ಮೋನಿಕಾಗೆ ಮತ್ತೆ ಶಾಕ್ ಕೊಟ್ಟ ಜನನಿ, ಎಲ್ಲ ಪ್ಲ್ಯಾನ್ ಪಾರುಳದ್ದೇ!

ಮೋನಿಕಾಗೆ ಊಟ ತಂದುಕೊಟ್ಟ ಪ್ರೀತಮ್

ಇದನ್ನು ನೋಡಿದ ಮೋನಿಕಾ, ನೀನಾಗಿ ನೀನು ಈ ಮನೆಯ ಹೊರಗಡೆ ಕಳುಹಿಸುವವರೆಗೂ ನಾನು ಹೀಗೆಯೇ ಆಡುತ್ತಾ ಇರುತ್ತೇನೆ. ಯಾವ ಕ್ಷಣದಲ್ಲಿ ಹೆಂಡತಿಗೆ ಈ ವಿಚಾರ ಗೊತ್ತಾಗುತ್ತೋ ಎಂದು ಭಯದಲ್ಲಿ ಇರಬೇಕು ಎಂದು ಹೇಳಿ ಹಲ್ಲು ಮಸೆಯುತ್ತಾಳೆ. ಬಳಿಕ, ನೀನು ಊಟ ತಂದುಕೊಟ್ಟಿರುವ ವಿಚಾರ ನಿನ್ನ ಹೆಂಡತಿಗೆ ಗೊತ್ತಾದರೆ ಏನು ಮಾಡುತ್ತೀಯಾ? ಎಂದಾಗ ಅಲ್ಲಿಗೆ ಬಂದ ಜನನಿ ಕುಡಿಯಲು ನೀರು ತರುತ್ತಾಳೆ. ಇದನ್ನು ನೋಡಿದ ಮೋನಿಕಾಗೆ ಕೊಂಚ ಶಾಕ್ ಆಗುತ್ತದೆ. ಇದನ್ನು ಪಾರು-ಆದಿ ಇಬ್ಬರು ನೋಡುತ್ತಾ ಇರುತ್ತಾರೆ.

ಮೋನಿಕಾಗೆ ಮತ್ತೆ ಶಾಕ್ ನೀಡಿದ ಜನನಿ

ಮೋನಿಕಾ ಮಿಕ-ಮಿಕ ಎಂದು ಜನನಿ ಮುಖ ನೋಡುತ್ತಾ ಇರಬೇಕಾದರೆ ಯಾಕೆ ಮೋನಿಕಾ ಆಶ್ಚರ್ಯ ಪಡುತ್ತಾ ಇದ್ದೀರಾ ನಾನು ಬಂದೆ ಅಂತನಾ? ಪ್ರೀತಮ್ ನಿಮಗೆ ಊಟ ತಂದ ಆದರೆ ನೀರು ತರೋದೆ ಮರೆತು ಬಿಟ್ಟ ಅದಕ್ಕೆ ನಾನೇ ನೀರು ತಂದೆ ನಿಮಗೆ ಏನು ಬೇಕು ಬೇಡಗಳನ್ನು ನಿಸ್ಸಂಕೋಚವಾಗಿ ಕೇಳಿ ಬೇಸರ ಪಟ್ಟುಕೊಳ್ಳಬೇಡಿ. ನಿಮಗೆ ಏನು ಬೇಕಾದರೂ ಪ್ರೀತಮ್ ಮೊಬೈಲ್‌ಗೆ ಕರೆ ಮಾಡಿ ಎಂದು ಹೇಳಿದಾಗ ಮೋನಿಕಾ ಹೇಳುತ್ತಾಳೆ. ನಾನು ಹೀಗೆಲ್ಲ ಮಾಡಿದರೆ ನಿಮಗೆ ಬೇಸರ ಆಗುವುದು ಇಲ್ವಾ ಎಂದಾಗ ಜನನಿ ಹೇಳುತ್ತಾಳೆ ಬೇಸರ ಯಾಕೆ ಮಾಡಿಕೊಳ್ಳಬೇಕು. ಏನು ಬೇಸರ ನನಗೆ ಇಲ್ಲ ಎಂದು ಹೇಳುತ್ತಾಳೆ ಇದನ್ನು ಕೇಳಿದ ಮೋನಿಕಾ ಬೆರಗಾಗುತ್ತಾಳೆ. ಇನ್ನು ಅಖೀಲಾಂಡೇಶ್ವರಿ ಮಾತ್ರ ತನ್ನ ಮಗ ಆದಿ ಹಾಗೂ ಪಾರು ಖುಷಿ ನೋಡಿ ತಾನು ಖುಷಿ ಪಡುತ್ತಾಳೆ.

