Don't Miss!
- News Weather Report: ಭೀಕರ ಬಿಸಿಲಿನ ನಡುವೆಯೂ ಏಪ್ರಿಲ್ 3ರವರೆಗೂ ಭಾರೀ ಮಳೆ ಮುನ್ಸೂಚನೆ, ಎಲ್ಲೆಲ್ಲಿ?
- Finance ಬೆಂಗಳೂರು-ತುಮಕೂರು ನಮ್ಮ ಮೆಟ್ರೋ ಯೋಜನೆ: ಬರಲಿವೆ 19 ಎತ್ತರದ ನಿಲ್ದಾಣಗಳು
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Automobiles Tata Nexon: ಟಾಟಾ ನೆಕ್ಸಾನ್ ಹೊಸ ರೂಪಾಂತರಗಳು ಬಿಡುಗಡೆ, ರೂ.10 ಲಕ್ಷ ಬೆಲೆ.. ಆಕರ್ಷಕ ವೈಶಿಷ್ಟ್ಯಗಳು
- Sports Riyan Parag: 'ಗಾಯದಿಂದ ಮೂರು ದಿನ ಒದ್ದಾಡಿ ಹೋಗಿದ್ದೆ': ರಿಯಾನ್ ಪರಾಗ್
- Lifestyle ಗುಡ್ಫ್ರೈಡೆ ಆಚರಣೆ ಹುಟ್ಟಿದ್ದು ಹೇಗೆ? ಇದರ ಮಹತ್ವವೇನು ಗೊತ್ತಾ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೆ ಮದುವೆಯಾದ ಇಸ್ಮಾರ್ಟ್ ಜೋಡಿ ದಂಪತಿಗಳು
ಇಸ್ಮಾರ್ಟ್ ಜೋಡಿ ರಿಯಾಲಿಟಿ ಶೋ ನಲ್ಲಿ ಒಂದೊಂದು ವಾರ ಒಂದೊಂದು ವಿಶೇಷತೆಯನ್ನು ಹೊತ್ತು ತರುತ್ತದೆ. ಈ ವಾರ ದಂಪತಿಗಳ ಮದುವೆ ಮಾಡಿಸುವುದೇ ವಿಶೇಷ ಸಂಚಿಕೆ. ಈ ಸಂಚಿಕೆಗಾಗಿ ಎಲ್ಲರೂ ತಮ್ಮ ಮದುವೆಯ ದಿನದ ಉಡುಗೆಯನ್ನು ತೊಟ್ಟು ಬಂದಿದ್ದರು.
ದಂಪತಿಗಳು ಮದುವೆಯ ಉಡುಗೆಯಲ್ಲಿ ಮುದ್ದು ಮುದ್ದಾಗಿ ಕಾಣುತ್ತಿದ್ದರು. ನಿನ್ನೆಯ ಸಂಚಿಕೆಯನ್ನು ಅದ್ಧೂರಿಯಾಗಿ ಪ್ರಾರಂಭಿಸಲಾಯ್ತು. ಗೋಲ್ಡನ್ ಸ್ಟಾರ್ ಗಣೇಶ್ ಅವರು ಜಸ್ಟ್ ಮ್ಯಾರೀಡ್ ಜೀಪಿನಲ್ಲಿ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟರು.
ಎಲ್ಲಾ ಜೋಡಿಗಳು ಕೂಡ ವೇದಿಕೆ ಮೇಲೆ ಬಂದು ತಮ್ಮ ಮದುವೆಯ ಕಥೆಯನ್ನು ಹೇಳಿಕೊಂಡು ಎಮೋಷನಲ್ ಆದರು. ಇದರಲ್ಲಿ ಸಿಂಪಲ್ ಆಗಿ ಮದುವೆಯಾದವರೂ ಇದ್ದರು. ಎರಡೆರಡು ಸಲ ಮದುವೆಯಾದ ಜೋಡಿಗಳ ಕಥೆಯೂ ಚೆನ್ನಾಗಿತು.
ಆರ್ ಜೆ ಜೋಡಿಗಳ ಲವ್ ಸ್ಟೋರಿ ಸೂಪರ್!
ಆರ್ ಜೆ ಜೋಡಿಗಳಾದ ಪುನೀತಾ ಆಚಾರ್ಯ ಹಾಗೂ ಶ್ರೀರಾಮ್ ಸುಳ್ಯ ಮದುವೆಯ ಉಡುಗೆಯಲ್ಲಿ ಮುದ್ದಾಗಿ ಕಾಣುತ್ತಿದ್ದರು. ಇಬ್ಬರು ಕಾಲೇಜ್ ದಿನಗಳಲ್ಲೇ ಪ್ರೀತಿಸಿ, ಆರ್ ಜೆ ಆಗಿ ಬೇರೆ ಬೇರೆ ಕಡೆ ಕೆಲಸ ಮಾಡುತ್ತಿದ್ದರು. ಆದರೆ, ಇಬ್ಬರ ನಡುವೆ ಬ್ರೇಕಪ್ ಆಗಿ ಮತ್ತೆ ಒಂದಾದ ಕಥೆಯನ್ನು ಹೇಳಿ ಖುಷಿ ಪಟ್ಟರು. ಬಳಿಕ ಇವರ ಮಗಳ ಎದುರಿಗೆ ಮತ್ತೆ ಹಾರ ಬದಲಾಯಿಸಿಕೊಂಡರು. ಈ ವೇಳೆ, ಶ್ರೀರಾಮ್, ಪುನೀತಾ ಅವರಿಗೆ ಚಿನ್ನದ ನೆಕ್ಲೇಸ್ ಅನ್ನು ಗಿಫ್ಟ್ ಮಾಡಿದರು.
