Don't Miss!
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- News Darshan: ಡಿ.ಕೆ. ಸುರೇಶ್ ಪರ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಪ್ರಚಾರ
- Lifestyle ನೀವು ಸಹ ಈ ಶರ್ಬತ್ನ ರುಚಿ ಸವಿದಿದ್ದೀರಾ..? ಮರೆಯಾಯ್ತು ಈ ಹಳೆಯ ನೆನಪು
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟಿವಿಯಲ್ಲೂ ಭಾರೀ ಜಯಭೇರಿ ದಾಖಲಿಸಿದ ಅಗ್ನಿಪಥ್
ಬಾಲಿವುಡ್ ಹ್ಯಾಂಡಸಮ್ ಹೀರೋ ಹೃತಿಕ್ ರೋಶನ್ ಒಂದೊಂದೇ ಮೆಟ್ಟಿಲು ಮೇಲೇರುತ್ತಿದ್ದಾರೆ. ಇತ್ತೀಚಿಗೆ ಬಿಡುಗಡೆಯಾದ ಹೃತಿಕ್ ಚಿತ್ರ 'ಅಗ್ನಿಪಥ್' ಬಾಕ್ಸ್ ಆಫೀಸ್ ನಲ್ಲಿ ಯಶಸ್ವಿಯಾಗಿತ್ತು. ಅಷ್ಟೇ ಅಲ್ಲ, ಮೊದಲ ದಿನದ ಕಲೆಕ್ಷನ್ ರು. 23 ಕೋಟಿ ದಾಖಲಾಗಿ ಬಾಲಿವುಡ್ ನಲ್ಲಿ ಹೊಸ ದಾಖಲೆ ಮೆರೆದಿತ್ತು.
ಇಷ್ಟಕ್ಕೇ ಈ ದಾಖಲೆ ನಿಂತಿಲ್ಲ. ಅಗ್ನಿಪಥ್ ಚಿತ್ರ ಈ ವರ್ಷದಲ್ಲಿ ರು. 100 ಕೋಟಿ ಗಳಿಕೆ ಮಾಡಿದ ಮೊದಲ ಚಿತ್ರವಾಗಿ ಹೊರಹೊಮ್ಮಿದೆ. ಜೊತೆಗೆ ಮೊನ್ನೆ ಟಿವಿಯಲ್ಲಿ ಪ್ರಸಾರ ಕಂಡ ಈ ಚಿತ್ರ, ಟಿವಿ ಚಿತ್ರಗಳ ಇತಿಹಾಸದಲ್ಲೇ ಹೆಚ್ಚು ಟಿವಿಆರ್ (5.5) ಗಳಿಸಿ ಎಲ್ಲರ ಹುಬ್ಬೇರಿಸಿದೆ. ಟಿವಿ ಜಗತ್ತಿನಲ್ಲಿ ಜಾಕ್ ಪಾಟ್ ಹೊಡೆದ ಚಿತ್ರವೆನಿಸಿದೆ.
ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ಮಾಹಿತಿ ನೀಡಿ ಖುಷಿ ಹಂಚಿಕೊಂಡಿದ್ದಾರೆ ನಟ ಹೃತಕ್ ರೋಶನ್. "ಟಿವಿಯಲ್ಲಿ ಚಿತ್ರ ಬಂದಾಗ ಅದೆಷ್ಟು ದೊಡ್ಡ ಸುದ್ದಿಯಾಯ್ತು ಎಂದರೆ ಯಾವ ಚಿತ್ರವೂ ಈ ಮೊದಲು ಅಷ್ಟು ಸುದ್ದಿ ಮಾಡಿರಲಿಲ್ಲ. ಬ್ರೇಕಿಂಗ್ ನ್ಯೂಸ್ ರೀತಿಯಲ್ಲಾದ ಈ ಘಟನೆಯಿಂದ ನಾನು ತುಂಬಾ ನರ್ವಸ್ ಆಗಿದ್ದೆ" ಎಂದು ಬರೆದಿದ್ದಾರೆ ಹೃತಿಕ್.
ಅಮಿತಾಬ್ ಬಚ್ಚನ್ ಚಿತ್ರ 'ಅಗ್ನಿಪಥ್' ರೀಮೇಕ್ ನಲ್ಲಿ ಹೃತಿಕ್ ನಟಿಸಿದ್ದರು. ಬಾಲಿವುಡ್ 'ಬಿಗ್ ಬಿ' ನಟಿಸಿದ್ದ ಚಿತ್ರದಲ್ಲಿ ನಟಿಸುವಾಗ ಸಾಕಷ್ಟು ಮುಜುಗರ ಹಾಗೂ ಭಯವನ್ನು ಅನುಭವಿಸಿದ್ದಾಗಿಯೂ ಹೇಳಿಕೊಂಡಿದ್ದಾರೆ ಹೃತಿಕ್. ಆದರೆ ಬಿಡುಗಡೆಯಾದ ಮೊದಲ ದಿನವೇ ಚಿತ್ರದ ಬಗ್ಗೆ ಸಾಕಷ್ಟು ಒಳ್ಳೆಯ ಅಭಿಪ್ರಾಯ ವ್ಯಕ್ತವಾಗಿತ್ತು.
ನಂತರವಂತೂ ಅಗ್ನಿಪಥ್ ಭಾರೀ ಜನಮನ್ನಣೆ ಗಳಿಸಿದೆ. ಹೃತಿಕ್ ರೋಶನ್ ಹಾಗೂ ಪ್ರಿಯಾಂಕಾ ಚೋಪ್ರಾ ಜೋಡಿ ಜನರಿಗೆ ಮೋಡಿ ಮಾಡುವಲ್ಲಿ ಸಖತ್ ಯಶಸ್ವಿಯಾಗಿದೆ. ಹೃತಿಕ್ ಹೋದಲೆಲ್ಲಾ ಜನರು ಅಗ್ನಿಪಥ್ ಬಗ್ಗೆಯೇ ಮಾತನಾಡುವಂತಾಗಿದೆ. ತಮ್ಮ ಮೊದಲ ಚಿತ್ರ 'ಕಹೋನಾ ಪ್ಯಾರ್ ಹೈ' ನಂತರ ಹೃತಿಕ್ ಮತ್ತೊಮ್ಮೆ ದೊಡ್ಡ ಯಶಸ್ಸು ದಾಖಲಿಸಿದ್ದಾರೆ. ಒಟ್ಟಿನಲ್ಲಿ ಎರಡೆರಡು ಬಾರಿ ಅಗ್ನಿಪಥ್ ಸದ್ದು ಮಾಡಿದೆ. (ಏಜೆನ್ಸೀಸ್)