ಆಸ್ತಿ ಕೇಳಲು ಮಗ ಆದಿ ಆಡಿದ ಮಾತಿಗೆ ಶಾಕ್ ಆದ ಅಖಿಲ!

ಮರೆಯಲ್ಲಿ ನೋಡುತ್ತಾ ನಿಂತ ಪಾರು

ಅಖಿಲ ತನ್ನ ಮಗ ತನ್ನ ಮಾತು ಕೇಳದೇ ನನ್ನ ಕೈ ಮೀರಿ ಹೋಗುತ್ತಾ ಇದ್ದಾನೆ ಎಂದು ಬೇಸರಪಟ್ಟುಕೊಂಡು ಇರುತ್ತಾಳೆ. ಇದನ್ನು ಮರೆಯಲ್ಲಿ ನೋಡುತ್ತಾ ನಿಂತ ಪಾರ್ವತಿಗೆ ಅಖಿಲ ಗೋಗರೆಯುತ್ತ ಇರುವುದನ್ನು ನೋಡಿ ಬಹಳ ಬೇಸರ ಆಗುತ್ತದೆ. ಇನ್ನು ಅರುಂಧತಿ ರಾಣಾ ಅವರದ್ದು ಒಂದೇ ಸಂಶಯ ಆದಿ ಯಾಕೆ ಆಸ್ತಿಯಲ್ಲಿ ಭಾಗ ಕೇಳಿದ ಅವನ ಮಾತಿನಲ್ಲಿ ಎಷ್ಟೆಲ್ಲ ಕ್ಲಾರಿಟಿ ಇತ್ತು ಅಲ್ವಾ ಎಂದು ಯೋಚನೆ ಮಾಡುತ್ತಾ ಇರುತ್ತಾರೆ. ಇದನ್ನು ನೋಡಿದ ಅಖಿಲ ಶಾಕ್ ಆಗಿದ್ದಳು. ಅವನು ಆಸ್ತಿಯಲ್ಲಿ ಯಾಕೆ ಭಾಗ ಕೇಳಿದ ಗೊತ್ತಿಲ್ಲ, ನನಗೆ ಅರ್ಥ ಆಗುತ್ತಿಲ್ಲ ಎಂದು ರಾಣಾ ಬಳಿ ತನ್ನ ಅನುಮಾನ ವ್ಯಕ್ತಪಡಿಸುತ್ತಾ ಇರುತ್ತಾಳೆ.

ಅನುಮಾನ ವ್ಯಕ್ತ ಪಡಿಸಿದ ರಾಣಾ

ಆ ವೇಳೆ ರಾಣಾ ಕೂಡ ಅದೇ ಹೇಳುತ್ತಾನೆ. ಆದರೆ ರಾಣಾ ನನಗೊಂದು ಅನುಮಾನ ಆತ ಎಂದಿಗೂ ದುಡ್ಡಿಗೆ ಆಸೆ ಪಟ್ಟಿಲ್ಲ, ಅಮ್ಮ ಹಾಕಿದ ಗೆರೆ ದಾಟಿಲ್ಲ ಆದರೂ ಅದು ಹೇಗೆ ಅವನು ಹತ್ತು ಜನರ ಮಧ್ಯೆ ಆಸ್ತಿ ಕೇಳಿದ ಎಂದು ಯೋಚನೆ ಮಾಡುತ್ತಾ ತಲೆಕೆಡಿಸಿಕೊಂಡು ಇರುತ್ತಾನೆ. ಪ್ರೀತಮ್ ಏನಾದರು ಆದಿಗೆ ಹೇಳಿರಬೇಕ ಎಂದೆಲ್ಲ ಯೋಚನೆ ಮಾಡುತ್ತಾನೆ. ಆದರೆ ಇದೆಲ್ಲವನ್ನೂ ಮೋನಿಕಾ ಬಳಿ ಕೇಳಿ ತಿಳಿದುಕೊಳ್ಳುವುದು ಉತ್ತಮ ಎಂದು ಅಂದುಕೊಳ್ಳುತ್ತಾ ಇರುತ್ತಾನೆ. ಇನ್ನು ಆದಿ ಅಮ್ಮನನ್ನೆ ಇಷ್ಟ ಇಲ್ಲ ಎಂದು ಬಿಟ್ಟಿದ್ದಾನೆ. ಆಸ್ತಿಯಲ್ಲಿ ಪಾಲು ಕೇಳಲು ಕಾರಣ ಅಮ್ಮನೇ ಎಂದು ಹೇಳುತ್ತಾನೆ. ಇದನ್ನು ಕೇಳಿದ ಅಖಿಲಾಂಡೇಶ್ವರಿ ಬಹಳ ಬೇಸರಪಟ್ಟುಕೊಂಡು ನಾನು ಎನು ಮಾಡಿದೆ ಎಂದೆಲ್ಲ ಹೇಳುತ್ತ ಇರುತ್ತಾಳೆ.

ತಾಯಿ ಬಾಯಿ ಮುಚ್ಚಿಸಿದ ಆದಿ

ಆದರೆ ಆದಿ ಮಾತ್ರ ಇಲ್ಲಸಲ್ಲದನ್ನು ಹೇಳಿ ತಾಯಿಯ ಬಾಯಿ ಮುಚ್ಚಿಸಿ ಬಿಡುತ್ತಾನೆ. ಇನ್ನು ರಘು ಹೊರಗೆ ಕಾಯುತ್ತಾ ಇರಬೇಕಾದರೆ ಮನೆ ಮಂದಿ ಎಲ್ಲಾ ಓಡಿ ಬರುತ್ತಾರೆ. ಮೋಹನ್ ಬಂದು ಅತ್ತಿಗೆ ಆದಿ.. ಎಂದು ಹೇಳಿದಾಗ ರಘು ಎಲ್ಲಾ ವಿವರವಾಗಿ ಮನೆ ಮಂದಿಗೆ ಹೇಳುತ್ತಾನೆ. ಇನ್ನು ಆದಿ ಮನೆ ಬಿಟ್ಟು ಹೋಗಲು ಅಖಿಲ ಒಪ್ಪುತ್ತಾರಾ ಎಂದು ಕಾದು ನೋಡಬೇಕಿದೆ.