ಲೂಯಿಸ್ ಜೋಡಿಯ ಮದುವೆ ಡಿಫರೆಂಟ್
ರಿಚರ್ಡ್ ಲೂಯಿಸ್ ಹಾಗೂ ಪತ್ನಿ ಹ್ಯಾರಿಯೇಟ್ ಲೂಯಿಸ್ ಇಬ್ಬರೂ ವೇದಿಕೆ ಮೇಲೆ ಬಂದರು. ಇಬ್ಬರೂ ತಮ್ಮ ಮದುವೆಯ ಬಗ್ಗೆ ಮಾತನಾಡಿದರು. ರಿಚರ್ಡ್ ಅವರು ತಮಾಷೆಯಾಗಿ ಮಾತನಾಡಿ, ಗಂಡು ನೋಡಲು ಬಂದ ಸಂದರ್ಭವನ್ನು ನೆನಪು ಮಾಡಿಕೊಂಡರು. ಇದನ್ನು ರೀ- ಕ್ರಿಯೇಟ್ ಮಾಡಲಾಯ್ತು. ಆಗ ರಿಚರ್ಡ್ ಜೋಕೆ ನಾನು ಬಳ್ಳಿಯ ಮಿಂಚು ಹಾಡನ್ನು ಹಾಡಿ, ಬಳುಕುವ ಬಳ್ಳಿಯಂತೆ ಕುಣಿದು, ಎಲ್ಲರನ್ನು ರಂಜಿಸಿದರು. ಈ ಸ್ಕಿಟ್ ತುಂಬಾ ತಮಾಷೆಯಾಗಿತ್ತು.
ಸ್ವಪ್ನಾ ದೀಕ್ಷಿತ್ ಮದುವೆಗೆ ಒಪ್ಪಿಗೆ ಸಿಗಲಿಲ್ಲ!
ಸ್ವಪ್ನಾ ದೀಕ್ಷಿತ್ ಹಾಗೂ ಪತಿ ಅಶ್ವಿನ್ ದೀಕ್ಷಿತ್ ಇಬ್ಬರು ಪ್ರೀತಿಸಿ ಮದುವೆಯಾಗಲು ಸ್ವಪ್ನ ಅವರ ತಂದೆ ಒಪ್ಪದಿದ್ದಾಗ ರಿಜಿಸ್ಟರ್ ಮ್ಯಾರೇಜ್ ಆಗಿದ್ದರು. ಬಳಿಕ ಅಶ್ವಿನ್ ಅವರ ಮನೆಯಲ್ಲಿ ಹೇಳಿ, ಒಪ್ಪಿಸಿ ಇಬ್ಬರೂ ಎಲ್ಲರ ಸಮ್ಮುಖದಲ್ಲಿ ಮದುವೆಯಾದರು. ಆದರೆ, ಸ್ವಪ್ನ ಅವರ ತಂದೆ ಇವರಿಬ್ಬರ ಮದುವೆಯನ್ನು ನೋಡಿರಲಿಲ್ಲ. ಇದು ಸ್ವಪ್ನ ಅವರ ಮನದಲ್ಲಿ ಇಂದಿಗೂ ಉಳಿದುಕೊಂಡಿರುವ ದುಃಖ. ಇನ್ನು ಸ್ವಪ್ನ ಹಾಗೂ ಅವರ ತಾಯಿ ಕಳೆದ ಮೂರು ವರ್ಷದಿಂದ ಮಾತನಾಡುತ್ತಿರಲಿಲ್ಲವಂತೆ. ಹೀಗಾಗಿ ಇವರ ತಾಯಿ ಹಾಗೂ ಕೆಲ ಸಂಬಂಧಿಕರನ್ನು ಕರೆಸಲಾಗಿತ್ತು. ಸಪ್ತಪದಿ ತುಳಿಸಿ ಇವರ ಮದುವೆಯನ್ನು ವೇದಿಕೆ ಮೇಲೆ ಮಾಡಲಾಯಿತು.
ಸಿಂಪಲ್ ಮದುವೆಯಾದ ಜೋಡಿಗಳು!
ಸುಮನ್ ನಗರ್ಕರ್ ಹಾಗೂ ಗುರುದೇವ್ ನಾಗರಾಜ್ ಇಬ್ಬರೂ ಇಷ್ಟಪಟ್ಟು ಮದುವೆಯಾದವರು. ಸುಮನ್ ಅವರ ಆಸೆಯಂತೆ ಸಿಂಪಲ್ ಆಗಿ ರಿಜಿಸ್ಟರ್ ಮದುವೆಯಾದರು. ಬಳಿಕ ಸಿಂಗಾಪುರ್ಗೆ ಹೋಗಿ ಬಂದಿದ್ದರು. ಇಂದಿಗೂ ಈ ಜೋಡಿ ಸಿಂಪಲ್ ಆಗಿ ಜೀವನ ನಡೆಸುತ್ತಿದ್ದಾರೆ. ಇನ್ನು ನಟ ವಿನಯ್ ಗೌಡ ಹಾಗೂ ಅಕ್ಷತಾ ಕೂಡ ಪ್ರೀತಿಸಿ ಮದುವೆಯಾದರು. ಹೀಗಾಗಿ ಇವರಿಬ್ಬರು ಶಾಸ್ತ್ರೋಕ್ತವಾಗಿ ಮದುವೆಯಾಗಿಲ್ಲ. ಇದರಿಂದ ರಿಯಾಲಿಟಿ ಶೋ ನಲ್ಲಿ ಇವರ ಮದುವೆ ಮಾಡಲು ಪುರೋಹಿತರನ್ನು ಕರೆಸಲಾಗಿದೆ.