ಈ ಧಾರಾವಾಹಿಗಳ ಯಶಸ್ಸಿನ ಹಿಂದೆ ಇವರಿದ್ದಾರೆ

'ಉಘೇ ಉಘೇ ಮಾದೇಶ್ವರ' - ಮಹೇಶ್ ಸುಖಧಾರೆ

'ಉಘೇ ಉಘೇ ಮಾದೇಶ್ವರ' ಜೀ ಕನ್ನಡದಲ್ಲಿ ಮೂಡಿ ಬರುತ್ತಿರುವ ಹೊಸ ಧಾರಾವಾಹಿಯಾಗಿದೆ. ಈ ಧಾರಾವಾಹಿಯನ್ನು ಮಹೇಶ್ ಸುಖಧಾರೆ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ 'ಸೈನಿಕ', 'ಸಂಭ್ರಮ', 'ಅಂಬರೀಶ' ಹಾಗೂ 'ಹ್ಯಾಪಿ ಬರ್ತ್ ಡೇ' ಸಿನಿಮಾಗಳಿಗೆ ಅವರು ಆಕ್ಷನ್ ಕಟ್ ಹೇಳಿದ್ದರು. ಶನಿವಾರ ಹಾಗೂ ಭಾನುವಾರ ಸಂಜೆ 6.30ಕ್ಕೆ ಈ ಸಂಚಿಕೆಗಳು ಪ್ರಸಾರ ಆಗುತ್ತಿವೆ.

ಶನಿ - ರಾಘವೇಂದ್ರ ಹೆಗ್ಡೆ

ಕಲರ್ಸ್ ಕನ್ನಡದಲ್ಲಿ ಶುರುವಾದ 'ಶನಿ' ಧಾರಾವಾಹಿ ದೊಡ್ಡ ವೀಕ್ಷಕ ಬಹಳವನ್ನು ತನ್ನದಾಗಿಸಿಕೊಂಡಿದೆ. ಈ ಧಾರಾವಾಹಿಯ ಯಶಸ್ಸಿನ ಹಿಂದೆ ರಾಘವೇಂದ್ರ ಹೆಗ್ಡೆ ಶ್ರಮವಿದೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ರೊಂದಿಗೆ 'ಜಗ್ಗುದಾದ' ಸಿನಿಮಾ ಮಾಡಿದ್ದ ರಾಘವೇಂದ್ರ ಹೆಗ್ಡೆ ಅದರ ನಂತರ 'ಶನಿ' ಧಾರಾವಾಹಿಯನ್ನು ಶುರು ಮಾಡಿದರು.

ಕಮಲಿ - ಅರವಿಂದ್ ಕೌಶಿಕ್

'ಹುಲಿರಾಯ' ಸಿನಿಮಾವನ್ನು ಮಾಡಿದ್ದ ನಿರ್ದೇಶಕ ಅರವಿಂದ್ ಕೌಶಿಕ್ ಬಳಿಕ 'ಕಮಲಿ' ಧಾರಾವಾಹಿ ಪ್ರಾರಂಭ ಮಾಡಿದರು. ಹಾಗೆ ನೋಡಿದರೆ ಅರವಿಂದ್ ಕೌಶಿಕ್ ಅವರಿಗೆ ಕಿರುತೆರೆ ಹೊಸತೇನು ಅಲ್ಲ. ಈ ಹಿಂದೆ ರಚಿತಾ ರಾಮ್ ನಟಿಸಿದ್ದ 'ಅರಸಿ' ಧಾರಾವಾಹಿಯನ್ನು ಅರವಿಂದ್ ಕೌಶಿಕ್ ಅವರೇ ನಿರ್ದೇಶನ ಮಾಡಿದ್ದರು.

ವಾರಸ್ದಾರ - ಗಡ್ಡ ವಿಜಿ

ಯೋಗರಾಜ್ ಭಟ್ ಗ್ಯಾಂಗ್ ನಲ್ಲಿ ಗುರುತಿಸಿಕೊಂಡಿದ್ದ ಗಡ್ಡ ವಿಜಿ ನಂತರ ತಾವೇ ನಿರ್ದೇಶಕರಾದರು. ಅನಂತ್ ನಾಗ್ ಅವರು ವಿಭಿನ್ನ ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದ 'ಪ್ಲಸ್' ಚಿತ್ರವನ್ನ ಗಡ್ಡ ವಿಜಿ ಡೈರೆಕ್ಟ್ ಮಾಡಿದ್ದರು. ಆ ಬಳಿಕ 'ವಾರಸ್ದಾರ' ಧಾರಾವಾಹಿಯ ನಿರ್ದೇಶಕದ ಜವಾಬ್ದಾರಿಯನ್ನು ಗಡ್ಡ ವಿಜಿ ನಿರ್ವಹಿಸಿದ್ದರು. ಆದರೆ, ಆ ತಂಡದಲ್ಲಿ ಅವರು ಹೆಚ್ಚು ದಿನ ಇರಲಿಲ್ಲ.