Gattimela: ಯಾರ ಮಾತೂ ಕೇಳದೇ ತವರ ಮನೆಗೆ ಬಂದ ಅಮೂಲ್ಯ

ಅಮ್ಮನ ಮಾತು ಕೇಳಿ ಅದಿತಿ ಶಾಕ್

ಬಳಿಕ ಪರಿಮಳ ನೀನು ಆದ್ಯಾ ಬಳಿ ಬೇರೆ ಏನೋ ಮಾತನಾಡಿದ ಹಾಗೆ ಅನ್ನಿಸುತ್ತಾ ಇತ್ತು ಎಂದಾಗ ಅದಿತಿಗೆ ಶಾಕ್ ಆಗುತ್ತದೆ. ಬೇರೆ ವಿಚಾರ ಏನಮ್ಮ ಎಂದು ಕೇಳುತ್ತಾಳೆ. ಅದಕ್ಕೆ ಪರಿಮಳ ಲವ್ ಮಾಡಲು ಅವರೇ ಸ್ಫೂರ್ತಿ ಎಂದು ಹೇಳುತ್ತ ಇದ್ದಿ ಅಲ್ವಾ ಅದರ ಬಗ್ಗೆ ಕೇಳುತ್ತಾ ಇದ್ದೀನಿ ಎಂದಾಗ ಅದಿತಿಗೆ ಏನು ಹೇಳಬೇಕೋ ತಿಳಿಯದಂತಾಗುತ್ತದೆ.

ಅದಿತಿ ಮೇಲೆ ಅನುಮಾನ ವ್ಯಕ್ತಪಡಿಸಿದ ಪರಿಮಳ

ಇನ್ನು ಪರಿಮಳ ಕೋಪದಿಂದ ನಿಜ ಹೇಳು ಅದಿತಿ ನೀನು ಲವ್ ಗಿವ್ ಎಂದು ತಲೆ ಕೆಡಿಸಿಕೊಂಡಿಲ್ಲ ಅಲ್ವಾ ಅದಿತ. ಎಂದಾಗ ಅಂಜಲಿ ಮೆತ್ತಗೆ ಅಮ್ಮನ ಬಳಿ ನಿಜ ಹೇಳು ಅಕ್ಕ ಎಂದಾಗ ಅದಿತಿಗೆ ಪಿತ್ತ ನೆತ್ತಿಗ್ಗೇರುತ್ತದೆ. ಅದಿತಿ ಅಮ್ಮನಿಗೆ ಅಮ್ಮ ನನಗೆ ಲವ್ ಗಿವ್ ಆಗಿಬರಲ್ಲ ಹಾಗೆಯೇ ನನಗೆ ಅದು ಸೆಟ್ಟು ಆಗಲ್ಲ, ಎಂದಾಗ ಪರಿಮಳ ಅಲ್ಲಿಂದ ಹೋಗುತ್ತಾಳೆ. ವೇದಾಂತ್ ಅಮೂಲ್ಯ ಬಳಿ ಇದೆಲ್ಲ ನನಗೆ ತಿಳಿದಿಲ್ಲ, ನಿನಗಾಗಿ ನಾನು ಇಂತಹ ಅರೇಂಜ್ ಮಾಡಿಯೇ ಇಲ್ಲ ಎಂದು ಹೇಳುತ್ತಾನೆ. ಇದನ್ನು ಕೇಳಿದ ಅಮ್ಮು ಸುಮ್ಮನಾಗುತ್ತಾಳೆ.

ಅಮ್ಮು ಜೊತೆ ಮನೆಗೆ ಬಂದ ವೇದಾಂತ

ಕೊನೆಗೆ ವೇದಾಂತ ಅಮ್ಮುವನ್ನು ಬಿಡಲು ಮನೆಗೆ ಬಂದಾಗ ಅಮೂಲ್ಯ ತಂದೆಗೆ ಬಹಳ ಖುಷಿಯಾಗಿ ಹೆಂಡತಿಯನ್ನು ಕರೆಯುತ್ತಾನೆ. ಅಮ್ಮು ಹಾಗೂ ವೇದಾಂತ್ ಒಟ್ಟಿಗೆ ಬಂದಿರುವುದನ್ನು ನೋಡಿ ಖುಷಿ ಪಡುತ್ತಾ ಇರುತ್ತಾಳೆ. ವೇದಾಂತ್ ಹಾಗೂ ಅಮೂಲ್ಯ ಒಂದಾಗಿದ್ದಾರೆ ಎಂದುಕೊಂಡು ಖುಷಿ ಪಡುತ್ತಾರೆ.

ಅಮ್ಮು ವೇದಾಂತನನ್ನು ನೋಡಿ ಖುಷಿಪಟ್ಟ ಪರಿಮಳ

ಪರಿಮಳ ಆ ವೇಳೆ ದೇವರು ನನ್ನ ಕೈ ಬಿಡಲಿಲ್ಲ ಎಂದು ಹೇಳುತ್ತಾಳೆ. ಆದರೆ ಅಮ್ಮು ಹಾಗೂ ವೇದಾಂತ ಒಂದಾಗಿಲ್ಲ ಎಂಬ ಸತ್ಯ ಇನ್ನೂ ಅಮ್ಮು ತಂದೆ ತಾಯಿಗೆ ತಿಳಿದಿಲ್ಲ. ವೇದಾಂತ ಬಳಿ ಕುಳಿತುಕೋ ಬಾ ಎಂದು ಕರೆಯುತ್ತಾನೆ ಅಮ್ಮು ತಂದೆ . ಆದರೆ ವೇದಾಂತ ಇನ್ನೊಂದು ದಿನ ಬರುತ್ತೇನೆ ಎನ್ನುತ್ತಾನೆ. ಅಮ್ಮು ಬ್ಯಾಗ್ ತೆಗೆದುಕೊಂಡು ಬರಲು ಪರಿಮಳ ಅಂಜಲಿಗೆ ಹೇಳುತ್ತಾಳೆ. ಇದನ್ನು ಕೇಳಿದ ಅಮ್ಮು ನಾನು ಎಲ್ಲಿಗೂ ಹೋಗಲ್ಲ, ನಾನು ಹೋಗೋದಕ್ಕೆ ಇಲ್ಲಿ ಬಂದಿಲ್ಲ, ನಾನು ಇಲ್ಲಿ ಇರುವುದಕ್ಕೆ ಬಂದಿರುವುದು, ನನ್ನ ಇಲ್ಲಿ ತನಕ ಬಿಟ್ಟಿದ್ದಕ್ಕೆ ಥಾಂಕ್ಸ್ ನೀವು ಇನ್ನು ಇಲ್ಲಿಂದ ಹೊರಡಬಹುದು ಎಂದು ಹೇಳುತ್ತಾಳೆ. ಇದನ್ನು ಕೇಳಿದ ವೇದಾಂತ ಅಲ್ಲಿಂದ ಹೊರಟು ಹೋಗುತ್ತಾನೆ.. ಮುಂದೇನು ಕಾದು ನೋಡಬೇಕಿದೆ...