Muddu Manigalu: ಸೃಷ್ಟಿಯ ಕನಸಿನ ಗೋಪುರ ಕಳಚಿದ ಶಾರ್ವರಿ; ಆಸ್ಪತ್ರೆಗೆ ಬೀಗ ಜಡಿದ ಅಧಿಕಾರಿಗಳು!

ಜಾಹ್ನವಿಗೆ ಶಾಕ್ ಮೇಲೆ ಶಾಕ್

ಏನು ನನ್ನ ಲೂಸ್ ಅಂದುಕೊಂಡು ಇದ್ದೀರಾ ನಾನು ಯಾಕೆ ಅವರನ್ನು ಭೇಟಿ ಆಗಬೇಕು ಎಂದು ಯೋಚನೆ ಮಾಡುತ್ತಾ ಇರುತ್ತಾಳೆ. ಬಳಿಕ ತನ್ನ ತಂದೆಯ ಬಳಿಯೂ ಅದನ್ನೇ ಹೇಳುತ್ತಾಳೆ. ನಿಮ್ಮಿಂದ ನಾನು ಇದೆಲ್ಲ ನಿರೀಕ್ಷೆ ಮಾಡಿಯೇ ಇರಲಿಲ್ಲ ಎಂದು ಬೇಸರ ಕೂಡ ವ್ಯಕ್ತ ಪಡಿಸುತ್ತಾಳೆ. ಇನ್ನು ಶಾರ್ವರಿ ವಕ್ರ ದೃಷ್ಟಿ ಸೃಷ್ಟಿ ಮೇಲೆ ಬಿದ್ದ ಹಾಗೆ ಕಾಣಿಸುತ್ತದೆ.

ಬೇಸರಗೊಂಡ ಜನ

ಸೃಷ್ಟಿ ಬೇರೆಯೇ ಕ್ಲಿನಿಕ್ ತೆರೆದು ಜನರ ಸೇವೆ ಮಾಡುತ್ತಾ ಇರುವ ವೇಳೆ ಒಮ್ಮಿಂದ ಒಮ್ಮೆಲೆ ಬಂದ ಅಧಿಕಾರಿಗಳು ಸೃಷ್ಟಿಯನ್ನು ತರಾಟೆಗೆ ತೆಗೆದುಕೊಳ್ಳುತ್ತಾರೆ. ನೀವು ಕೊಟ್ಟ ಮೆಡಿಸಿನ್‌ನಿಂದ ಒಬ್ಬಾಕೆಗೆ ಅಬಾರ್ಷನ್ ಆಗಿದೆ ಆ ಕಾರಣ ನೀವು ಈ ಕೂಡಲೇ ಈ ಕ್ಲಿನಿಕ್ ಮುಚ್ಚಬೇಕು ಎಂದು ಹೇಳಿದಾಗ ಸೃಷ್ಟಿಗೆ ಏನು ಮಾಡುವುದು ಎಂದು ತಿಳಿಯದೇ ತಲೆ ಮೇಲೆ ಕೈ ಹೊತ್ತು ಕುಳಿತುಕೊಳ್ಳಲು ಜನರು ನೋಡುತ್ತಾ ಇರುತ್ತಾರೆ. ಯಾಕೆ ಏನಾಯಿತು ಇಷ್ಟು ಒಳ್ಳೆಯ ಆಸ್ಪತ್ರೆ ಮುಚ್ಚಿ ಹೋಗುತ್ತಾ ಇದೆಯಲ್ಲ ಎಂದು ಬೇಸರ ವ್ಯಕ್ತಪಡಿಸುತ್ತಾರೆ. ಆದರೆ ಅಲ್ಲಿ ಇರುವ ಅಧಿಕಾರಿಗಳು ಮಾತ್ರ ಸೃಷ್ಟಿ ಆಸ್ಪತ್ರೆಗೆ ಬೀಗ ಜಡಿದು ಅಲ್ಲಿಂದ ಹೋಗುತ್ತಾರೆ. ಸೃಷ್ಟಿಗೆ ದುಃಖ ಉಮ್ಮಳಿಸಿ ಬರುತ್ತದೆ. ಆದರೂ ಸಹಿಸಿಕೊಂಡು ಸುಮ್ಮನೆ ನಿಂತು ಬಿಡುತ್ತಾಳೆ.

ಭೂಮಿಯನ್ನು ತರಾಟೆಗೆ ತೆಗೆದುಕೊಂಡ ಶಾರ್ವರಿ

ಇನ್ನು ಶಾರ್ವರಿ ಸೋಫಾದ ಮೇಲೆ ಕುಳಿತುಕೊಂಡಿರುತ್ತಾಳೆ. ಈ ವೇಳೆ ಅಲ್ಲಿಗೆ ಬಂದ ಭೂಮಿಯನ್ನು ನೋಡಿ ಎಲ್ಲಿಗೆ ಹೋಗಿದ್ದೆ ಎಂದೆಲ್ಲ ಪ್ರಶ್ನೆ ಮೇಲೆ ಪ್ರಶ್ನೆ ಮಾಡುತ್ತಾಳೆ. ಆದರೆ ಭೂಮಿ ಮೌನವಾಗಿರುತ್ತಾಳೆ. ಕೊನೆಗೆ ಶಾರ್ವರಿ ನೀನು ನನ್ನ ಹಿಂದೆಯೇ ಬರುತ್ತಿದ್ದೆ ಅಲ್ವಾ, ನಾನು ಇದೆಲ್ಲವನ್ನೂ ಗಮನಿಸಿಲ್ಲ ಎಂದು ಅಂದುಕೊಂಡೆ ಆದರೆ ನನಗೆ ಎಲ್ಲವೂ ಗೊತ್ತಾಗಿದೆ ಎಂದೆಲ್ಲ ಹೇಳಿದಾಗ ಭೂಮಿ ತಾಳ್ಮೆ ಕಟ್ಟೆ ಒಡೆದು ಹೋಗುತ್ತದೆ. ತನ್ನ ತಂದೆಯ ಮೇಲೆ ಕೆಟ್ಟ ಕಣ್ಣು ಹಾಕಿದ ಹೆಂಗಸಿನ ಮೇಲೆ ಪ್ರತೀಕಾರ ತೀರಿಸುವ ತವಕದಲ್ಲಿ ಉತ್ತರ ಹೇಳುತ್ತಾಳೆ. ಆದರೆ ಇದ್ಯಾವುದರ ಬಗ್ಗೆ ಶಾರ್ವರಿ ಗಮನ ಹರಿಸುವುದಿಲ್ಲ. ಆಕೆ ಪ್ರೇಮಿಗಳ ದಿನಾಚರಣೆಯ ಸಲುವಾಗಿ ತನ್ನ ಪ್ರೇಮಿಗಾಗಿ ಒಲವಿನ ಉಡುಗೊರೆಯನ್ನು ಭೂಮಿ ಮುಂದೆ ತೋರಿಸುತ್ತಾಳೆ. ಜೊತೆಗೆ ಆಕೆಯ ರಕ್ತದಲ್ಲಿ ಬರೆದ ಪತ್ರವನ್ನು ತೋರಿಸಿದಾಗ ಭೂಮಿ ಸಹನೆ ಕಟ್ಟೆ ಒಡೆಯುತ್ತದೆ. ಮುಂದೇನು ಕಾದು ನೋಡಬೇಕಿದೆ.