ಸೋಶಿಯಲ್ ಮೀಡಿಯಾದಲ್ಲಿ ಮೋಡಿ ಮಾಡುತ್ತಿರುವ ಕಿರುತೆರೆ ನಟಿಯರು ಇವರೇ: ಫಾಲೋವರ್ಸ್ ಎಷ್ಟು?

ಈ ನಟಿಯರ ಫಾಲೋವರ್ಸ್ ಸಂಖ್ಯೆ ಮಿಲಿಯನ್ ದಾಟಿದೆ

ಇತ್ತೀಚೆಗೆ ಸೋಶಿಯಲ್ ಮೀಡಿಯಾ ಅನ್ನೋದು ಎಲ್ಲರ ಟೈಮ್ ಪಾಸ್ ಆಗಿ ಹೋಗಿದೆ. ಅದಕ್ಕೆಂದೇ ಮನರಂಜನೆಯ ತಾಣವಾಗಿದೆ. ರೀಲ್ಸ್ ಮಾಡುವವರು, ಕಾಮಿಡಿ ಮಾಡುವವರು ಹೆಚ್ಚಿನ ಸಂಖ್ಯೆಯಲ್ಲಿಯೇ ಸಿಗುತ್ತಿದ್ದಾರೆ. ಮನೆಯಲ್ಲಿನ ಟಿವಿಯನ್ನು ಹಿರಿಯರು ಮಾತ್ರ ನೋಡುವಂತಾಗಿದೆ. ಮಕ್ಕಳ ಕೈನ್ನಲ್ಲೆಲ್ಲಾ ಮೊಬೈಲ್ ಇದ್ದು ಮನರಂಜನೆಗಾಗಿ ಸೋಶಿಯಲ್ ಮೀಡಿಯಾದ ಮೊರೆ ಹೋಗಿದ್ದಾರೆ. ತಮ್ಮಿಷ್ಟದ ನಟಿ ಮಣಿಯ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಸಮಯವನ್ನೇ ಕಳೆಯುತ್ತಾರೆ. ಅದರಲ್ಲೂ ದೀಪಿಕಾ ದಾಸ್, ವೈಷ್ಣವಿ ಗೌಡ, ಮೇಘಾ ಶೆಟ್ಟಿಯನ್ನು ಫಾಲೋ ಮಾಡುವ ಸಂಖ್ಯೆ ಕಡಿಮೆ ಏನು ಇಲ್ಲ. ಮಿಲಿಯನ್ ಗಟ್ಟಲೇ ಫಾಲೋವರ್ಸ್ ಹೊಂದಿರುವ ಕಿರುತೆರೆ ನಟಿಯರಾಗಿದ್ದಾರೆ.

ದೀಪಿಕಾ ದಾಸ್ ಫಾಲೋವರ್ಸ್ ಎಷ್ಟು?

'ನಾಗಿಣಿ' ಧಾರಾವಾಹಿ ಮೂಲಕ ಎಲ್ಲರ ಮನದಲ್ಲಿ ನಿಂತವರು ಇದೇ ದೀಪಿಕಾ ದಾಸ್. ಆ ಬಳಿಕ ಬಿಗ್ ಬಾಸ್ ಗೆ ಎಂಟ್ರಿಯಾದರೂ. ಅಲ್ಲಿಯೂ ಒಂದಷ್ಟು ಅಭಿಮಾನಿಗಳನ್ನು ಸಂಪಾದಿಸಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಇವರು ಹೆಂಗಳೆಯರ ಫ್ಯಾಷನ್ ಐಕಾನ್. ಇನ್‌ಸ್ಟಾಗ್ರಾಂನಲ್ಲಿ ಸಿಕ್ಕಾಪಟ್ಟೆ ಆಕ್ಟೀವ್ ಇರುವ ನಟಿ ದೀಪಿಕಾ ದಾಸ್. ಸದ್ಯ ಯಾವುದೇ ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿಲ್ಲ. ಆದರೂ, ತಮ್ಮದೇ ಸೋಶಿಯಲ್ ಮೀಡಿಯಾ‌ ಮೂಲಕ ಅಭಿಮಾನಿಗಳ ಮನಮುಟ್ಟುತ್ತಿದ್ದಾರೆ. ಇವರಿಗೆ 1.3 ಮಿಲಿಯನ್ ಫಾಲೋವರ್ಸ್ ಇದ್ದು, ಸಿನಿಮಾ ನಟಿಯರಿಗಿಂತ ಹೆಚ್ಚು ಫಾಲೋವರ್ಸ್ ಸಂಪಾದಿಸಿದ್ದಾರೆ.

