ಮೊದಲ ಸಲ ಕ್ಯಾಮರಾ ಮುಂದೆ ಬಂದ ಜೈಜಗದೀಶ್ ಮೊದಲ ಪತ್ನಿಯ ಮಗಳು!

ಬಿಗ್ ಬಾಸ್ ವೇದಿಕೆ ಬಂದಿದ್ದ ಮಗಳು

ಜೈಜಗದೀಶ್ ಅವರ ಮೊದಲ ಪತ್ನಿಯ ಮಗಳು, ಹಿರಿಯ ಮಗಳು ಅರ್ಪಿತಾ ಬಿಗ್ ಬಾಸ್ ವೇದಿಕೆಗೆ ಬಂದಿದ್ದರು. ಕಳೆದ ಭಾನುವಾರ ಜೈಜಗದೀಶ್ ಎಲಿಮಿನೇಟ್ ಆದರು. ಈ ಸಂದರ್ಭದಲ್ಲಿ ತಮ್ಮ ತಂದೆಯನ್ನ ಸ್ವಾಗತಿಸಲು ಅರ್ಪಿತಾ ಅವರು ಶೋಗೆ ಬಂದಿದ್ದು ಎಲ್ಲರಿಗೂ ಅಚ್ಚರಿ ಉಂಟು ಮಾಡಿತ್ತು.

ಜನರ ಮುಂದೆ ಕ್ಷಮೆ ಕೇಳಿದ್ದು ಸಮಾಧಾನ ಆಯ್ತು

''ಬಿಗ್ ಬಾಸ್ ಮನೆಯಲ್ಲಿ ಕೆಲವರಿಗೆ ಕ್ಷಮೆ ಕೇಳುವ ಅವಕಾಶ ಸಿಕ್ತು. ತುಂಬಾ ವರ್ಷ ಆಗಿತ್ತು. ಕ್ಷಮೆ ಕೇಳಿರಲಿಲ್ಲ. ಜನರ ಮುಂದೆ ನಾನು ಕ್ಷಮೆ ಕೇಳಿದ್ದು ನನಗೆ ನಿರಾಳ ತಂದಿದೆ. ನಾನು ತಪ್ಪು ಮಾಡಿದ್ದೀನಿ, ತಪ್ಪು ಮಾಡಿದ್ದೀನಿ, ತಪ್ಪು ಮಾಡಿದ್ದೀನಿ..ನಮ್ಮಿಬ್ಬರ ಜರ್ನಿ ಬಹಳ ಇದೆ'' ಎಂದು ಜೈಜಗದೀಶ್ ಮಗಳ ಮುಂದೆ ಹೇಳಿಕೊಂಡರು.

ನೀವು ಕ್ಷಮೆ ಕೇಳುವುದು ಬೇಡ

''ಐ ಲವ್ ಯೂ ಪಾ....ನೀವು ಕ್ಷಮೆ ಕೇಳುವುದು ಬೇಡ. ನಿಮ್ಮ ಜೊತೆ ಇರೋದು ನನಗೆ ತೃಪ್ತಿ ತಂದಿದೆ'' ಎಂದು ಅರ್ಪಿತಾ ಭಾವುಕರಾದರು.

ಬಹಳ ಸಂತೋಷ ಆಯ್ತು

ಬಹಳ ವರ್ಷದಿಂದ ಮನಸ್ಸಿನಲ್ಲಿ ಹಿಡಿದಿಟ್ಟುಕೊಂಡಿದ್ದ ಅವರ ನೋವನ್ನ ಹೊರಹಾಕಿದ್ದು, ಬಹಳ ಸಂತೋಷ ಆಯ್ತು. ಅದಕ್ಕೆ ತಕ್ಕಂತೆ ಅರ್ಪಿತಾ ಕೂಡ ಸ್ವೀಕರಿಸಿದಳು. ಈಗ ಅವರ ಮನಸ್ಸಿನಲ್ಲಿ ಯಾವ ಕಲ್ಮಶವಿಲ್ಲ'' ಎಂದು ವಿಜಯಲಕ್ಷ್ಮಿ ಸಿಂಗ್ ಹೇಳಿದರು.

ಪ್ರೀತಿಸಿ ಮದುವೆಯಾಗಿದ್ದರು

ಜೈಜಗದೀಶ್ ಮತ್ತು ರೂಪಾ ಅವರು ಪ್ರೀತಿ ಮದುವೆಯಾದರು. ಮನೆಯವರು ಒಪ್ಪದ ಕಾರಣ ಡಾ ವಿಷ್ಣುವರ್ಧನ್ ಅವರ ನೆರವಿನಿಂದ ದೇವಸ್ಥಾನದಲ್ಲಿ ವಿವಾಹವಾಗಿದ್ದರು. ಆರು ವರ್ಷದ ನಂತರ ಅರ್ಪಿತಾ ಹುಟ್ಟಿದ್ದರು. ಆದರೆ, ಕಾರಣಾಂತರಗಳಿಂದ ಡಿವೋರ್ಸ್ ಪಡೆದುಕೊಂಡು ದೂರವಾದರು.