ಕೋಟಿ ಕೊಟ್ಟರೂ 'ಬಿಗ್ ಬಾಸ್' ಮನೆಗೆ ಹೋಗಲ್ಲ ಎಂದ ನಟಿ ವಿಜಯಲಕ್ಷ್ಮಿ.!

ನನಗೆ ಇಷ್ಟ ಇಲ್ಲ.!

''ನಾನು ಮದ್ರಾಸ್ ನಲ್ಲಿ ಶೂಟಿಂಗ್ ಮಾಡುವಾಗಿನಿಂದಲೂ, 'ಬಿಗ್ ಬಾಸ್' ಮನೆಗೆ ವಿಜಯಲಕ್ಷ್ಮಿ ಹೋಗ್ತಾರೆ ಎಂಬ ಸುದ್ದಿ ಬರುತ್ತಲೇ ಇದೆ. ನಾನು ಯಾವುದೇ ವಿವಾದಗಳನ್ನು ಸೃಷ್ಟಿಸಿದ ನಟಿ ಅಲ್ಲ. ರಿಯಾಲಿಟಿ ಶೋಗೆ ಹೋಗಲು ನನಗೆ ಇಷ್ಟ ಇಲ್ಲ'' ಅಂತಾರೆ ನಟಿ ವಿಜಯಲಕ್ಷ್ಮಿ

ಕೋಟಿ ಕೊಟ್ಟರೂ ಹೋಗಲ್ಲ.!

''ಬಿಗ್ ಬಾಸ್' ಕಾರ್ಯಕ್ರಮವನ್ನ ನಾನು ನೋಡುವ ದೃಷ್ಟಿಯೇ ಬೇರೆ. ಅದರಲ್ಲಿ ಇರುವ ಟಾಸ್ಕ್, ನಾಮಿನೇಷನ್ ಗಳಲ್ಲಿ ಪಾಲ್ಗೊಳ್ಳುವುದು ನನಗೆ ಇಷ್ಟ ಇಲ್ಲ. ಐವತ್ತು ಲಕ್ಷ ಅಲ್ಲ, ಒಂದು ಕೋಟಿ ಕೊಡ್ತೀನಿ ಅಂದರೂ ನಾನು ಯಾವತ್ತೂ 'ಬಿಗ್ ಬಾಸ್'ಗೆ ಹೋಗಲ್ಲ'' ಎಂದಿದ್ದಾರೆ ನಟಿ ವಿಜಯಲಕ್ಷ್ಮಿ

ನಿರ್ಮಾಪಕರು ಹಿಂದೇಟು ಹಾಕುತ್ತಿದ್ದಾರೆ

''ಬಿಗ್ ಬಾಸ್' ಸ್ಪರ್ಧಿಗಳ ಪಟ್ಟಿಯಲ್ಲಿ ಪದೇ ಪದೇ ನನ್ನ ಹೆಸರು ಬರುತ್ತಿರುವ ಕಾರಣ, ನಿರ್ಮಾಪಕರು ನನಗೆ ಅವಕಾಶ ಕೊಡಲು ಹಿಂದೇಟು ಹಾಕುತ್ತಿದ್ದಾರೆ. ನನ್ನ ವೃತ್ತಿ ಜೀವನ ಇದರಿಂದ ಕ್ರಿಟಿಕಲ್ ಆಗುತ್ತೆ. ನನಗೀಗ ತುಂಬಾ ಒಳ್ಳೆಯ ಆಫರ್ಸ್ ಬರುತ್ತಿವೆ. ನನ್ನ ಕೆರಿಯರ್ ಈಗ ಚೆನ್ನಾಗಿ ಆಗುತ್ತಿದೆ. 'ಬಿಗ್ ಬಾಸ್'ನಿಂದಾಗಿ ನನ್ನ ವೃತ್ತಿ ಜೀವನ ಹಾಳಾಗುವುದು ಬೇಡ'' - ವಿಜಯಲಕ್ಷ್ಮಿ, ನಟಿ

ಒಳ್ಳೆ ದುಡ್ಡು ಸಿಗುತ್ತೆ, ನಿಜ

''ಹಾಗ್ನೋಡಿದ್ರೆ, 'ಬಿಗ್ ಬಾಸ್'ನಿಂದ ಒಳ್ಳೆ ದುಡ್ಡು ಸಿಗುತ್ತದೆ. ಆದ್ರೆ, ನಾನು ಆ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳುವುದಿಲ್ಲ. ಈ ಬಗ್ಗೆ ಕ್ಲಿಯರ್ ಆಗಿದ್ದೇನೆ'' - ವಿಜಯಲಕ್ಷ್ಮಿ, ನಟಿ