ಮುತ್ತು ಕೊಡಲು ಬಂದ್ರೆ ತುಟಿ ಸೀಳುವೆ: ಗುಡುಗಿದ 'ಬಿಗ್ ಬಾಸ್' ಸ್ಪರ್ಧಿ.!

ಗುಟುರು ಹಾಕಿದ ಮಾಹಿರಾ ಶರ್ಮಾ

''ನಿನಗೆ ಮುತ್ತು ಕೊಡದೆ ಹೋದರೆ, ಮಂಚದಿಂದ ಏಳಲು ಸಾಧ್ಯವೇ ಇಲ್ಲ'' ಅಂತ ಪಾರಸ್ ಛಾಬ್ರಾ ಹೇಳುತ್ತಿದ್ದ ಹಾಗೆ ಮಾಹಿರಾ ಶರ್ಮಾ ಗರಂ ಆದರು. ಕೂಡಲೆ ಪಾರಸ್ ನ ಹಿಂದಕ್ಕೆ ತಳ್ಳಿ ''ಮುತ್ತು ಕೊಡಲು ಬಂದ್ರೆ ತುಟಿ ಸೀಳುತ್ತೇನೆ'' ಅಂತ ಹೇಳುತ್ತಾ ಮಾಹಿರಾ ಶರ್ಮಾ ಗುಟುರು ಹಾಕಿದರು.

ಗರ್ಲ್ ಫ್ರೆಂಡ್ ಇದ್ದರೂ ಪಾರಸ್ ನಡವಳಿಕೆ ಹೀಗೆ.!

ಪಾರಸ್ ಛಾಬ್ರಾಗೆ ಆಕಾಂಕ್ಷ ಪುರಿ ಎಂಬ ಗರ್ಲ್ ಫ್ರೆಂಡ್ ಇದ್ದಾರೆ. ಆದರೂ, 'ಬಿಗ್ ಬಾಸ್' ಮನೆಯೊಳಗೆ 'ಪ್ಲೇ ಬಾಯ್' ಇಮೇಜ್ ಕ್ರಿಯೇಟ್ ಮಾಡಿಕೊಂಡು ವಿವಾದದ ಕೇಂದ್ರಬಿಂದುವಾಗಿದ್ದಾರೆ ಪಾರಸ್.

ವಾರ್ನ್ ಮಾಡಿದ್ದ ಮಾಹಿರಾ ತಾಯಿ

ತಮ್ಮ ಮಗಳು ಮಾಹಿರಾ ಜೊತೆಗೆ ಪಾರಸ್ ಸಲುಗೆಯಿಂದ ನಡೆದುಕೊಳ್ಳುವ ರೀತಿ ತಾಯಿ ಸಾನಿಯಾ ಶರ್ಮಾಗೆ ಇಷ್ಟ ಆಗಿಲ್ಲ. ಹೀಗಾಗಿ, 'ಬಿಗ್ ಬಾಸ್' ಮನೆಯೊಳಗೆ ಸಾನಿಯಾ ಶರ್ಮಾ ಭೇಟಿ ಕೊಟ್ಟಾಗ, ಪಾರಸ್ ಛಾಬ್ರಾಗೆ ವಾರ್ನ್ ಮಾಡಿದ್ದರು.

ಮಾಹಿರಾ ತಾಯಿ ಹೇಳಿದ್ದೇನು.?

''ಪಾರಸ್.. ನಿನಗೆ ನಾನು ಹೊಡೆಯಬೇಕು. ನಿನ್ನ ಗರ್ಲ್ ಫ್ರೆಂಡ್ ಆಕಾಂಕ್ಷ ನಿನ್ನನ್ನು ಎಷ್ಟೊಂದು ಪ್ರೀತಿ ಮಾಡುತ್ತಾಳೆ. ಮಾಹಿರಾ ನಿನಗೆ ಸ್ನೇಹಿತೆ ಮಾತ್ರ. ಹೀಗಾಗಿ ಕಿಸ್ ಕೊಡಬೇಡ. ನನಗೆ ಅದು ಇಷ್ಟ ಆಗಲ್ಲ'' ಎಂದು 'ಬಿಗ್ ಬಾಸ್' ಮನೆಯೊಳಗೆ ಬಂದಿದ್ದಾಗ ಮಾಹಿರಾ ತಾಯಿ ಸಾನಿಯಾ ಶರ್ಮಾ, ಪಾರಸ್ ಛಾಬ್ರಾಗೆ ಬೆಂಡೆತ್ತಿದ್ದರು.

ಎಲ್ಲವೂ ಸ್ಟ್ರಾಟೆಜಿ

'ಬಿಗ್ ಬಾಸ್-13' ಮನೆಯಲ್ಲಂತೂ ಪ್ರತಿ ದಿನ ಸ್ಪರ್ಧಿಗಳ ಗೇಮ್ ಪ್ಲಾನ್ ಬದಲಾಗುತ್ತಿದೆ. ಯಾರು ಯಾವಾಗ ಯಾರಿಗೆ ಸ್ನೇಹಿತರಾಗುತ್ತಾರೋ, ದುಷ್ಮನ್ ಗಳಾಗಿ ಬದಲಾಗುತ್ತಾರೋ ಹೇಳುವುದೇ ಕಷ್ಟ.! ಪಾರಸ್ ಮೇಲೆ ಒಮ್ಮೊಮ್ಮೆ ಕೆಂಡಕಾರುವ ಮಾಹಿರಾ ಮರುಕ್ಷಣ ತೀರಾ ಕ್ಲೋಸ್ ಆಗಿರ್ತಾರೆ. ಒಟ್ನಲ್ಲಿ, 'ಬಿಗ್ ಬಾಸ್' ಶೋ ಗೆಲ್ಲೋಕೆ ಸ್ಪರ್ಧಿಗಳು ಒಂದಲ್ಲಾ ಒಂದು ಸ್ಟ್ರಾಟೆಜಿ ಮಾಡುತ್ತಲೇ ಇದ್ದಾರೆ.