ಅನುಗೆ ಆಸ್ತಿ ದಕ್ಕಲು ಬಿಡ್ತಾನಾ ಆರ್ಯವರ್ಧನ್?

ಆತಂಕದಲ್ಲಿ ಅನು ಪೋಷಕರು!

ಇತ್ತ ಸುಬ್ಬು ಮತ್ತು ಪುಷ್ಪ ಅನು ಬಗ್ಗೆ ಯೋಚಿಸುತ್ತಿದ್ದಾರೆ. ಸುಬ್ಬು ಮಗಳ ತಮ್ಮ ತಪ್ಪನ್ನು ಮುಚ್ಚಿಟ್ಟುಕೊಳ್ಳಲು ಮಗಳಿಗೆ ಪುನರ್ಜನ್ಮದ ಕಥೆ ಹೇಳಿದ್ದಾರೆ. ಇದನ್ನೇ ನಂಬಿಕೊಂಡಿರುವ ಅನು ಅವರು ಹೇಳಿದಂತೆ ನಡೆದುಕೊಳ್ಳುತ್ತಿದ್ದಾಳೆ. ಆ ಮನೆಯಲ್ಲಿ ಅವಳಿಗೆ ಏನು ಕಷ್ಟವಾಗುತ್ತಿದೆಯೋ ಏನೋ. ಮದುವೆಯಾದ ಮೇಲೆ ಅವಳ ಕಷ್ಟದ ಬಗ್ಗೆ ನಾವು ಒಂದು ದಿನವೂ ವಿಚಾರಿಸಿಕೊಂಡಿಲ್ಲ. ಪಾಪ ಅನು, ಹೇಗಾದರೂ ಮಾಡಿ ಅನುಳನ್ನು ಮನೆಗೆ ಕರೆದುಕೊಂಡು ಬರೋಣ. ಬಂದು ಅಲ್ಲಿ ಅವಳು ಸುಖವಾಗಿದ್ದಾಳಾ ಇಲ್ಲವಾ ಎಂದು ಕೇಳೋಣ. ಅಲ್ಲೇ ಕೇಳಿದರೆ, ಭಯಕ್ಕೆ ಹೌದು ಎನ್ನುತ್ತಾಳೆ.

ಶಾರದಾದೇವಿಯಿಂದ ಕಂಗಲಾದ ಅನು!

ಆರ್ಯನ ವಿಚಾರ ತಿಳಿದು ಶಾರದಾದೇವಿ ಶಾಕ್ ಆಗಿದ್ದಾಳೆ. ಹೀಗಿದ್ದರೂ, ಅಷ್ಟಮಿ ಪೂಜೆಗೆ ಶಾರದಾ ರೆಡಿಯಾಗಿದ್ದಾಳೆ. ಆದರೆ, ಅನು ಎಷ್ಟು ಮಾತನಾಡಿಸಿದರೂ ಹೆಚ್ಚೇನು ಮಾತನಾಡದ ಶಾರದಾ, ಆರ್ಯನ ಬಳಿ ನಾರ್ಮಲ್ ಆಗಿಯೇ ರಿಯಾಕ್ಟ್ ಮಾಡುತ್ತಾಳೆ. ಶಾರದಾ ಅವರ ಈ ನಡವಳಿಕೆಯನ್ನು ನೋಡಿ ಮಾನ್ಸಿ, ಹರ್ಷ ಹಾಗೂ ಅನು ಕೊಂಚ ಶಾಕ್ ಆಗಿದ್ದಾರೆ. ಪೂಜೆಗೆ ರೆಡಿಯಾಗಿ ಎಲ್ಲರೂ ಬಂದಿದ್ದಾರೆ. ಇದೇ ವೇಳೆಗೆ ಪುಷ್ಪ ಹಾಗೂ ಸುಬ್ಬು ಕೂಡ ಬರುತ್ತಾರೆ.

ಆಸ್ತಿ ವಿಚಾರ ತಿಳಿಸಿದ ಅನು!

ಅನು ಸಿರಿಮನೆ ತನ್ನ ಪಾಲಿನ ಆಸ್ತಿಯನ್ನು ತೆಗೆದುಕೊಳ್ಳುತ್ತಿರುವ ಬಗ್ಗೆ ಪುಷ್ಪ ಹಾಗೂ ಸುಬ್ಬುಗೆ ಗೊತ್ತಿಲ್ಲ. ಆದರೆ, ಅಷ್ಟಮಿ ದಿನದಂದು ಪೇಪರ್ ಗಳಿಗೆ ಸಹಿ ಹಾಕಲಿದ್ದು, ಅದಕ್ಕೋಸ್ಕರವೇ ಪೂಜೆಯನ್ನು ಮನೆಯಲ್ಲಿಟ್ಟುಕೊಳ್ಳಲಾಗಿದೆ. ಮನೆಗೆ ಬಂದ ಸುಬ್ಬು ಹಾಗೂ ಪುಷ್ಪಗೆ ಈ ವಿಚಾರವನ್ನು ಅನು ಹೇಳಲು ಹೇಳುತ್ತಾಳೆ. ಶಾರದಾ ಅವರ ಪಾಲಿನ ಆಸ್ತಿಯನ್ನು ನನಗೆ ಬರೆಯಲು ಮುಂದಾದಾಗ ನಾನು ಬೇಡ ಎಂದು ಹೇಳಿದ್ದೆ. ಆದರೆ ಈಗ ನನಗೆ ಬೇಕು ಎಂದು ಕೇಳಿದ್ದು, ಅದರ ಪತ್ರಗಳಿಗೆ ಸಹಿ ಹಾಕಿಸಿಕೊಳ್ಳುವುದಕ್ಕಾಗಿಯೇ ಈ ಪೂಜೆಯನ್ನು ಇಟ್ಟುಕೊಳ್ಳಲಾಗಿದೆ. ಈ ವಿಚಾರವನ್ನು ನಿಮಗೆ ಹೇಳಲು ಆಗಿರಲಿಲ್ಲ. ಆದರೆ, ಸಹಿ ಹಾಕುವ ಮುಂಚೆ ಹೇಳುವುದು ನನ್ನ ಧರ್ಮ ಎಂದು ಅನು ಹೇಳುತ್ತಾಳೆ.

ಆಸ್ತಿ ವಿಚಾರಕ್ಕೆ ಏನೆಲ್ಲಾ ಆಗುತ್ತೆ!

ಅನು ಪ್ಲಾನ್ ಒಂದನ್ನು ಮಾಡಿದ್ದು, ಸರಿಯಾದ ಸಮಯಕ್ಕೆ ಮೀರಾಗೆ ಕರೆ ಮಾಡಲು ಸೂಚಿಸಿದ್ದಾಳೆ. ಹಾಗಾಗಿ ಹರ್ಷ ಮೀರಾಗೆ ಫೋನ್ ಮಾಡಿ ಪೂಜೆಯ ಲೈವ್ ಶೇರ್ ಮಾಡಿದ್ದು, ಸರಿಯಾದ ಟೈಮ್‌ಗೆ ಕಾಲ್ ಮಾಡುವಂತೆ ಹೇಳಿದ್ದಾನೆ. ಮೀರಾ ಕೂಡ ಇದಕ್ಕೆ ಒಪ್ಪಿಕೊಂಡಿದ್ದು, ಪೂಜೆಯೂ ಇದೇ ಎಪಿಸೋಡ್ ನಲ್ಲಿ ಮುಗಿದಿದೆ. ಬಟ್ ಏನಾಗುತ್ತದೋ ಎಂಬ ಕುತೂಹಲ ಉಳಿಸಿದೆ.