ಈ ಬಾರಿಯ 'ಬಿಗ್ ಬಾಸ್' ವಿನ್ನರ್ ನವೀನ್ ಸಜ್ಜು?

ನವೀನ್ ಸಜ್ಜು ವಿನ್ನರ್ ?

ಗಾಯಕ ನವೀನ್ ಸಜ್ಜು ಫೈನಲ್ ಗೆ ಆಯ್ಕೆ ಆಗಿರುವ ಟಾಪ್ 3 ಸ್ಪರ್ಧಿಗಳ ಪೈಕಿ ಒಬ್ಬರಾಗಿದ್ದಾರೆ. ಅಲ್ಲದೆ ನವೀನ್ ನೇರವಾಗಿ ಪೈನಲ್ ಟಿಕೆಟ್ ಪಡೆದುಕೊಂಡಿದ್ದರು. ಸದ್ಯ, ಮೂರು ಸ್ಪರ್ಧಿಗಳ ಪೈಕಿ ನವೀನ್ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ. ನವೀನ್ ಈ ಬಾರಿಯ ಬಿಗ್ ಬಾಸ್ ವಿನ್ನರ್ ಎನ್ನುವ ಟಾಕ್ ಹೆಚ್ಚಿದೆ.

ನವೀನ್ ಬಗ್ಗೆ ಟ್ರೋಲ್

ನವೀನ್ ಈ ಬಾರಿಯ ಬಿಗ್ ಬಾಸ್ ಗೆಲ್ಲಬೇಕು. ಕಾರಣ ಅವರಿಗೆ ಬಿಗ್ ಬಾಸ್ ಗೆಲ್ಲುವ ಎಲ್ಲ ಅರ್ಹತೆಗಳಿವೆ ಎನ್ನುವುದು ಅನೇಕರ ಅಭಿಪ್ರಾಯವಾಗಿದೆ. ನವೀನ್ ಬಗ್ಗೆ ಪಾಸಿಟಿವ್ ಟ್ರೋಲ್ ಗಳು ಕೂಡ ಜಾಸ್ತಿಯಾಗಿವೆ. ಅವರೇ ಈ ಬಾರಿಯ ಬಿಗ್ ಬಾಸ್ ಎಂಬ ಪೋಸ್ಟರ್ ಗಳು ಹರಿದಾಡುತ್ತಿವೆ. ಫೇಸ್ ಬುಕ್ ನಲ್ಲಿ ಅವರೇ ಗೆಲ್ಲಬೇಕು ಎನ್ನುವುದು ಅನೇಕರ ಆಸೆ.

ಜನರ ಆಸೆಯೇ ತೀರ್ಪಾಗುತ್ತದೆಯೇ

ಸಾಕಷ್ಟು ಜನರ ಆಸೆ ನವೀನ್ ಸಜ್ಜು ಬಿಗ್ ಬಾಸ್ ಗೆಲ್ಲಬೇಕು ಎನ್ನುವುದಾಗಿದೆ. ಮೂರೂ ಸ್ಪರ್ಧಿಗಳಿಗೂ ಫಾಲೋಹರ್ಸ್ ಇದ್ದರೆ, ಆದರೆ ನವೀನ್ ಗೆ ಬರುತ್ತಿರುವ ಬೆಂಬಲ ದೊಡ್ಡದಿದೆ. ಈ ಕಾರಣ ಜನರ ಆಸೆಯನ್ನು ಪರೀಗಣಿಸಿ ಬಿಗ್ ಬಾಸ್ ತಮ್ಮ ತೀರ್ಪು ನೀಡುತ್ತದೆಯೇ ಎನ್ನುವ ಕುತೂಹಲವಿದೆ.

ಚಂದನ್, ಪ್ರಥಮ್ ವಿಚಾರದಲ್ಲಿ ಹೀಗೆ ಆಗಿತ್ತು

ಕಳೆದ ಬಿಗ್ ಬಾಸ್ ಸೀಸನ್ ಗಳನ್ನು ಗಮನಿಸಿದಾಗ ಅಲ್ಲಿ ಚಂದನ್ ಶೆಟ್ಟಿ, ಹಾಗೂ ಪ್ರಥಮ್ ಗೆ ಇದೇ ರೀತಿಯ ಬೆಂಬಲ ಸಿಕ್ಕಿತ್ತು. ವೀಕ್ಷಕರ ಆಯ್ಕೆಯೇ ಬಿಗ್ ಬಾಸ್ ಆಯ್ಕೆಯಾಗಿ ಕೊನೆಗೆ ಈ ಇಬ್ಬರೂ ಬಿಗ್ ಬಾಸ್ ಗೆದ್ದರು. ಈಗ ನವೀನ್ ವಿಷಯದಲ್ಲಿಯೂ ಈ ರೀತಿ ಆಗಬಹುದು... ಆಗದೆಯೂ ಇರಬಹುದು.

ಚಿತ್ರರಂಗದವರ ಸಾಥ್

ನವೀನ್ ಸಜ್ಜು ಚಿತ್ರರಂಗದಲ್ಲಿ ಇರುವ ಕಾರಣ ಚಿತ್ರರಂಗದ ಅನೇಕ ಸಾಥ್ ಕೂಡ ಸಿಕ್ಕಿದೆ. ನಟ ಸತೀಶ್ ನೀನಾಸಂ, ವಿಕ್ಕಿ ವರುಣ್, ಪ್ರದೀಪ್, ಡಾರ್ಲಿಂಗ್ ಕೃಷ್ಣ, ಶಿವರಾಜ್ ಕೆ ಆರ್ ಪೇಟೆ, ಸಂಭಾಷಣೆಕಾರ ಮಂಜು ಮಾಸ್ತಿ, ಸಂಗೀತ ನಿರ್ದೇಶಕ ಪೂರ್ಣಚಂದ್ರ ತೇಜಸ್ವಿ ಹೀಗೆ ಅನೇಕರು ನವೀನ್ ಗೆ ವಿಶ್ ಮಾಡಿದ್ದಾರೆ.