ಅರಸನ ಕೋಟೆಯಲ್ಲಿ ಸಂಭ್ರಮ; ತಾನು ಗರ್ಭಿಣಿ ಎನ್ನುವ ವಿಚಾರ ಹೇಳುತ್ತಾಳಾ ಪಾರು?

ಪಾರು ಬಾಯಿಬಿಡಿಸಲು ಹರಸಾಹಸ ಪಟ್ಟ ಆದಿ

ಆದರೆ ಆದಿ ಮಾತ್ರ ಪಾರು ಬಾಯಿ ಬಿಡಿಸಲು ಹರಸಾಹಸ ಮಾಡುತ್ತಾ ಇದ್ದಾನೆ. ಮನೆಗೆ ಬಂದ ಗಣಿ ಅಕ್ಕನ ಬಳಿ ಅಕ್ಕ ಅರಸನ ಕೋಟೆಗೆ ಡಾಕ್ಟರ್ ಬಂದಿದ್ದಾರೆ, ಯಾಕೆ ಏನೂ ಎಂದು ಗೊತ್ತಿಲ್ಲ ಎಂದಾಗ ಪಾರು ಗಾಬರಿಯಿಂದ ತೆರಳುತ್ತಾಳೆ. ಆದರೆ ಅಖಿಲ ಮಾತಿನ ಹಾಗೆ ಮನೆಯ ಒಳಗೆ ಹೋಗದೇ ಅಲ್ಲಿಯೇ ನಿಲ್ಲುತ್ತಾಳೆ. ಆ ಸಮಯಕ್ಕೆ ಅಲ್ಲಿಗೆ ರಘು ಬರುತ್ತಾನೆ. ಮನೆಯಲ್ಲಿ ಯಾರಿಗೆ ಹುಷಾರಿಲ್ಲ, ಯಾಕೆ ಡಾಕ್ಟರ್ ಬಂದಿದ್ದಾರೆ ಎಂದು ಪಾರು ತರಾತುರಿಯಲ್ಲಿ ಕೇಳುತ್ತಾಳೆ. ಇದನ್ನು ಕೇಳಿದ ರಘು ಹೇಳಬೇಕು ಎಂದುಕೊಂಡಾಗ ಅಲ್ಲಿಗೆ ದಾಮಿನಿ ಅಖಿಲ ಇಬ್ಬರು ಬರುತ್ತಾರೆ. ದಾಮಿನಿ ಹೊರಗೆ ನಿಂತಿದ್ದ ಪಾರ್ವತಿಗೆ ಬಯ್ಯುತ್ತಲೇ ಇರುತ್ತಾಳೆ. ಯಾಕೆ ಇಲ್ಲಿಗೆ ಬಂದಿದ್ದೀಯಾ ಯಾರಾದರೂ ಬದುಕಿದ್ದಾರ ಅಥವಾ ಸತ್ತಿದ್ದಾರ ಎಂದು ನೋಡಲು ಬಂದ್ಯಾ ಎಂದು ಹೇಳಿದಾಗ ಪಾರ್ವತಿ ಮೆತ್ತಗೆ ಮನೆಗೆ ಡಾಕ್ಟರ್ ಬಂದಿದ್ದಾರೆ ಎಂದು ತಿಳಿಯಿತು ಎನ್ನುತ್ತಾಳೆ.

ಅರಸನಕೋಟೆ ಮನೆಗೆ ಓಡಿ ಬಂದ ಪಾರು

ಯಾಕೆ ಏನು ಎಂದು ತಿಳಿಯದೇ ಓಡಿ ಬಂದೆ ಎಂದು ಹೇಳುತ್ತಾಳೆ. ಇದನ್ನು ಕೇಳಿಸಿಕೊಂಡ ಅಖಿಲಗೆ ಬಹಳ ಕೋಪ ಬರುತ್ತದೆ. ಆದರೆ ಅದನ್ನು ತೊರ್ಪಡಿಸಿಕೊಳ್ಳದೆ ಸುಮ್ಮನೆ ಇರುತ್ತಾಳೆ. ಇನ್ನು ಜನನಿಯ ಹೆಲ್ತ್ ಚೆಕ್ ಮಾಡಿದ ಡಾಕ್ಟರ್ ಬಂದು ಜನನಿ ಅವರು ತಾಯಿ ಆಗುತ್ತಾ ಇದ್ದಾರೆ ಎಂದು ಹೇಳಿ ಖುಷಿ ಪಡುತ್ತಾರೆ. ಇದನ್ನು ಕೇಳಿದ ಅಖಿಲಗೆ ಬಹಳ ಖುಷಿ ಆಗುತ್ತದೆ ರೂಮ್ ನಿಂದ ಹೊರ ಬಂದ ಜನನಿಯನ್ನು ಅಖಿಲ ಬಾಚಿ ತಬ್ಬಿಕೊಳ್ಳುತ್ತ ಇರುತ್ತಾರೆ. ಇದನ್ನು ಕೇಳಿಸಿಕೊಂಡ ಪಾರು ಬಹಳ ಖುಷಿ ಪಡುತ್ತಾಳೆ.

ಪಾರು ಖುಷಿಗೆ ಕಾರಣ ಏನು?

ಇದನ್ನೆಲ್ಲ ನೋಡಿದ ದಾಮಿನಿ ಮನದಲ್ಲಿ ಅಕ್ಕನಿಗಿಂತ ತಂಗಿ ಬೇಗ ತಾಯಿ ಆಗಿದ್ದಾಳೆ, ಪಾರ್ವತಿಗೆ ಹೊಟ್ಟೆ ಉರಿಯುತ್ತ ಇರಬೇಕು, ಹಾಗೆ ಆಗಬೇಕು ಅವಳಿಗೆ ಎಂದೆಲ್ಲ ಹೇಳುತ್ತ ಇರುತ್ತಾಳೆ. ಇನ್ನು ಪಾರ್ವತಿ ಮಾತ್ರ ಬಹಳ ಖುಷಿ ಪಡುತ್ತಾಳೆ.. ಅರಸನ ಕೋಟೆಯಲ್ಲಿ ಇದೀಗ ಸಂಭ್ರಮ ಮನೆ ಮಾಡಿದೆ. ಜನನಿ ಹೊಟ್ಟೆಯಲ್ಲಿ ಅರಸನ ಕೋಟೆಯ ವಾರಸುದಾರ ಬೆಳೆಯುತ್ತಾ ಇದ್ದಾನೆ. ಆದರೆ ಪಾರ್ವತಿ ತಾನು ಗರ್ಭಿಣಿ ಎನ್ನುವ ವಿಚಾರವನ್ನು ಎಲ್ಲರೆದುರು ಹೇಳುತ್ತಾಳಾ ಎಂಬುದನ್ನು ಕಾದು ನೋಡಬೇಕಿದೆ.