ಸುದೀಪ್ ಗೂ ಮೊದಲೇ ಶಿವಣ್ಣನ ಜೊತೆ ನಟಿಸಬೇಕಿತ್ತು 'ಸ್ಪರ್ಶ' ರೇಖಾ.!

'ಇಂದ್ರ ಧನುಷ್' ಚಿತ್ರಕ್ಕಾಗಿ ಕರೆ ಬಂದಿತ್ತು

ಮಾಡೆಲ್ ಆಗಿದ್ದ ರೇಖಾ ರವರನ್ನ ಶಿವರಾಜ್ ಕುಮಾರ್ ರವರ 'ಇಂದ್ರ ಧನುಷ್' ಚಿತ್ರದಲ್ಲಿ ನಾಯಕಿ ಮಾಡಬೇಕು ಎಂದು ವಿ.ಮನೋಹರ್ ನಿರ್ಧರಿಸಿದ್ದರು. ಅದಕ್ಕಾಗಿ ರೇಖಾ ರವರ ಜೊತೆ ಮಾತುಕತೆ ಕೂಡ ನಡೆದಿತ್ತು. ಮೊದಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದ ನಟಿ ರೇಖಾ ಬಳಿಕ 'ಇಂದ್ರ ಧನುಷ್' ಚಿತ್ರದಲ್ಲಿ ನಟಿಸಲು ಒಲ್ಲೆ ಎಂದರು. ಅದಕ್ಕೆ ಕಾರಣ....

ರೇಖಾ ಕನಸು

'ಇಂದ್ರ ಧನುಷ್' ಚಿತ್ರೀಕರಣದ ಡೇಟ್ಸ್ ಹಾಗೂ ಮೌಂಟೇನಿಯರಿಂಗ್... ಎರಡೂ ಕ್ಲಾಶ್ ಆಗುತ್ತಿದ್ದರಿಂದ ತಮ್ಮ ವರ್ಷಗಳ ಬಯಕೆ ಮೌಂಟೇನಿಯರಿಂಗ್ ನ ಆಯ್ಕೆ ಮಾಡಿಕೊಂಡು 'ಇಂದ್ರ ಧನುಷ್' ಆಫರ್ ನ ರಿಜೆಕ್ಟ್ ಮಾಡಿದ್ರಂತೆ ರೇಖಾ.

ಆಮೇಲೆ ಬಂದಿದ್ದು 'ಸ್ಪರ್ಶ' ಆಫರ್

ಮೌಂಟೇನಿಯರಿಂಗ್ ಮುಗಿಸಿಕೊಂಡು ಬಂದ್ಮೇಲೆ 'ಸ್ಪರ್ಶ' ಚಿತ್ರಕ್ಕಾಗಿ ಸುನೀಲ್ ಕುಮಾರ್ ದೇಸಾಯಿ ಆಫರ್ ಮಾಡಿದ್ರಂತೆ. ಅಲ್ಲಿಂದ ರೇಖಾ ರವರ ಚಿತ್ರರಂಗದ ಪಯಣ ಆರಂಭ ಆಯ್ತು.

'ಸೂಪರ್ ಟಾಕ್ ಟೈಮ್'ನಲ್ಲಿ ರೇಖಾ

ಈ ವಿಚಾರವನ್ನ ನಟಿ ರೇಖಾ ಕಲರ್ಸ್ ಸೂಪರ್ ವಾಹಿನಿಯ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ಬಹಿರಂಗ ಪಡಿಸಿದರು. ಗಾಯಕ ರಾಜೇಶ್ ಕೃಷ್ಣನ್, ನಟಿ ಭಾವನಾ ಜೊತೆ ಸೂಪರ್ ಟಾಕ್ ಟೈಮ್ ಕಾರ್ಯಕ್ರಮದಲ್ಲಿ ರೇಖಾ ಪಾಲ್ಗೊಂಡಿದ್ದರು.