'ರಾಧಾ ರಮಣ' ಖ್ಯಾತಿಯ ನಟಿ ದೀಪಿಕಾ ಈಗ ಹೇಗಾಗಿದ್ದಾರೆ ನೀವೆ ನೋಡಿ

ತೆಲುಗು ಧಾರಾವಾಹಿಯಲ್ಲಿ ಅನುಷಾ

ಅನುಷಾ, ರಾಧ ರಮಣ ಧಾರಾವಾಹಿ ಮುಗಿಯುತ್ತಿದ್ದಂತೆ ತೆಲುಗು ಕಿರುತೆರೆಯಲ್ಲಿ ಬ್ಯುಸಿಯಾಗಿದ್ದಾರೆ. ದೀಪಿಕಾ ಆಗಿ ಕನ್ನಡಿಗರ ಮನಗೆದ್ದ ಅನುಷಾ ಈಗ ತೆಲುಗು ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಅನುಷಾ ಅಭಿನಯಕ್ಕೆ ತೆಲುಗು ಮಂದಿ ಕೂಡ ಫಿದಾ ಆಗಿದ್ದಾರೆ.

ಸೂರ್ಯಕಾಂತಂ ಧಾರಾವಾಹಿಯಲ್ಲಿ ಅನುಷಾ

ಅನುಷಾ ಸದ್ಯ ತೆಲುಗಿನ ಸೂರ್ಯಕಾಂತಂ ಎನ್ನುವ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಧಾರಾವಾಹಿಯ ಪಾತ್ರಕ್ಕಾಗಿ ಅನುಷಾ ಸಂಪೂರ್ಣವಾಗಿ ಲುಕ್ ಬದಲಾಯಿಸಿಕೊಂಡಿದ್ದಾರೆ. ಕನ್ನಡದಲ್ಲಿ ಪಕ್ಕ ಸಂಪ್ರದಾಯಸ್ತ ಹೆಣ್ಣುಮಗಳಾಗಿ ಕಾಣಿಸಿಕೊಳ್ಳುತ್ತಿದ್ದ ಅನುಷಾ, ತೆಲುಗಿನಲ್ಲಿ ಹೇರ್ ಕಟ್ ಮಾಡಿಸಿ ಫುಲ್ ಮಾರ್ಡರ್ನ್ ಆಗಿ ಕಾಣಿಸಿಕೊಂಡಿದ್ದಾರೆ. ಅನುಷಾರ ಈ ವಿಭಿನ್ನ ಗೆಟಪ್ ನೋಡಿ ಅಭಿಮಾನಿಗಳು ವಾವ್ ಎನ್ನುತ್ತಿದ್ದಾರೆ.

'ರಾಧಾ ರಮಣ' ಸೀರಿಯಲ್ ಚೆನ್ನಾಗಿಲ್ಲ: ಒಳ್ಳೆಯವರಿಗೆ ಕಾಲ ಇಲ್ಲ.!

ನಿನ್ನ ಪೆಳ್ಳಾಡತಾ ಧಾರಾವಾಹಿಯಲ್ಲಿ ಅಭಿನಯ

ತೆಲುಗು ಕಿರುತೆರೆಯಲ್ಲಿ ಅನುಷಾ ಬ್ಯಾಕ್ ಟು ಬ್ಯಾಕ್ ಧಾರಾವಾಹಿಗಳಲ್ಲು ಕಾಣಿಸಿಕೊಳ್ಳುತ್ತಿದ್ದಾರೆ. ಸೂರ್ಯಕಾಂತಂ ಧಾರಾವಾಹಿಗೂ ಮೊದಲು ನಿನ್ನ ಪೆಳ್ಳಾಡತಾ ಧಾರಾವಾಹಿಯಲ್ಲಿ ಬಣ್ಣಹಚ್ಚಿದ್ದರು. ರಾಧ ರಮಣ ಧಾರಾವಾಹಿಯ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ಅನುಷಾ ಈಗ ತೆಲುಗು ಕುರಿತೆರೆಯಲ್ಲಿ ಬ್ಯುಸಿಯಾಗಿದ್ದಾರೆ. ಕಿರುತೆರೆಯ ಜೊತೆಗೆ ಒಂದು ಸಿನಿಮಾದಲ್ಲಿ ಮಿಂಚಿದ್ದಾರೆ.

ಪ್ರತಾಪ್ ಸಿಂಗ್ ಶಾ ಜೊತೆ ಮದುವೆ ಫಿಕ್ಸ್

ತೆಲುಗಿನ 'ನಿನ್ನೆ ಪೆಳ್ಳಾಡತಾ' ಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದ ಪ್ರತಾಪ್ ಸಿಂಗ್ ಶಾ ಜೊತೆ ಪ್ರೀತಿಯಲ್ಲಿ ಬಿದ್ದ ಅನುಷಾ ಅವರ ಜೊತೆ ನಿಶ್ಚಿತಾರ್ಥ ಕೂಡ ಮಾಡಿಕೊಂಡಿದ್ದಾರೆ. ಶೂಟಿಂಗ್ ನಡುವೆ ಇಬ್ಬರ ಮಧ್ಯೆ ಪ್ರೀತಿ ಶುರುವಾಗಿದೆ. ಅವಾರ್ಡ್ ಫಂಕ್ಷನ್ ನ ವೇದಿಕೆ ಮೇಲೆಯೇ ಅನುಷಾ ಹೆಗ್ಡೆಗೆ ಪ್ರತಾಪ್ ಸಿಂಗ್ ಶಾ ಲವ್ ಪ್ರಪೋಸ್ ಮಾಡಿ ಸದ್ದು ಮಾಡಿದ್ದರು. ಈ ವರ್ಷ ಈ ಜೋಡಿ ಮದುವೆ ಆಗುವ ಸಾಧ್ಯತೆ ಇದೆ.