'ಬಿಗ್ ಬಾಸ್'ನಲ್ಲಿ ನೀವೂ ಸ್ಪರ್ಧಿಸಬೇಕಾ.? ಹಾಗಿದ್ರೆ, ಕೂಡಲೆ ಈ ಕೆಲಸ ಮಾಡಿ..

ಕೂಡಲೆ ಅರ್ಜಿ ಹಾಕಿ

'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮಕ್ಕಾಗಿ ಸ್ಪರ್ಧಿಗಳ ಆಯ್ಕೆ ಪ್ರಕ್ರಿಯೆ ಶುರುವಾಗಿದೆ. ನೀವು 'ಬಿಗ್ ಬಾಸ್' ಮನೆಯೊಳಗೆ ಕಾಲಿಡಬೇಕು ಅಂದ್ರೆ ಈಗಲೇ 'ವೂಟ್'ನಲ್ಲಿ ಅರ್ಜಿ ಭರ್ತಿ ಮಾಡಿ..

ಸಂಪೂರ್ಣ ಮಾಹಿತಿ ಅತ್ಯಗತ್ಯ

ವೂಟ್ ವೆಬ್ ತಾಣ/ಆಪ್ ನಲ್ಲಿ ನಿಮಗೆ 'ಬಿಗ್ ಬಾಸ್ ಕನ್ನಡ-6' ಅರ್ಜಿ ಲಭಿಸುತ್ತದೆ. ಅದರಲ್ಲಿ ನಿಮ್ಮ ಹೆಸರು, ವಿಳಾಸ, ಭಾವ ಚಿತ್ರ, ವಯಸ್ಸು ಸೇರಿದಂತೆ ಫೇಸ್ ಬುಕ್, ಟ್ವಿಟ್ಟರ್ ಹಾಗೂ ಇನ್ಸ್ಟಾಗ್ರಾಮ್ ಹ್ಯಾಂಡಲ್ ಕೂಡ ಒದಗಿಸಬೇಕು. ಸಾಲದಕ್ಕೆ ನಿಮ್ಮ ಪರಿಚಯ ಸಾರುವ ವಿಡಿಯೋವನ್ನೂ ಅಪ್ ಲೋಡ್ ಮಾಡಬೇಕು.

ನಿಮ್ಮ ಅರ್ಜಿ ಗಮನ ಸೆಳೆಯಬೇಕು

ಕಳೆದ ಬಾರಿ ಕೂಡ ಜನಸಾಮಾನ್ಯರನ್ನ ಇದೇ ರೀತಿ ಅರ್ಜಿಗಳ ಮೂಲಕ ಆಯ್ಕೆ ಮಾಡಲಾಗಿತ್ತು. ಸರಿಯಾದ ಮಾಹಿತಿಯೊಂದಿಗೆ ನಿಮ್ಮ ಇಂಟ್ರೆಸ್ಟಿಂಗ್ ವಿಡಿಯೋವನ್ನ ಲಗತ್ತಿಸಿದರೆ ನೀವು ಕಲರ್ಸ್ ಕನ್ನಡ ವಾಹಿನಿಯವರ ಗಮನ ಸೆಳೆಯಬಹುದು.

ಹೊಸ ಮನೆ ರೆಡಿಯಾಗುತ್ತಿದೆ

ಅಂದ್ಹಾಗೆ, 'ಬಿಗ್ ಬಾಸ್ ಕನ್ನಡ-6'ಗಾಗಿ ಬಿಡದಿ ಬಳಿಯ ಇನ್ನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಹೊಸ ಮನೆ ತಲೆಯೆತ್ತುತ್ತಿದೆ. ಈ ಬಾರಿಯೂ ಕಿಚ್ಚ ಸುದೀಪ್ ನಿರೂಪಣೆಯಲ್ಲಿ ಕಾರ್ಯಕ್ರಮ ಮೂಡಿಬರಲಿದೆ. ಸೆಪ್ಟೆಂಬರ್-ಅಕ್ಟೋಬರ್ ಹೊತ್ತಿಗೆ 'ಬಿಗ್ ಬಾಸ್ ಕನ್ನಡ-6' ಶುರುವಾಗುವ ಸಾಧ್ಯತೆ ಇದೆ.