Gattimela: ಮಹದೇವಯ್ಯನ ಧ್ವನಿ ಅಮ್ಮುಗೆ ನೆನಪಾಗಿದೆ; ಇನ್ನಾದರೂ ಅಗ್ನಿಯಿಂದ ವೇದಾಂತನನ್ನು ಕಾಪಾಡುತ್ತಾಳಾ?

ಅಮೂಲ್ಯ ಜೊತೆ ಖುಷಿಯಲ್ಲಿ ಇರುವ ವೇದಾಂತ

ಆತ ಕೂಡ ಹುಡುಗಾಟದ ಒಂದೆರಡು ಮಾತುಗಳನ್ನು ಮೆತ್ತಗೆ ಅಮೂಲ್ಯ ಕಿವಿಯಲ್ಲಿ ಹೇಳುತ್ತಾನೆ. ಬಳಿಕ ಅಮೂಲ್ಯ ಹಣೆಗೆ ಮುತ್ತಿಕ್ಕಿ ಅಲ್ಲಿಂದ ತೆರಳುತ್ತಾನೆ. ಇನ್ನು ವಿಕ್ರಾಂತ್ ಏನಾದರು ತಿನ್ನಬೇಕಂತೆ ಎಂದು ಹೇಳಿಕೊಂಡು ಆರತಿ ತಿಂಡಿ ಡಬ್ಬ ಹುಡುಕುತ್ತಾ ಇರುತ್ತಾಳೆ. ಡಬ್ಬ ಕೊಂಚ ಮೇಲೆ ಇದ್ದ ಕಾರಣ ಅದನ್ನು ತೆಗೆಯಲು ಸ್ಟೂಲ್ ಇಟ್ಟು ನೋಡುತ್ತಾಳೆ. ಸ್ಟೂಲ್‌ನಿಂದ ಆಯತಪ್ಪಿ ಬೇಳಬೇಕು ಎನ್ನುವಷ್ಟರಲ್ಲಿ ಅಲ್ಲಿಗೆ ವೈದೇಹಿ ಬಂದು ಆರತಿಗೆ ಒಂದೆರಡು ಮಾತು ಬುದ್ದಿವಾದ ಹೇಳುತ್ತ ಇರುವಾಗ ವಿಕ್ರಾಂತ್ ಅಲ್ಲಿಗೆ ಬರುತ್ತಾನೆ.

ವಿಕ್ರಾಂತ್‌ಗೆ ಬುದ್ದಿ ಹೇಳಿದ ವೈದೇಹಿ

ವೈದೇಹಿ ವಿಕ್ರಾಂತ್‌ಗೆ ಸರಿಯಾಗಿ ಕ್ಲಾಸ್ ತೆಗೆದುಕೊಳ್ಳುತ್ತಾಳೆ. ಬಸಿರು ಆಗಿರುವ ಹೆಂಡತಿಯನ್ನು ಬಹಳ ಮುದ್ದಾಗಿ ನೋಡಿಕೊಳ್ಳಬೇಕು, ಯಾವತ್ತೂ ಏನೂ ಕೊರತೆ ಬಾರದ ಹಾಗೆ ನೋಡಿಕೊಳ್ಳಬೇಕು, ನೀನು ನೋಡಿದರೆ ಅವಳಿಂದ ಕೆಲಸ ಮಾಡಿಕೊಳ್ಳುತ್ತಾ ಇದ್ದೀಯಾ ಇದು ಸರಿಯಲ್ಲ, ಆರತಿ ಎಲ್ಲಾದರೂ ಸ್ಟೂಲ್‌ನಿಂದ ಬಿದ್ದಿದ್ದರೆ ಏನು ಮಾಡುತ್ತಾ ಇದ್ದೆ ಎಂದು ಜೋರಾಗಿ ಹೇಳುತ್ತಾಳೆ.

ವಾಸ್ತವತೆ ಅರಿತ ವೈದೇಹಿ

ಇದನ್ನು ಕೇಳಿದ ವಿಕ್ರಾಂತ್ ವೈದೇಹಿ ಬಳಿ ಕ್ಷಮೆ ಕೇಳುತ್ತಾನೆ. ಇನ್ನು ವೈದೇಹಿ ಮೆತ್ತಗೆ ನಾನು ಕೆಲಸದಾಕೆ ಕೆಲಸದಾಕೆ ಎಷ್ಟು ಇರಬೇಕೋ ಅಷ್ಟು ಇರಬೇಕು ಅಮ್ಮ ಆಗಲು ಹೋಗಬಾರದು ಎಂದು ಮೆತ್ತಗೆ ಹೇಳಿದಾಗ ವಿಕ್ರಾಂತ್ ನೀವು ಅಮ್ಮನಿಗಿಂತ ಒಂದು ಪಟ್ಟು ಹೆಚ್ಚು ಎಂದು ಹೆಮ್ಮೆಯಿಂದ ಹೇಳುತ್ತಾನೆ. ಇದನ್ನು ಕೇಳಿ ವೈದೇಹಿಗೆ ಬಹಳ ಖುಷಿ ಆಗುತ್ತದೆ. ಅಮೂಲ್ಯ ಏನೋ ಯೋಚನೆ ಮಾಡುತ್ತಾ ಇರುತ್ತಾಳೆ. ಆಗ ಅಲ್ಲಿಗೆ ಬಂದ ವಿಕ್ರಾಂತ್ ಅಮೂಲ್ಯ ಕಾಲು ಎಳೆಯುತ್ತಾರೆ. ಆದರೆ ಅಮೂಲ್ಯ ಮಾತ್ರ ಕರೆಯಲ್ಲಿ ಯಾರು ಮಾತನಾಡಿ ಇರಬಹುದು ನನಗೆ ಅವರ ಧ್ವನಿ ಎಲ್ಲೋ ಕೇಳಿದ್ದೇನೆ ಯಾರು ಇರಬಹುದು ಎಂದು ಯೋಚನೆ ಮಾಡುತ್ತಾ ಇರುವಾಗ ವಿಕ್ರಾಂತ್ ಆಕೆಯ ಬಳಿ ಏನು ವಿಚಾರ ಎಂಬುವುದು ಕೇಳುತ್ತಾರೆ. ಆಕೆಗೆ ಮಹದೇವಯ್ಯನ ಧ್ವನಿ ನೆನಪಾಗಿ ನನ್ನ ಬಳಿ ಮಾತನಾಡಿದ್ದು ಮಹಾದೇವನಾ ಎಂದು ಒಮ್ಮೆಲೆ ವಿಕ್ರಾಂತ್ ಬಳಿ ಹೇಳುತ್ತಾಳೆ.