ರಶ್ಮಿಕಾ ಮಂದಣ್ಣ ಸಹೋದರಿಯಂತೆ ಕಾಣುವ ನಟಿ ಪ್ರತ್ಯಕ್ಷ.! ಯಾರಿದು?

'ಇಷ್ಟದೇವತೆ' ರೂಪದಲ್ಲಿ ಬಂದ ಹೊಸ ನಟಿ.!

ಕಲರ್ಸ್ ಕನ್ನಡದಲ್ಲಿ ಇಷ್ಟದೇವತೆ ಎಂಬ ಹೊಸ ಧಾರಾವಾಹಿ ಮೂಡಿಬರುತ್ತಿದೆ. ಈ ಧಾರಾವಾಹಿಯಲ್ಲಿ ಈ ನಟಿ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ವೈದೇವಿ ಎಂಬ ಪಾತ್ರ ನಿರ್ವಹಿಸುತ್ತಿರುವ ಈ ನಟಿಯ ಬಗ್ಗೆ ಸದ್ಯಕ್ಕೆ ಯಾವ ಮಾಹಿತಿಯೂ ಇಲ್ಲ. ಆದ್ರೆ, ಪ್ರೋಮೋದಲ್ಲಿ ಮಾತ್ರ ಮೋಡಿ ಮಾಡಿದ್ದಾರೆ.

ರಶ್ಮಿಕಾಗೂ ಈಕೆಗೂ ಯಾವುದೇ ಸಂಬಂಧವಿಲ್ಲ

ರಶ್ಮಿಕಾ ಮಂದಣ್ಣ ಅವರಂತೆ ಕಾಣಿಸುತ್ತಿದ್ದಾರೆ ಎಂಬ ಭಾವನೆ ಬರುವುದು ಸಹಜ. ಆದ್ರೆ, ರಶ್ಮಿಕಾಗೂ ಮತ್ತು ಇಷ್ಟದೇವತೆ ನಟಿಗೂ ಯಾವುದೇ ಸಂಬಂಧವಿಲ್ಲ. ಅತಿ ಶೀಘ್ರದಲ್ಲಿ ಪ್ರಸಾರವಾಗಲಿರುವ ಈ ಧಾರಾವಾಹಿಯಲ್ಲಿ ಹಿರಿಯ ನಟಿ ಭವ್ಯ ಕೂಡ ನಟಿಸಿದ್ದಾರೆ.

ಪುಟ್ಟಗೌರಿ ರಂಜನಿ ಕೊಟ್ಟ ಸರ್ಪ್ರೈಸ್

ಅಂದ್ಹಾಗೆ, ಇಷ್ಟದೇವತೆ ಧಾರಾವಾಹಿಯನ್ನ ನಿರ್ದೇಶನ ಮಾಡುತ್ತಿರುವುದು ಪುಟ್ಟಗೌರಿ ಖ್ಯಾತಿಯ ರಂಜನಿ ರಾಘವನ್. ಪುಟ್ಟಗೌರಿ ಸೀರಿಯಲ್ ನಿಂದ ಹೊರಬಂದ ಬಳಿಕ, ತಾವೇ ನಿರ್ದೇಶನಕ್ಕೆ ಧುಮುಕಿದ್ದಾರೆ. ನಿರ್ದೇಶನದ ಜೊತೆಗೆ ಬರಹಗಾರ್ತಿಯಾಗಿಯೂ ಕೆಲಸ ಮಾಡಿದ್ದಾರಂತೆ.

ಅಧಿಕೃತ ಪ್ರಕಟ ಆಗಬೇಕು

ಇಷ್ಟದೇವತೆ ಧಾರಾವಾಹಿಯ ಚಿತ್ರೀಕರಣ ಡನೆಯುತ್ತಿದ್ದು, ಸದ್ಯ ಪ್ರೋಮೋ ಮಾತ್ರ ರಿಲೀಸ್ ಆಗಿದೆ. ಮತ್ತೊಂದೆಡೆ ರಂಜನಿ ರಾಘವನ್ ನಿರ್ದೇಶನ ಮಾಡುತ್ತಿದ್ದಾರೆ ಎಂಬುದು ಕೂಡ ಗೌಪ್ಯವಾಗಿದೆ. ಇನ್ನು ವೈದೇವಿ ಪಾತ್ರದಲ್ಲಿ ನಟಿಸಿರುವ ಆ ನಟಿಯ ಬಗ್ಗೆಯೂ ಅಷ್ಟಾಗಿ ಮಾಹಿತಿ ಹೊರಬಿದ್ದಿಲ್ಲ. ಅಧಿಕೃತವಾಗಿ ಈ ಎಲ್ಲ ಪ್ರಶ್ನೆಗಳಿಗೂ ಉತ್ತರ ಸಿಗಲಿದೆ.