'ಮನ್ಮಥ'ನಾಗಿದ್ದಕ್ಕೆ 20 ದಿನ ಆಸ್ಪತ್ರೆಯಲ್ಲಿದ್ದ ನಟ ಜಗ್ಗೇಶ್.!

ಅಷ್ಟಾವಕ್ರ

ಗೂನು ಬೆನ್ನು, ಉಬ್ಬಲ್ಲು, ಸೊಟ್ಟ ಕಾಲು.. ಒಟ್ಟಾರೆ ಅಷ್ಟಾವಕ್ರನ ರೂಪದಲ್ಲಿ 'ಮನ್ಮಥ' ಸಿನಿಮಾದಲ್ಲಿ ನಟ ಜಗ್ಗೇಶ್ ಕಾಣಿಸಿಕೊಂಡಿದ್ದರು. ತಿಂಗಳಾನುಗಟ್ಟಲೆ ನಡೆದ 'ಮನ್ಮಥ' ಚಿತ್ರೀಕರಣದಲ್ಲಿ ಕುರೂಪಿಯಾಗಿ ಕಾಣಿಸಿಕೊಳ್ಳಲು ಹೋಗಿ ಜಗ್ಗೇಶ್ ಆರೋಗ್ಯಕ್ಕೆ ಆಪತ್ತು ಎದುರಾಗಿತ್ತು. ಅಂದು 'ಮನ್ಮಥ' ಚಿತ್ರೀಕರಣದಲ್ಲಿ ಆದ ಘಟನೆಯನ್ನ 'ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್'ನಲ್ಲಿ ನಟ ಜಗ್ಗೇಶ್ ಮೆಲುಕು ಹಾಕಿದರು.

ಮನ್ಮಥ ಚಿತ್ರಕ್ಕೆ ಪ್ರೇಕ್ಷಕರಿಂದ ಶಬಾಸ್‌ಗಿರಿ : ಜಗ್ಗೇಶ್ ಸಂತಸ

ಅವಾರ್ಡ್ ಬರಬೇಕಿತ್ತು.!

''ಮನ್ಮಥ' ಸಿನಿಮಾ ರೀಮೇಕ್ ಆಗದೇ ಹೋಗಿದ್ದರೆ, ನನಗೆ ಅವಾರ್ಡ್ ಬರ್ತಿತ್ತು. ಯಾಕಂದ್ರೆ, ನಾನು ತುಂಬಾ ಶ್ರಮ ವಹಿಸಿ ಮಾಡಿದ ಸಿನಿಮಾ ಅದು'' ಅಂತಾರೆ ನಟ ಜಗ್ಗೇಶ್

ಅಪ್ಪನ ಕಾಸು ಕದ್ದು ಜಗ್ಗೇಶ್ ಈ ಸಿನಿಮಾ ನೋಡಿದ್ದರು

ಕಾಲೇ ಬರಲಿಲ್ಲ.!

''ಸೊಟ್ಟ ಕಾಲಿನಿಂದ ನಡೆಯುತ್ತಿದ್ದರಿಂದ, ಇಪ್ಪತ್ತು ದಿನ ಆಸ್ಪತ್ರೆಯಲ್ಲಿ ಇರಬೇಕಾಗಿ ಬಂತು. ಕಾಲಲ್ಲಿ ಸಿಕ್ಕಾಪಟ್ಟೆ ಪ್ರಾಬ್ಲಂ ಆಗೋಯ್ತು. ನನಗೆ ಕಾಲೇ ಬರಲಿಲ್ಲ. ಆಮೇಲೆ ಆಸ್ಪತ್ರೆಯಲ್ಲಿ 60 ಕೆ.ಜಿ ಟ್ರಾಕ್ಷನ್ ಹಾಕಿದ್ದರು'' - ಜಗ್ಗೇಶ್, ನಟ

ಮೊಮ್ಮಗ 'ಅರ್ಜುನ'ನಿಗಾಗಿ ಪೌರಾಣಿಕ ವೇಷ ತೊಟ್ಟ ಜಗ್ಗೇಶ್.!

ಡೇಂಜರಸ್ ಪಾತ್ರ

''ಟ್ರಾಕ್ಷನ್ ಹಾಕಿ ಇಪ್ಪತ್ತು ದಿನ ಆಸ್ಪತ್ರೆಯಲ್ಲಿ ಮಲಗಿಸಿದ್ದರು. ಇಂಥ ಪಾತ್ರಗಳು ಮಾಡಬಾರದು ಅಂತ ಅವತ್ತಿಂದ ನಿರ್ಧಾರ ಮಾಡಿದೆ. ಇವೆಲ್ಲ ನೋಡಲು ಚೆಂದ. ಆದ್ರೆ, ಮಾಡಲು ತುಂಬಾ ಡೇಂಜರಸ್. ಹಾಕಿದ ಶ್ರಮಕ್ಕೆ ತಕ್ಕ ಮೆಚ್ಚುಗೆ ಸಿಕ್ಕರೆ, ಖುಷಿ ಆಗುತ್ತೆ. ನನಗೆ ಖುಷಿ ಅಂದ್ರೆ, ಅವತ್ತಿನ ದಿನಕ್ಕೆ ಆ ಸಿನಿಮಾ ಅತಿ ಹೆಚ್ಚು ಕಲೆಕ್ಷನ್ ಮಾಡಿತ್ತು'' - ಜಗ್ಗೇಶ್, ನಟ