'ಮಗಳು ಜಾನಕಿ'ಯನ್ನು ಭೇಟಿ ಮಾಡಿ, ಪ್ರಶ್ನೆ ಕೇಳಿ

ದಾವಣಗೆರೆಯಲ್ಲಿ 'ಮಗಳು ಜಾನಕಿ'

'ಮಗಳು ಜಾನಕಿ' ಧಾರಾವಾಹಿಯ ಸಂವಾದ ಕಾರ್ಯಕ್ರಮವನ್ನು ದಾವಣಗೆರೆಯಲ್ಲಿ ಹಮ್ಮಿಕೊಳ್ಳಲಾಗಿದೆ. ವಿಶೇಷ ಅಂದರೆ, ಈ ಧಾರಾವಾಹಿಯ ಮೊದಲ ಸಂವಾದ ಕಾರ್ಯಕ್ರಮ ಇದಾಗಿದೆ. ಜುಲೈ 2 ರಿಂದ ಧಾರಾವಾಹಿ ಪ್ರಾರಂಭ ಆಗಿದ್ದು, ಈಗ ಮೂರು ತಿಂಗಳ ನಂತರ ಸಂವಾದ ಕಾರ್ಯಕ್ರಮ ನಡೆಯುತ್ತಿದೆ.

ದಾವಣಗೆರೆಯೇ ಯಾಕೆ?

ಈ ಧಾರಾವಾಹಿಯ ಮೊದಲ ಸಂವಾದ ಕಾರ್ಯಕ್ರಮ ದಾವಣಗೆರೆಯಲ್ಲಿಯೇ ಯಾಕೆ ಎನ್ನುವ ಪ್ರಶ್ನೆ ನಿಮಗೆ ಇದ್ದರೆ ಅದಕ್ಕೂ ಉತ್ತರವಿದೆ. ಸೀತಾರಂ ಅವರು ಈ ಕ್ಷೇತ್ರಕ್ಕೆ ಬರಲು ದಾವಣಗೆರೆ ಹಾಗೂ ಅಲ್ಲಿನ ಸ್ನೇಹಿತರು ಬಹು ಮುಖ್ಯ ಪಾತ್ರವಹಿಸಿದ್ದಾರಂತೆ. ಅದೇ ಕಾರಣಕ್ಕೆ ಈ ಧಾರಾವಾಹಿಯ ಮೊದಲ ಸಂವಾದವನ್ನು ಅಲ್ಲಿಂದ ಶುರು ಮಾಡಿದ್ದಾರೆ.

ಯಾವ ದಿನ ?

ನವೆಂಬರ್ 18 ರಂದು ಬೆಳಗ್ಗೆ 10 ಗಂಟೆಗೆ, ಬಾಪೂಜಿ ಸಭಾಂಗಣದಲ್ಲಿ ಸಂವಾದ ಕಾರ್ಯಕ್ರಮ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಬರಲು ಆಸಕ್ತಿ ಇರುವವರು ಪಾಸುಗಳನ್ನು ಕಲೆಕ್ಷನ್ಸ್ ಎಂ.ಜಿ.ಎಂ ಸ್ಕ್ವೇರ್, ಎಂ.ಸಿ.ಸಿ 'ಬಿ' ಬ್ಲಾಕ್ ದಾವಣಗೆರೆ ಯಲ್ಲಿ ಪಡೆಯಬಹುದಾಗಿದೆ.

ಇಡೀ ತಂಡ ಭಾಗಿ

ವೀಕ್ಷಕರ ಪ್ರಶ್ನೆ ಹಾಗೂ ಅವರ ಅಭಿಪ್ರಾಯ ತಿಳಿದುಕೊಳ್ಳಲು ಸೀತಾರಂ ಮತ್ತು ತಂಡ ಕಾಯುತ್ತಿದೆ. ಈ ಕಾರ್ಯಕ್ರಮದಲ್ಲಿ ಧಾರಾವಾಹಿಯ ಕಲಾವಿದರಾದ ಗಾನವಿ, ರಾಕೇಶ್ ಮೈಯ್ಯ ಹಾಗೂ ತಾಂತ್ರಿಕ ವರ್ಗ ಭಾಗಿಯಾಗಲಿದ್ದಾರೆ.