ಆದಿ-ಪಾರುವಿನ ಮದುವೆ ಚಿತ್ರ ವೀಕ್ಷಿಸುತ್ತಿರುವ ಅಖಿಲಾ

ಪಾರು-ಆದಿ ಮದುವೆ ವೇಳೆ ಎಷ್ಟೆಲ್ಲ ವಿಘ್ನಗಳು ಬಂದು ಹೋದವು ಆದರೆ ಅವರ ಮುಖದಲ್ಲಿ ಇರುವ ಮಂದ ಹಾಸ ನೋಡಿದಾಗ ಬಹಳ ಖುಷಿ ಆಗುತ್ತದೆ ಅಖಿಲಾಗೆ. ಅಲ್ಲಿಗೆ ಬಂದ ರಘು, ಅಖಿಲಾ ಖುಷಿಗೆ ಕಾರಣ ಎನು? ಜೊತೆಗೆ ಆದಿ-ಪಾರು ಮದುವೆ ಫೋಟೋ ಯಾಕೆ ನೋಡುತ್ತಿರುವುದು ಎಂದು ಪ್ರಶ್ನಿಸುತ್ತಾನೆ. ಇದನ್ನು ಕೇಳಿದ ಅಖಿಲಾ, ಈವರೆಗೂ ಇವರಿಬ್ಬರ ಮದುವೆ ಫೋಟೋ ನನಗೆ ನೋಡಬೇಕು ಎಂದು ಅನ್ನಿಸಲಿಲ್ಲ ಆದರೆ ಇದೀಗ ನೋಡೋಣ ಅನ್ನಿಸುತ್ತಿದೆ ಎನ್ನುತ್ತಾಳೆ.

ಹಳೆ ನೆನಪಿಗೆ ಜಾರಿದ ಅಖಿಲಾ

ಆ ವೇಳೆ ರಘು ಹೇಳುತ್ತಾರೆ ಅದೆಲ್ಲ ಸರಿ ಆದರೆ ಫೋಟೋದಲ್ಲಿ ಮಾತ್ರ ನೀನು ಇಲ್ಲ ಅದೇ ಬೇಸರ ಎಂದಾಗ ಅಖಿಲಾ, ಫೋಟೋದಲ್ಲಿ ಇಲ್ಲವಾದರೆ ಏನು ಅವರ ಮನದಲ್ಲಿ ಹೃದಯದಲ್ಲಿ ನಾನು ಶಾಶ್ವತವಾಗಿ ಭದ್ರ ಆಗಿರುತ್ತೇನೆ ಎಂದು ಹೇಳುತ್ತಾರೆ. ಮನೆಯಲ್ಲಿ ಏನೇ ಆದರೂ ಅದನ್ನು ಆದಿ-ಪಾರು ಯಾರಿಗೂ ತಿಳಿಸದೆ ಹಿಡಿದ ಕೆಲಸವನ್ನು ಮಾಡಿಯೇ ಮಾಡುತ್ತಾರೆ. ಆದ ಕಾರಣ ಅಖಿಲಾಗೆ ತನ್ನ ಮಗ ಸೊಸೆ ಅಂದರೆ ನಂಬಿಕೆ. ಇನ್ನು ಮೋನಿಕಾ ಕುತಂತ್ರ ಅಖಿಲಾಗೆ ಗೊತ್ತಾದರೆ ಸುಮ್ಮನೆ ಇರುತ್ತಾಳ ಮುಂದೇನು ಮಾಡುತ್ತಾಳೆ ಅಖಿಲ ಎಂಬುವುದನ್ನು ಕಾದು ನೋಡಬೇಕಿದೆ.