. ಆದರೂ ಮನಸ್ಸು ತಡೆಯದೇ ಎಜೆ ಲೀಲಾಳನ್ನು ಬಹಳ ಹುಡುಕಾಡುತ್ತಾನೆ. ದುರ್ಗಾ ಮತ್ತು ಸರಸ್ವತಿ ನಮ್ಮ ಪ್ಲ್ಯಾನ್ ಠುಸ್ ಆಗುತ್ತಾ..? ಇಲ್ಲ ಸಕ್ಸಸ್ ಆಗುತ್ತಾ ಎಂದು ಗಾಬರಿಯಲ್ಲಿರುತ್ತಾರೆ.

ಲೀಲಾ ಸೇವೆ ಮಾಡಿದ ಸೊಸೆಯಂದಿರು

ಮನೆ ಎಲ್ಲಾ ಲೀಲಾಳನ್ನು ಹುಡುಕಾಡಿದಾಗ, ಬಾಲ್ಕನಿ ಬಾಗಿಲು ಹಾಕಿರುತ್ತದೆ. ಅದನ್ನು ನೋಡಿದ ಎಜೆ ಲೀಲಾ ಅಲ್ಲಿರುವುದನ್ನು ನೋಡುತ್ತಾನೆ. ಬಾಗಿಲ ಲಾಕ್ ತೆಗೆದು ಲೀಲಾಳನ್ನು ಎಜೆ ಎತ್ತಿಕೊಂಡು ರೂಮಿಗೆ ಬರುತ್ತಾನೆ. ಇದನ್ನು ನೋಡಿದ ದುರ್ಗಾ, ಸರಸ್ವತಿ ಬೇಸರ ಮಾಡಿಕೊಳ್ಳುತ್ತಾರೆ. ಲೀಲಾ ಕೈ ಕಾಲು ತಣ್ಣಗಾಗಿರುತ್ತದೆ. ಎಷ್ಟು ಉಜ್ಜಿದರೂ ಬಿಸಿ ಆಗುವುದಿಲ್ಲ. ಇದರಿಂದ ಹೆದರಿದ ಎಜೆ ದುರ್ಗಾ ಮತ್ತು ಸರಸ್ವತಿಯನ್ನು ರೂಮಿಗೆ ಕರೆಯುತ್ತಾರೆ. ಇಬ್ಬರೂ ಹೆದರಿಕೊಂಡು ಬರುತ್ತಾರೆ. ಆಗ ಎಜೆ ಲೀಲಾ ನಾರ್ಮಲ್ ಆಗುವವರೆಗೂ ಆಕೆಗೆ ಬಿಸಿ ಕಾವು ಕೊಡಿ ಎಂದು ಹೇಳುತ್ತಾನೆ.

ದುರ್ಗಾಳಿಗೆ ವಾರ್ನಿಂಗ್ ಕೊಟ್ಟ ಲೀಲಾ

ಸರಸ್ವತಿ ಮತ್ತು ದುರ್ಗಾ ಬೇರೆ ದಾರಿ ಇಲ್ಲದೇ, ಲೀಲಾ ಸೇವೆ ಮಾಡುತ್ತಿರುತ್ತಾರೆ. ಲೀಲಾ ಚಳಿಯಲ್ಲಿ ನಡುಗುವುದನ್ನು ನೋಡಿಕೊಂಡು ಇರಬೇಕಿತ್ತು. ಬದಲಿಗೆ ಅವಳ ಸೇವೆ ಮಾಡುವಂತಾಗಿದೆ ಎಂದು ಇಬ್ಬರೂ ಬೇಸರ ಮಾಡಿಕೊಳ್ಳುತ್ತಾರೆ. ಆದರೆ, ವಿಧಿ ಇಲ್ಲದೇ, ಲೀಲಾ ಸೇವೆ ಮಾಡುತ್ತಿರುತ್ತಾರೆ. ಬೆಳಗ್ಗೆ ಎಲ್ಲಾ ಸರಿ ಹೋದಮೇಲೆ, ಇದೆಲ್ಲಾ ಹೇಗಾಯ್ತು ಎಂದು ಎಜೆ ಕೇಳುತ್ತಾನೆ. ಆಗ ಲೀಲಾ ಸುಳ್ಳು ಹೇಳುತ್ತಾಳೆ. ನಂತರ ಎಜೆ ಹೋದ ಮೇಲೆ ದುರ್ಗಾಗೆ ಲೀಲಾ ವಾರ್ನಿಂಗ್ ಕೊಡುತ್ತಾಳೆ. ಈ ಥರಹದ ಆಟಗಳೆಲ್ಲವನ್ನು ನನ್ನ ಬಳಿ ಇಟ್ಟುಕೊಳ್ಳಬೇಡ ಎಂದು ಹೇಳುತ್ತಾಳೆ.

ಲೀಲಾಗೆ ಬಂದ ಆ ಫೋನ್ ಯಾವುದು..?

ಲೀಲಾ ರೂಮಿನಲ್ಲಿ ಮಲಗಿರುತ್ತಾಳೆ. ಎಜೆಯ ಮೊದಲ ಹೆಂಡತಿ ತಮ್ಮ ಎಂದು ಹೇಳಿಕೊಂಡು ನನ್ನ ಅಕ್ಕನನ್ನು ಎಜೆ ಕೊಲೆ ಮಾಡಿದ್ದಾನೆ ಎಂದು ಲೀಲಾ ಬಳಿ ಸುಳ್ಳು ಹೇಳಿರುವ ವ್ಯಕ್ತಿ ಕಾಲ್ ಮಾಡುತ್ತಿದ್ದಾನೆ. ಲೀಲಾ ನನ್ನ ಫೋನ್ ರಿಸೀವ್ ಮಾಡಬೇಕು, ಎಜೆಗೆ ಒಂದು ಗತಿ ಕಾಣಿಸಬೇಕು ಎಂದು ಒದ್ದಾಡುತ್ತಿದ್ದಾನೆ. ಈಗ ಫೋನ್ ಅನ್ನು ಎಜೆ ರಿಸೀವ್ ಮಾಡುತ್ತಾನಾ.? ಆ ವ್ಯಕ್ತಿ ಯಾರೆಂದು ಗೊತ್ತಾದರೆ ಲೀಲಾಗೆ ಏನಾಗಬಹುದು ಎಂಬುದೇ ಕುತೂಹಲವಾಗಿದೆ.