ವೈಷ್ಣವಿಗೌಡರನ್ನು ಫಾಲೋ ಮಾಡೋರೆಷ್ಟು?

ವೈಷ್ಣವಿ ಗೌಡ ಹೆಚ್ಚು ಖ್ಯಾತಿ ಪಡೆದಿದ್ದೆ ಸನ್ನಿಧಿಯಾಗಿ. ಈ ಮುಂಚೆ ಹಲವು ಧಾರಾವಾಹಿಗಳಲ್ಲಿ ನಟಿಸಿದ್ದರೂ ಸಹ, ವೈಷ್ಣವಿಗೆ ಹಿಟ್ ಕೊಟ್ಟಿದ್ದು 'ಅಗ್ನಿಸಾಕ್ಷಿ' ಧಾರಾವಾಹಿ. ಅದಾದ ಬಳಿಕ ಬಿಗ್ ಬಾಸ್‌ಗೆ ಬಂದ ಮೇಲಂತೂ ಅವರ ಖ್ಯಾತಿ ಇನ್ನಷ್ಟು ಎತ್ತರಕ್ಕೆ ಹೋಗಿತ್ತು. ಬಿಗ್‌ಬಾಸ್ ಮನೆಯಲ್ಲಿ ಅವರು ನಡೆದುಕೊಳ್ಳುತ್ತಿದ್ದ ರೀತಿ, ಅವರಿಗಿರುವ ತಾಯಿಯಂತಹ ಹೃದಯ, ತಾಳ್ಮೆಗೆ ಎಲ್ಲರೂ ಸಲಾಂ ಎಂದಿದ್ದರು. ಬಿಗ್‌ಬಾಸ್ ಮನೆಯಿಂದ ಹೊರ ಬಂದ ಮೇಲೆ ಅಭಿಮಾನಿಗಳ ಸಂಖ್ಯೆಯೂ ಹೆಚ್ಚಾಗಿದೆ. ಫ್ಯಾನ್ಸ್ ಪೇಜ್ ಕೂಡ ಜಾಸ್ತಿಯಾಗಿದೆ. ಫಾಲೋವರ್ಸ್ ಮಿಲಿಯನ್‌ಗೆ ಜಿಗಿದಿದೆ. ತನ್ನದೇ ಯೂಟ್ಯೂಬ್ ಕೂಡ ಮಾಡಿಕೊಂಡಿರುವ ವೈಷ್ಣವಿ ವೆರೈಟಿ ವೆರೈಟಿ ಪ್ರೋಗ್ರಾಂ ಮಾಡುತ್ತಾ ಬ್ಯುಸಿಯಾಗಿದ್ದಾರೆ.

ಮಿಲಿಯನ್ ಗಟ್ಟಲೇ ಮನಸ್ಸು ಗೆದ್ದಿರುವ ಮೇಘಾ!

ಮೇಘಾ ಶೆಟ್ಟಿ ಎಲ್ಲರಿಗೂ ಗೊತ್ತಿರುವ ನಟಿ. ಅನು ಸಿರಿಮನೆಯಾಗಿ ಈಗಾಗಲೇ ಎಲ್ಲರ ಮನಸ್ಸು ಗೆದ್ದಿದ್ದಾರೆ. ಮಾಡಿದ್ದು ಒಂದೇ ಸೀರಿಯಲ್ ಆದರೂ ಖ್ಯಾತಿ ಗಳಿಸಿದ್ದು ದೊಡ್ಡ ಮಟ್ಟದಲ್ಲಿ. ಮೇಘಾ ಶೆಟ್ಟಿ ಈಗಾಗಲೇ ಸಿನಿಮಾವನ್ನು ಮಾಡಿದ್ದಾರೆ. ಆಫರ್ ಗಳ ಸುರಿಮಳೆ ಮೇಘಾ ಶೆಟ್ಟಿಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಆಕ್ಟಿವ್ ಆಗಿರುವ ಮೇಘಾಗೆ 1 ಮಿಲಿಯನ್ ಫಾಲೋವರ್ಸ್ ಇದ್ದಾರೆ.