'ನಾಗಿಣಿ' ಜೊತೆಗೆ ಬುಸುಗುಡಲಿದ್ದಾರೆ ಸೂಪರ್ ಸ್ಟಾರ್ ಜೆಕೆ.!

'ನಾಗರಾಜ'ನಾದ ಜೆಕೆ

ಕನ್ನಡ ಕಿರುತೆರೆಗೆ ಜಯರಾಂ ಕಾರ್ತಿಕ್ ಮರಳಿದ್ದಾರೆ. 'ಅಶ್ವಿನಿ ನಕ್ಷತ್ರ' ಧಾರಾವಾಹಿಯಲ್ಲಿ ಸೂಪರ್ ಸ್ಟಾರ್ ಜೆಕೆ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಜಯರಾಂ ಕಾರ್ತಿಕ್ ಕಿರುತೆರೆ ವೀಕ್ಷಕರ ಹಾಟ್ ಫೇವರಿಟ್ ಆಗಿದ್ದರು. 'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ಅತಿಥಿ ಪಾತ್ರ ನಿರ್ವಹಿಸಿದ್ದ 'ಜೆ.ಕೆ' ಇದೀಗ ಲಾಂಗ್ ಗ್ಯಾಪ್ ಬಳಿಕ ಕನ್ನಡ ಸೀರಿಯಲ್ ಗಾಗಿ ಬಣ್ಣ ಹಚ್ಚಿದ್ದಾರೆ.

'ಬಿಗ್ ಬಾಸ್' ಸ್ಪರ್ಧಿ ಜೆಕೆ

'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದಲ್ಲಿ ಸ್ಪರ್ಧಿಯಾಗಿ ವೀಕ್ಷಕರ ಗಮನ ಸೆಳೆದಿದ್ದ ಜಯರಾಂ ಕಾರ್ತಿಕ್ ಫಿನಾಲೆವರೆಗೂ ತಲುಪಿದ್ದರು. ಈ ನಡುವೆ ಹಿಂದಿಯ 'ಸಿಯಾ ಕೆ ರಾಮ್' ಧಾರಾವಾಹಿಯಲ್ಲಿ ರಾವಣನಾಗಿ ಅಬ್ಬರಿಸಿದ್ದರು. ಈಗ ಮತ್ತೆ ಕನ್ನಡ ಕಿರುತೆರೆ ಲೋಕದ ಕಡೆ ಮುಖ ಮಾಡಿರುವ ಜೆಕೆ ನಾಗಲೋಕದ ಸೇಡಿನ ಕಥೆಯ ಭಾಗವಾಗಿದ್ದಾರೆ.

ಕಥೆ ಇಷ್ಟವಾಗಿದೆ

'ಆ ಕರಾಳ ರಾತ್ರಿ', 'ಮೇ ಫಸ್ಟ್', 'ಪುಟ 109' ಚಿತ್ರಗಳಲ್ಲಿ ಮುಖ್ಯ ಪಾತ್ರದಲ್ಲಿ ಮಿಂಚಿದ್ದ ಜಯರಾಂ ಕಾರ್ತಿಕ್ ಗೆ 'ನಾಗಿಣಿ-2' ಧಾರಾವಾಹಿಯ ಕಥೆ ಮತ್ತು ಪಾತ್ರ ಇಷ್ಟವಾದ ಕಾರಣ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

ಇಂಪ್ರೆಸ್ ಮಾಡುತ್ತಿರುವ ಪ್ರೋಮೋಗಳು

'ನಾಗಿಣಿ-2' ಪ್ರೋಮೋಗಳು ಈಗಾಗಲೇ ಬಿಡುಗಡೆ ಆಗಿದ್ದು, ಕಿರುತೆರೆ ವೀಕ್ಷಕರನ್ನು ಇಂಪ್ರೆಸ್ ಮಾಡುತ್ತಿದೆ. 'ನಾಗಿಣಿ-2' ಪ್ರಸಾರ ದಿನಾಂಕ ಇನ್ನೂ ನಿಗದಿ ಆಗಿಲ್ಲ.