ಸ್ಪರ್ಧಿಗಳಾಗಿ 'ಬಿಗ್ ಬಾಸ್' ಮನೆ ಸೇರಿದ ನಟ ಮತ್ತು ಆತನ ಪತ್ನಿ

ಬಿಗ್ ಮನೆಗೆ ಬಂದ ಟಾಲಿವುಡ್ ಕಪಲ್ಸ್

ತೆಲುಗು ಚಿತ್ರರಂಗದ ತಾರಾ ಜೋಡಿ ಬಿಗ್ ಬಾಸ್ ತೆಲುಗು ಮೂರನೇ ಆವೃತ್ತಿಗೆ ಸ್ಪರ್ಧಿಗಳಾಗಿ ಬಂದಿದ್ದಾರೆ. ನಟ ವರುಣ್ ಸಂದೇಶ್ ಮತ್ತು ಪತ್ನಿ ವಿತೀಕಾ ಶೇರು ಇಬ್ಬರು ಒಟ್ಟಿಗೆ ಬಿಗ್ ಬಾಸ್ ಆಟ ಆಡಲು ಮನೆ ಪ್ರವೇಶ ಮಾಡಿದ್ದಾರೆ. ಇದು ಬಹಳ ಅಚ್ಚರಿ ಮತ್ತು ಕುತೂಹಲವಾಗಿದೆ.

ಕನ್ನಡದಲ್ಲಿ ವೃತ್ತಿ ಆರಂಭಿಸಿದ್ದ ವಿನೀತಾ

ವರುಣ್ ಸಂದೇಶ್ ಅವರ ಪತ್ನಿ ವಿನೀತಾ ಶೇರು ಸಿನಿ ಜರ್ನಿ ಆರಂಭಿಸಿದ್ದ ಕನ್ನಡ ಚಿತ್ರರಂಗದಲ್ಲಿ. ರಮ್ಯಾ ಅಭಿನಯಿಸಿದ್ದ 'ಅಂತು ಇಂತು ಪ್ರೀತಿ ಬಂತು' ಸಿನಿಮಾದಲ್ಲಿ ಒಂದು ಪಾತ್ರ ಮಾಡಿದ್ದರು. ಅದಾದ ಬಳಿಕ ಗಣೇಶ್ ಅಭಿನಯದ 'ಉಲ್ಲಾಸ ಉತ್ಸಾಹ' ಚಿತ್ರದಲ್ಲೂ ನಟಿಸಿದರು. ಅಲ್ಲಿಂದ ತೆಲುಗಿಗೆ ಎಂಟ್ರಿಯಾದ ವಿನೀತಾ ನಾಯಕಿಯಾಗಿ ನಟಿಸಿದ್ದರು.

ಯಾರು ಈ ವರುಣ್ ಸಂದೇಶ್

'ಹ್ಯಾಪಿ ಡೇಸ್' ಚಿತ್ರದ ಮೂಲಕ ತೆಲುಗು ಇಂಡಸ್ಟ್ರಿ ಪ್ರವೇಶ ಮಾಡಿದ್ದ ವರುಣ್ ಮೊದಲ ಸಿನಿಮಾದಲ್ಲೇ ಎಲ್ಲರ ಗಮನ ಸೆಳೆದರು. ನಂತರ ಕೊತ್ತಾ ಬಂಗಾರ ಲೋಕಂ, ಎವರೈನಾ ಎಪುಡೈನಾ, ಕುರ್ರಾಡು, ಮರೋ ಚರಿತ್ರಾ, ನುವ್ವಲಾ ನೇನಿಲಾ ಸೇರಿದಂತೆ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಲವ್ ಮ್ಯಾರೇಜ್ ಜೋಡಿ

ವರುಣ್ ಮತ್ತು ವಿನೀತಾ ಚಿತ್ರವೊಂದರಲ್ಲಿ ನಾಯಕ ಮತ್ತು ನಾಯಕಿಯಾಗಿ ನಟಿಸುತ್ತಿದ್ದರು. ಈ ಸಿನಿಮಾ ಮುಗಿಯುವಷ್ಟರಲ್ಲಿ ಇಬ್ಬರು ಪ್ರೀತಿಯಲ್ಲಿದ್ದರು. ವಿನೀತಾ ಅವರೇ ಪ್ರಪೋಸ್ ಮಾಡಿ ಮದುವೆ ಆಗೋಣ ಎಂದರು. ಅದಕ್ಕೆ ಸಮ್ಮತಿಸಿದ ವರುಣ್ ಮನೆಯವರ ಒಪ್ಪಿಗೆ ಪಡೆದು ಮದುವೆ ಆದರು. ಈಗ ಒಟ್ಟಿಗೆ ಬಿಗ್ ಬಾಸ್ ಗೆ ಬಂದು ಅಚ್ಚರಿ ನೀಡಿದ್ದಾರೆ.