ಈ ವಾರ ನಿಮ್ಮನೆಗೆ ಬರ್ತಿದೆ 'ಜೆಸ್ಸಿ', ಮಿಸ್ ಮಾಡ್ದೆ ನೋಡಿ

ಪವನ್ ಒಡೆಯರ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ 'ಜೆಸ್ಸಿ' ಚಿತ್ರ, ಈ ವಾರ ನಿಮ್ಮ ಮನೆಗೆ ಬರುತ್ತಿದೆ. ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಭಾನುವಾರ ಸಂಜೆ 5 ಗಂಟೆಗೆ 'ಜೆಸ್ಸಿ' ಸಿನಿಮಾ ಪ್ರಸಾರವಾಗುತ್ತಿದ್ದು, ಸಿನಿ ಪ್ರಿಯರಿಗೆ ಖುಷಿ ತಂದಿದೆ.[ಪ್ರೀತಿ-ಪ್ರೇಮ-ಪ್ರೇತದ 'ಜೆಸ್ಸಿ' ಕಥೆಗೆ ಮನಸೋತ ವಿಮರ್ಶಕರು!]

'ಜೆಸ್ಸಿ' ಕಳೆದ ವರ್ಷ ತೆರೆಕಂಡಿದ್ದ ಸೂಪರ್ ಹಿಟ್ ಸಿನಿಮಾ. ರೊಮ್ಯಾಂಟಿಕ್ ಥ್ರಿಲ್ಲರ್ ಆಗಿರುವ 'ಜೆಸ್ಸಿ' ಚಿತ್ರದಲ್ಲಿ ಧನಂಜಯ್, ರಘು ಮುಖರ್ಜಿ ಮುಖ್ಯ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ನಟಿ ಪಾರುಲ್ ಯಾದವ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.[ವಿಮರ್ಶೆ; 'ಜೆಸ್ಸಿ' ಸುಂದರ, ಅಷ್ಟೇ ಭಯಾನಕ ಪ್ರೇಮ ಕಾವ್ಯ!]

ಉಳಿದಂತೆ ಅವಿನಾಶ್, ಚಿಕ್ಕಣ್ಣ, ಸುಮಲತಾ, ಸಾಧುಕೋಕಿಲಾ, ಸುಧಾ ಬೆಳವಾಡಿ, ಪ್ರಮುಖ ಪಾತ್ರಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಈ ನವಿರಾದ ಪ್ರೇಮ ಕಥೆಗೆ ಅನೂಪ್ ಸೀಳಿನ್ ಸಂಗೀತವಿದ್ದು, ಅರುಳ್ ಸೋಮಸುಂದರ ಅವರ ಛಾಯಗ್ರಹಣವಿದೆ.

ಈ ವೀಕೆಂಡ್ ನಲ್ಲಿ ನಿಮ್ಮನ್ನ ರಂಜಿಸಲು ಸ್ಟಾರ್ ಸುವರ್ಣ ವಾಹಿನಿ ಕಡೆಯಿಂದ ಬ್ಲ್ಯಾಕ್ ಬಸ್ಟರ್ ಸಿನಿಮಾ 'ಜೆಸ್ಸಿ' ರೆಡಿಯಾಗಿದೆ. ನೋಡೋಕೆ ಮಿಸ್ ಮಾಡ್ಬೇಡಿ....