ತೆಲುಗು 'ಬಿಗ್ ಬಾಸ್'ನಲ್ಲಿ ಕನ್ನಡ ಪ್ರೇಮ ಮೆರೆದ ಜೂನಿಯರ್ NTR..!

ತೆಲುಗು 'ಬಿಗ್ ಬಾಸ್' ನಲ್ಲಿ ಕನ್ನಡ

ತೆಲುಗು ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ನಟ ಜೂನಿಯರ್ ಎನ್ ಟಿ ಆರ್ ಕನ್ನಡ ಮಾತನಾಡಿದ್ದು, ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

ನಮ್ಮ ಅಮ್ಮ ಕನ್ನಡದವರು

ತೆಲುಗು 'ಬಿಗ್ ಬಾಸ್' ನಲ್ಲಿ ಕರ್ನಾಟಕ ಸ್ಪರ್ಧಿಯೊಬ್ಬರು ಕನ್ನಡ ಮಾತನಾಡಿದ್ದರು. ಆಗ ಜೂನಿಯರ್ ಎನ್ ಟಿ ಆರ್ ''ನೀವು ಕನ್ನಡದವರಾ.. ನನ್ನ ತಾಯಿ ಕೂಡ ಕುಂದಾಪುರದವರು'' ಅಂತ ಕನ್ನಡದಲ್ಲೇ ಹೇಳಿದ್ದಾರೆ.

ಫಿಲ್ಮ್ ಫೇರ್ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ...

ಕಳೆದ ಬಾರಿಯ 'ಫಿಲ್ಮ್ ಫೇರ್ ಪ್ರಶಸ್ತಿ' ಕಾರ್ಯಕ್ರಮದಲ್ಲಿಯೂ ಜೂನಿಯರ್ ಎನ್ ಟಿ ಆರ್ ಕನ್ನಡ ಮಾತನಾಡಿ 'ನನಗೆ ಚೆನ್ನಾಗಿ ಕನ್ನಡ ಬರುತ್ತದೆ' ಅಂತ ಹೇಳಿದ್ದರು.

ಗೆಳೆಯ... ಗೆಳೆಯ...

ಗಾಯಕನಾಗಿ ಜೂನಿಯರ್ ಎನ್ ಟಿ ಆರ್ ಕನ್ನಡಕ್ಕೆ ಈಗಾಗಲೇ ಕಾಲಿಟ್ಟಿದ್ದಾರೆ. ಪುನೀತ್ ಅಭಿನಯದ 'ಚಕ್ರವ್ಯೂಹ' ಚಿತ್ರದ 'ಗೆಳೆಯ... ಗೆಳೆಯ...' ಹಾಡನ್ನು ಜೂನಿಯರ್ ಎನ್ ಟಿ ಆರ್ ಹಾಡಿದ್ದರು.

ಟಾಲಿವುಡ್ 'ರಾಜಕುಮಾರ'

ಸದ್ಯ ಕನ್ನಡದ ರಾಜಕುಮಾರ ಸಿನಿಮಾದ ರೀಮೇಕ್ ತೆಲುಗಿನಲ್ಲಿ ಬರಲಿದ್ದು, ಪುನೀತ್ ಪಾತ್ರದಲ್ಲಿ ಜೂನಿಯರ್ ಎನ್ ಟಿ ಆರ್ ನಟಿಸುವ ಸಾಧ್ಯತೆ ಕೂಡ ಇದೆ.