ಕೋಟ್ಯಧಿಪತಿ ಹಾಟ್ ಸೀಟ್ನಲ್ಲಿ ಎರಡನೇ ಸಲ ಕೂತಿದ್ದ ಜಗ್ಗೇಶ್ ಗಳಿಸಿದ್ದೆಷ್ಟು?

ಮೊದಲ ಸಲ ಜಗ್ಗೇಶ್ ಗಳಿಸಿದ ಹಣವೆಷ್ಟು?

2013ರ ಕನ್ನಡದ ಕೋಟ್ಯಧಿಪತಿ ಎರಡನೇ ಆವೃತ್ತಿಯಲ್ಲಿ ಜಗ್ಗೇಶ್ ಭಾಗಿಯಾಗಿದ್ದರು. ಆಗ 3.20 ಲಕ್ಷ ಹಣ ಗೆದ್ದಿದ್ದರು. ಶೈಕ್ಷಣಿಕ ಸಂಸ್ಥೆಯೊಂದರ ನೆರವಿಗಾಗಿ ಆಟ ಆಡಿದ್ದ ನವರಸ ನಾಯಕ ಒಂದೊಳ್ಳೆ ಮೊತ್ತವನ್ನ ನೀಡಿದ್ದರು. ಎರಡನೇ ಆವೃತ್ತಿಯನ್ನ ಪುನೀತ್ ರಾಜ್ ಕುಮಾರ್ ನಿರೂಪಣೆ ಮಾಡಿದ್ದರು.

ಈ ಸಲ ಜಗ್ಗೇಶ್ ಗೆದ್ದಿದ್ದೆಷ್ಟು?

ಕಳೆದ ಬಾರಿಗೆ ಹೋಲಿಸಿಕೊಂಡರೆ ಈ ಸಲ ಜಗ್ಗೇಶ್ ಗೆದ್ದಿದ್ದು ದೊಡ್ಡ ಮೊತ್ತ. ಈ ಬಾರಿ ಜಗ್ಗೇಶ್ ಅವರು 6.40 ಲಕ್ಷ ಹಣವನ್ನ ಕೋಟ್ಯಧಿಪತಿಯಲ್ಲಿ ಗೆದ್ದರು. ಜಗ್ಗೇಶ್ ಅವರು ಆಟ ಆಡಿದ್ದು 'ನೀರು ಇಂಗುಗುಂಡಿ ಯೋಜನೆ'ಗಾಗಿ. ಸಮಾಜದ ಒಳ್ಳೆಯ ಕೆಲಸಕ್ಕಾಗಿ ಜಗ್ಗೇಶ್ ಆಡಿದ್ದು ವಿಶೇಷವಾಗಿತ್ತು.

ಕ್ವಿಟ್ ಮಾಡಿಲ್ಲ, ತಪ್ಪು ಉತ್ತರ ಕೊಟ್ಟಿಲ್ಲ

ಹನ್ನೊಂದು ಪ್ರಶ್ನೆಗೆ ಉತ್ತರ ಕೊಟ್ಟು ಆಟ ಆಡುತ್ತಿದ್ದ ಜಗ್ಗೇಶ್ ಅವರ ವಿಶೇಷ ಸಂಚಿಕೆ ಅರ್ಧದಲ್ಲೇ ಮುಗಿಸಬೇಕಾಯಿತು. ಉತ್ತರ ಗೊತ್ತಿಲ್ಲ ಅಂತ ಕ್ವಿಟ್ ಮಾಡಿಲ್ಲ, ತಪ್ಪು ಉತ್ತರನೂ ಕೊಟ್ಟಿಲ್ಲ. ಸಮಯ ಮುಗಿದ ಕಾರಣ ಆಟವನ್ನ ಮೊಟಕುಗೊಳಿಸಲಾಯಿತು.

ಜಗ್ಗೇಶ್ ಅಪರೂಪದ ದಾಖಲೆ

ಕನ್ನಡದ ಕೋಟ್ಯಧಿಪತಿ ಆಟದ ಇತಿಹಾಸದಲ್ಲಿ ಒಬ್ಬ ಸ್ಪರ್ಧಿ ಎರಡು ಸಲ ಹಾಟ್ ಸೀಟ್ ನಲ್ಲಿ ಕೂತಿದ್ದು ಇದೇ ಮೊದಲು. ಮೊದಲ ಸಲ 3.20 ಲಕ್ಷ ಈ ಸಲ 6.40 ಲಕ್ಷ. ಒಟ್ಟು 9.60 ಲಕ್ಷ ಗಳಿಸಿಕೊಂಡಿದ್ದಾರೆ.