ಒಂದು ವರ್ಷದಲ್ಲಿ 40 ಸಿನಿಮಾ ಮಾಡಿದ್ದೇನೆ ಅಂತ್ಹೇಳಿ ಕಾಲೆಳೆಸಿಕೊಂಡ ಸಂಜನಾ.!

ಸಂಜನಾ ಪರಿಚಯ ಮಾಡಿಕೊಂಡಿದ್ದು ಹೇಗೆ.?

''ರಾಣಿಯೋಂಕೆ ರಾಣಿ... ಸಂಜನಾ ಗಲ್ರಾನಿ... ನಾನು ಬೆಂಗಳೂರು, ದಕ್ಷಿಣ ಭಾರತದಿಂದ ಬಂದಿದ್ದೇನೆ. ನಾನು ಕನ್ನಡ ಮತ್ತು ತೆಲುಗು ಭಾಷೆಯ ಚಿತ್ರಗಳಲ್ಲಿ ಅಭಿನಯಿಸಿದ್ದೇನೆ. 12 ವರ್ಷ ಇದ್ದಾಗ ಬಾಲನಟಿಯಾಗಿ ನಟಿಸಿದ್ದೇನೆ. 16-17 ವರ್ಷ ಇದ್ದಾಗ ಹೀರೋಯಿನ್ ಆದೆ'' ಎಂದು ತಮ್ಮನ್ನ ಸಂಜನಾ ಗಲ್ರಾನಿ ಪರಿಚಯಿಸಿಕೊಂಡರು. ಜೊತೆಗೆ ಮತ್ತೊಂದು ವಾಕ್ಯವನ್ನು ಹೇಳಿದರು.

ಸಂಜನಾ ತಗಲಾಕೊಂಡಿದ್ದು ಎಲ್ಲಿ.?

ಸಂಜನಾ ತಮ್ಮನ್ನ ತಾವು ಪರಿಚಯಿಸಿಕೊಳ್ಳುತ್ತಿದ್ದ ವೇಳೆ ''ನಾನು ಒಂದೇ ವರ್ಷದಲ್ಲಿ 40 ಸಿನಿಮಾ ಮಾಡಿದ್ದೇನೆ'' ಎಂದು ಹೇಳಿಬಿಟ್ಟರು. ಆಗ ಪಕ್ಕದಲ್ಲೇ ನಿಂತಿದ್ದ ನಿರೂಪಕ ಶಾಕ್ ಆದರು. ಬಳಿಕ ''ಅಂದ್ರೆ... ಡೆಬ್ಯೂ ಮಾಡಿದಾಗಿನಿಂದ ಈಗಿನ ವರೆಗೂ... ಅಂದ್ರೆ 10 ವರ್ಷಗಳಲ್ಲಿ 40 ಸಿನಿಮಾ ಮಾಡಿದ್ದೇನೆ'' ಎಂದು ಸಮಜಾಯಿಷಿ ನೀಡಲು ಆರಂಭಿಸಿದರು ನಟಿ ಸಂಜನಾ.

ಟ್ರೋಲ್ ಆದ ಸಂಜನಾ

''ಒಂದು ವರ್ಷದಲ್ಲಿ 40 ಸಿನಿಮಾ ಮಾಡಿದ್ದೇನೆ'' ಎಂದು ಸಂಜನಾ ಹೇಳಿದ್ಮೇಲೆ, ಅದನ್ನೇ ಇಟ್ಟುಕೊಂಡು ನಿರೂಪಕ ಪದೇ ಪದೇ ಕಾಲೆಳೆದರು. ''ದಕ್ಷಿಣದ ಫೀಮೇಲ್ ಅಕ್ಷಯ್'' ಅಂತೆಲ್ಲಾ ನಿರೂಪಕ ಸಂಜನಾರನ್ನ ಕಿಚಾಯಿಸಿದರು.

ಸಿನಿಮಾ ಪಕ್ಕಕ್ಕಿಟ್ಟು ರಿಯಾಲಿಟಿ ಶೋ

ಸದ್ಯ ತಮ್ಮ ಕೈಯಲ್ಲಿ ಇನ್ನೂ ಆರೇಳು ಸಿನಿಮಾ ಇದೆ ಅಂತ ಹೇಳಿಕೊಳ್ಳುವ ಸಂಜನಾ.. ಇದೀಗ ಸೀದಾ ಹಿಂದಿಯ ರಿಯಾಲಿಟಿ ಶೋ ಸೇರಿದ್ದಾರೆ. ನಿಜಕ್ಕೂ ಬಾಳಸಂಗಾತಿಯನ್ನು ಅರಸಿ, 'ಮುಜ್ಸೆ ಶಾದಿ ಕರೋಗಿ' ಶೋಗೆ ಸಂಜನಾ ಕಾಲಿಟ್ರಾ.? ಈ ಪ್ರಶ್ನೆಗೆ ಅವರೇ ಉತ್ತರ ಕೊಡಬೇಕು.!